ព័ត៌មានជាតិ

ប្រធានសភាថាកម្ពុជាត្រូវការប្រព័ន្ធច្បាប់អន្តរជាតិដើម្បីការពារទឹកដីរបស់ខ្លួន

បានផុស

១០ ខែ មុន

នៅ

ថ្ងៃសៅរ៍ ២ សីហា ២០២៥

ដោយ

ប្រធានសភាកម្ពុជា សម្ដេចសភាធិបតី ឃួន សុដារី បានថ្លែងថា ប្រទេសកម្ពុជាត្រូវការច្បាប់អន្តរជាតិ និងប្រព័ន្ធពហុភាគីនិយមក្នុងការពារអធិបតេយ្យ បូរណភាពទឹកដីរបស់ខ្លួន។ កម្ពុជាតែងតែគោរពនូវប្រព័ន្ធច្បាប់អន្តរជាតិ ធម្មនុញ្ញអង្គការសហប្រជាជាតិដើម្បីចូលរួមរក្សានូវសណ្ឋាប់ធ្នាប់ពិភពលោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងសន្និសីទប្រធានសភាពិភពលោកលើកទី៦ នៅទីក្រុងហ្សឺណែវ ប្រទេសស្វីស កាលពីថ្ងៃទី៣០ ខែកក្កដា ចំពោះមុខគណៈប្រតិភូសភាជាង ១០០ ប្រទេស សម្ដេចប្រធានសភាកម្ពុជាបានថ្លែងថា ពិភពលោកកំពុងតែឈានទៅរកភាពគ្មានសណ្ឋាប់ធ្នាប់ដោយសារសង្គ្រាម និងការរំលោភច្បាប់អន្តរជាតិនៅតែបន្តកើតឡើង ហើយឆ្លើយតបនឹងស្ថានការណ៍ដ៏គ្រោះថ្នាក់របស់ពិភពលោកចាំបាច់រួបរួមគ្នាជាធ្លុងមួយ ដើម្បីការពារធម្មនុញ្ញអង្គការសហប្រជាជាតិ និងជំរុញពហុភាគីនិយមបើកចំហ ដោយចូលរួមដោយគ្មានការរើសអើង។

ទាក់ទងនឹងបញ្ហាព្រំដែនកម្ពុជា-ថៃវិញ កម្ពុជាគឺជាប្រទេសដែលចង់ឱ្យមានការដោះស្រាយដោយច្បាប់អន្តរជាតិបំផុតក្នុងការការពារទឹកដីរបស់ខ្លួន។

សម្តេចបានសង្កត់ធ្ងន់ថា៖ «ក្នុងនាមជារដ្ឋតូចមួយ ប្រទេសកម្ពុជាពឹងផ្អែកខ្លាំងលើច្បាប់អន្តរជាតិ និងប្រព័ន្ធពហុភាគី ដើម្បីការពារអធិបតេយ្យ និងបូរណភាពទឹកដីរបស់ខ្លួន»។

គួរឱ្យដឹងផងដែរថា ចាប់តាំងពីមានជម្លោះព្រំដែនមកកម្ពុជាតែងតែស្វែងរកការដោះស្រាយដោយប្រព័ន្ធច្បាប់អន្តរជាតិដោយបញ្ជូនសំណុំរឿងតំបន់ប្រទាំងប្រទើសជាមួយថៃទៅកាន់តុលាការយុត្តិធម៌អន្តរជាតិដើម្បីស្វែងរកដំណោះស្រាយ តែថៃផ្ទុយពីនេះ បន្តរករឿងរហូតឈានដល់ការផ្ទុះអាវុធបាញ់មកលើកងទ័ពកម្ពុជាកាលពីថ្ងៃទី២៤ ខែកក្កដា ឆ្នាំ២០២៥។ ការប្រយុទ្ធគ្នាបានឈានដល់បទឈប់បាញ់មួយកាលពីថ្ងៃទី២៨ ខែកក្កដា បន្ទាប់ពីនាយករដ្ឋមន្ត្រីកម្ពុជា និងនាយករដ្ឋមន្ត្រីស្ដីទីថៃ បានជួបចរចាគ្នានៅប្រទេសម៉ាឡេស៊ី តាមរយៈការសម្របសម្រួលពីម៉ាឡេស៊ី ដោយមានអាមេរិកជាអ្នកផ្ដួចផ្ដើមគំនិត និងចិនជាអ្នកតាមដានការចរចានេះ៕

អត្ថបទដោយ ហ៊ុន សិរីវឌ្ឍន៍

សេចក្ដីជូនដំណឹង៧ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា