ព័ត៌មានជាតិ

ក្លឹបប្រដាល់ថ្មីមួយនៅស្រុងស្ទឹងត្រង់ ទើបបង្កើតសោះមានការចាប់អារម្មណ៍ច្រើនពីយុវជនទីនោះ

បានផុស

១០ ខែ មុន

នៅ

ថ្ងៃអង្គារ ១២ សីហា ២០២៥

ដោយ

ក្លឹបប្រដាល់ថ្មីមួយដែលមានឈ្មោះថា «ក្លឹបស្ទឹងត្រង់តេជោគុនខ្មែរ» នៅឯស្រុកស្ទឹងត្រង់ ខេត្តកំពង់ចាម ទើបតែបង្កើតសោះ ប៉ុន្តែមានការចាប់អារម្មណ៍ និងចូលហ្វឹកហាត់បានច្រើនពីយុវជននៅក្នុងតំបន់នោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបភាពលើផេកសហព័ន្ធប្រដាល់

លោក រិទ្ធ អារុន ដែលជាគ្រូបង្វឹកនៅ «ក្លឹបស្ទឹងត្រង់តេជោគុនខ្មែរ» បានលើកឡើងថា នៅឯតំបន់នោះមិនមានក្លឹបប្រដាល់នោះឡើយ។ ដូច្នេះក្លឹបថ្មីដែលទើបបង្កើតនេះជាក្លឹបទី១ ហើយដែលទើបបានបង្កើតក្នុងតំបន់ស្រុកស្ទឹងត្រង់ ខេត្តកំពង់ចាមនោះ។

រូបភាពលើផេកសហព័ន្ធប្រដាល់

គ្រូបង្វឹក និងជាកីឡាករដែលមានបទពិសោធច្រើនខាងលើនេះបន្ថែមទៀតថា អ្វីដែលគួរឲ្យចាប់អារម្មណ៍ខ្លាំងនោះគឺមានយុវជន សិស្សសាលា និងក្មេងៗកំព្រាជាច្រើនចាប់អារម្មណ៍ និងបានចូលហ្វឹកហាត់នៅទៅនោះ។ យុវជនមួយចំនួនហ្វឹកហាត់ហើយត្រឡប់ទៅផ្ទះវិញ ប៉ុន្តែមួយចំនួនទៀតដែលកំព្រាឪពុក-ម្ដាយ ឬគ្មានផ្ទះសម្បែរបន្តសុំស្នាក់នៅក្នុងក្លឹបតែម្ដង។

ជាមួយគ្នានោះដែរ រិទ្ធ អារុណ ក៏បានថ្លែងអំណរគុនដល់លោក ខូវ ឆាយ ប្រធានសហព័ន្ធដែលបានឧបត្ថម្ភថវិកា សម្ភារហ្វឹកហាត់ និងគ្រឿងឧបភោគបរិភោគមួយចំនួនដល់ក្លឹប «ក្លឹបស្ទឹងត្រង់តេជោគុនខ្មែរ» ដែលលោកកំពុងបង្ហាត់នៅពេលនេះ។

លោក រិទ្ធ អារុណ

បញ្ជាក់ដែរថា ក្លឹបប្រដាល់ «ក្លឹបស្ទឹងត្រង់តេជោគុនខ្មែរ» ជាក្លឹបថ្មីមួយទើបតែបង្កើតឡើងនោះឡើយនៅស្រុកស្ទឹងត្រង់ ខេត្តកំពង់ចាម។ ក្លឹបថ្មីនេះគឺមានលោក រិទ្ធ អារុណ កំពុងមើលការខុសត្រូវ និងបង្ហាត់សិស្សនាពេលបច្ចុប្បន្ននេះ។ យុវជនដែលរស់នៅក្បែរៗនេះចង់ហ្វឹកហាត់ក៏អាចទាក់ទងទៅកាន់ក្លឹបផ្ទាល់បាន៕