កីឡា

សូត្រ ប៊ុនធី សរសើរកីឡាករ ពេជ្រ សម្បត្តិ ពិតជាមនុស្សកម្រក្នុងវិស័យប្រដាល់មែនៗ

បានផុស

៣ នាទី មុន

នៅ

ថ្ងៃពុធ ១៧ មិថុនា ២០២៦

ដោយ

កីឡាករជើងចាស់ សូត្រ ប៊ុនធី ពិតជាសរសើរភាពខ្លាំង និងភាពធនស្វិតរបស់ ពេជ្រ សម្បត្តិ ដែលចាត់ចូលជាអ្នកកម្រម្នាក់ក្នុងវិស័យប្រដាល់គុនខ្មែរនេះ និងមិនដែលធ្លាប់ជួបនោះទេតាំងប្រឡូកក្នុងវិស័យកីឡាប្រហែល ១០ឆ្នាំមកនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ សូត្រ ប៊ុនធី

សូត្រ ប៊ុនធី បានឲ្យដឹងថា ចាប់តាំងពីរូបគេចូលប្រឡូកក្នុងវិស័យប្រដាល់ជិត ២០ឆ្នាំមកនេះមិនដែលបានជួប ឬឃើញកីឡាករដែលមានសមត្ថភាពខ្លាំង និងធនតាន់ស្វិតដូចជា ពេជ្រ សម្បត្តិ នៅពេលនេះនោះទេ។ សម្បត្តិ ពិតជាល្អ និងរឹងមាំមែនបើទោះជាត្រូវធ្ងន់ៗពីដៃគូយ៉ាងណាក្ដី ប៉ុន្តែនៅតែមិនអីបន្តការប្រកួតជាធម្មតា។

ពេជ្រ សម្បត្តិ និង ធន់ ម៉េងហុង

រៀមច្បងត្រកូល សូត្រ រូបនេះបន្ថែមទៀតថា ភាពរឹងមាំរបស់ ពេជ្រ សម្បត្តិ តាមការយល់ឃើញគឺទី១ បានមកពីការហ្វឹកហាត់បានល្អដិតដល់ជាប្រចាំ និងមានសុខភាពផ្លូវកាយល្អអំណោយផង។ ទី២ អាចមកពីមានមន្តអាគមនខ្លាំង ឬមានវត្ថុស័ក្តិសិទ្ធពាក់ក៏ថាបាន។ លើសពីនេះអាចមានគ្រូកាន់តាមថែរក្សាមួយផ្នែកដែរបន្ថែមពីការលើកហ្វឹកហាត់នេះទើបធ្វើឲ្យ សម្បត្តិ មានលក្ខណៈពិសេសខុសដាច់ពីកីឡាករប្រដាល់គុនខ្មែរដទៃទៀត។

សម្បត្តិ ក្រោយឈ្នះ ម៉េងហុង

បញ្ជាក់ដែរថា កីឡាករ ពេជ្រ សម្បត្តិ បច្ចុប្បន្ននេះមានកេរ្តិ៍ឈ្មោះល្បីខ្លាំងមែនទែនលើប្រភេទទម្ងន់ ៦០គីឡូក្រាមនៅកម្ពុជា។ រូបគេជាកីឡាករដែលធនក្នុងការប្រកួតបើទោះជាត្រូវដៃគូវាយចូលយ៉ាងណាក៏ដោយមិនងាយផ្ដួលបានទេ។ ការប្រកួតរបស់ ពេជ្រ សម្បត្តិ កម្រចាញ់ណាស់នៅតាមកម្មវិធីតូច-ធំផ្សេងៗ និងជាកីឡាករដែលមានអ្នកតាមដាន និងចង់ទស្សនាច្រើន។ សម្បត្តិ ជាកូនសិស្សលោក ពេជ្រ សុផាន់។ ប្រកួតចុងក្រោយរបស់គេយកឈ្នះសិស្សប្អូន ធន់ ម៉េងហុង ដោយពិន្ទុ និងទទួលបានខ្សែក្រវាត់ ១គ្រឿង៕

អត្ថបទដោយ៖ នួន ស៊ីណា