កីឡា

យីអ៊ុនឡើងមែន! សេន ប៊ុនថេន ទទួលបានរង្វាន់ធំផ្ទួនៗ ៤០០លានមិនទាន់ប៉ុន្មានខែផងចូលឡាន ១គ្រឿងទៀតហើយ

បានផុស

២២ វិនាទី មុន

នៅ

ថ្ងៃចន្ទ ១៥ មិថុនា ២០២៦

ដោយ

ក្លឹបប្រដាល់សេនប៊ុនថេនប៉ែនកាក់គុនខ្មែរ ដែលគ្រូបង្វឹក និងជាអ្នកមើលការខុសត្រូវដោយលោក សេន ប៊ុនថេន នោះគឺមានយីអ៊ុនឡើងខ្លាំងមែនទែនមួយរយៈពេលចុងក្រោយនេះ ពោលទើបទទួលបានការឧបត្ថម្ភទឹកប្រាក់ ៤០០លានរៀលចូលក្លឹបមិនទាន់បានប៉ុន្មានខែផង ឥលូវយប់មិញនេះឈ្នះរង្វាន់ឡានខ្លាញ់គោល ១គ្រឿងជាថ្មីទៀតហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិដ្ឋភាពក្លឹបលោក សេន ប៊ុនថេន ទទួលការឧបត្ថម្ភ ៤០០លានរៀល

លោក សេន ប៊ុនថេន ហាក់មានយីអ៊ុនឡើងខ្លាំងមែនទែននៅប៉ុន្មានខែចុងក្រោយនេះ ពោលសិស្សប្រកួតក៏ឈ្នះច្រើន ប្រាក់រង្វាន់បានជាបន្តបន្ទាប់ចូលក្លឹប ខ្សែក្រវាត់ ពាន ចូលក្លឹបមិនដាច់។ អំឡុងខែមករា ដើមឆ្នាំ២០២៦ នេះក្លឹបរបស់លោក សេន ប៊ុនថេន ទទួលបានថវិកា ៤០០លានរៀលពីក្រុមហ៊ុនវឌ្ឍនៈដើម្បីយកទៅអភិវឌ្ឍន៍ក្លឹប បណ្ដុះធនធានកីឡាករ និងប្រើប្រាស់លើការហ្វឹកហាត់ប្រចាំថ្ងៃ។

រង្វាន់ឡានដែលក្លឹបលោក សេន ប៊ុនថេន ឈ្នះ

រំលងបានប្រហែលកន្លះឆ្នាំកាលពីយប់ថ្ងៃទី១៤ ខែមិថុនា ឆ្នាំ២០២៦ នេះក្លឹបប្រដាល់លោក សេន ប៊ុនថេន ទទួលបានរង្វាន់ធំ ១ទៀតហើយគឺការឈ្នះឡានខ្លាញ់គោ ១គ្រឿងក្នុងកម្មវិធី The battle of three kingdoms បន្ទាប់ពីសិស្សរបស់លោក ៤នាក់ប្រកួតឈ្នះទាំង៤ រួចមក។ ក្លឹបប្រដាល់មួយនេះចាត់ទុកជាក្លឹបជោគជ័យជាងគេហើយគិតត្រឹមពីដើមឆ្នាំ២០២៦ រហូតដល់ខែមិថុនានេះ។

លោក សេន ប៊ុនថេន យប់មិញ

បញ្ជាក់ដែរថា ក្លឹបប្រដាល់សេនប៊ុនថេនប៉ែកកាក់គុនខ្មែរ ជាក្លឹបក្លឹបថ្មីដែលបង្កើតឡើងដោយលោក សេនប៊ុន និងលោក បឺត ខាំ កាលពីដំបូងឡើយ។ ប៉ុន្តែលោក បឺត ខាំ បានសម្រេចទៅបង្កើតក្លឹបថ្មីផ្ទាល់ខ្លួនផ្សេងទៀតនោះក៏បានទុកក្លឹបចាស់នេះឲ្យលោក សេន ប៊ុនថេន មើលការខុសត្រូវតែម្នាក់បន្ត។ ក្លឹបមួយនេះដំណើរការដល់សព្វថ្ងៃក៏មានការឧបត្ថម្ភគាំទ្រពីក្រោយរបស់ប្រធានក្លឹបផងដែរគឺលោក ប៉ែន កាក់ ប៉ុន្តែរាល់ការបង្ហាត់ និងមើលការខុសត្រូវសិស្សគឺដោយលោក សេន ប៊ុនថេន ផ្ទាល់៕

អត្ថបទដោយ៖ នួន ស៊ីណា