នយោបាយ

លោក សូ ណារ៉ូ ថាក្រុមលោក សម រង្ស៊ី កំពុងខ្ចីដៃសត្រូវនិងធ្វើសង្គ្រាមចិត្តសាស្ត្របំបែកខ្មែរ

បានផុស

២ ខែ មុន

នៅ

ថ្ងៃពុធ ២២ មេសា ២០២៦

ដោយ

រដ្ឋមន្ត្រីប្រតិភូអមនាយករដ្ឋមន្ត្រីលោក សូ ណារ៉ូ បានហៅសកម្មភាពរបស់ក្រុមរបស់លោក សម រង្ស៊ី ពេលនេះគឺជាល្បិចខ្ចីដៃសត្រូវដុតកំហឹងពលរដ្ឋ និងបំបែកបំបាក់ខ្មែរឱ្យងើបឡើងផ្ដួលរំលំរដ្ឋាភិបាល។ ការលើកឡើងរបស់លោក សូ ណារ៉ូ ពេលនេះគឺបន្ទាប់ពីមេដឹកនាំចលនាប្រឆាំងនៅក្រៅប្រទេសលោក សម រង្ស៊ី បានចេញសេចក្ដីប្រកាសព័ត៌មានមួយកាលពីថ្ងៃទី២២ ខែមេសា ជំរុញដល់ពលរដ្ឋឱ្យផ្ដួលរំលំរដ្ឋាភិបាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងសំណេរបង្ហោះលើបណ្ដាញសង្គមរបស់លោកនៅព្រឹកថ្ងៃទី២២ ខែមេសានេះ លោក សូ ណារ៉ូ បានហៅការអំពាវនាវនេះមានចរិត «ក្បត់ជាតិ» ដែលមិនអាចគេផុតពីសំណាញ់ច្បាប់ទេ។ លោកអំពាវនាវដល់ពលរដ្ឋខ្មែរកុំចាញ់បញ្ឆោតរបស់ក្រុមប្រឆាំងនេះ ដែលអាចបង្កទុក្ខទោសដល់ខ្លួន។

លោកសរសេរថា៖ «ទង្វើខ្ចីដៃសត្រូវដែលកំពុងធ្វើសកម្មភាពឈ្លានពានយ៉ាងកម្រោលមកលើទឹកដីកម្ពុជា និងធ្វើសង្គ្រាមចិត្តសាស្ត្រគ្រប់យ៉ាងដើម្បីបំបែកបំបាក់ស្មារតីសាមគ្គីជាតិខ្មែរ គឺជាទង្វើមានចរិតក្បត់ជាតិដែលមិនអាចគេចផុតពីសំណាញ់ច្បាប់ផ្ដន្ទាទោសបានឡើយ។ សូមបងប្អូនប្រជាពលរដ្ឋដែលស្រឡាញ់ជាតិ កុំចាញ់បោកពួកជ្រុលនិយមក្បត់ជាតិ ដែលអាចរងទុក្ខទោសព្រហ្មទណ្ឌមិនខាន»។

លោកថានេះគឺជា ការបន្តលេងល្បែងជាថ្មីម្ដងទៀត ដោយឆ្លៀតយកឱកាសនៃសកម្មភាពធ្វើការយាយីអុកឡុកតាមខ្សែព្រំដែនកម្ពុជា-ថៃ របស់ពួកឈ្លានពានសៀម យកជាលេសដើម្បីដុតកម្ដៅកំហឹងមហាជនដែលស្រឡាញ់ទឹកដី អំពាវនាវមួលបង្កាច់ បំផុសបំផុលសារជាថ្មី ឱ្យមានការងើបឡើងផ្ដួលរំលំរាជរដ្ឋាភិបាលដែលប្រជាជនខ្មែរជាង ៨០ភាគរយ បានបោះឆ្នោតជូន បន្ទាប់ពីការអំពាវនាវកាលពីខែធ្នូ ឆ្នាំ២០២៥ របស់ក្រុមនេះមិនទទួលបានជោគជ័យក្រោយមានបទឈប់បាញ់នាថ្ងៃទី២៧ ខែធ្នូ ឆ្នាំ២០២៥នោះ ៕

អត្ថបទដោយ ហ៊ុន សិរីវឌ្ឍន៍

Related Topics:លោក សម រង្ស៊ី បណ្ឌិត សូ ណារ៉ូ

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា