នយោបាយ

ពលរដ្ឋចូលរួមបិទរូបសញ្ញាគណបក្សប្រជាជនកម្ពុជាតាមទីសាធារណៈ

បានផុស

១ ខែ មុន

នៅ

ថ្ងៃអង្គារ ២៤ ឧសភា ២០២២

ដោយ

លោក លីវ វណ្ណថេង ចៅសង្កាត់ព្រែកថ្មីបានឱ្យដឹងថា ប្រជាពលរដ្ឋជាច្រើនបានចូលរួមបិទរូបសញ្ញាគណបក្សប្រជាជនកម្ពុជានៅតាមទីសាធារណៈ ជាពិសេសចាប់តាំងពីថ្ងៃបើកយុទ្ធនាការឃោសនាស្វែងរកសំឡេងគាំទ្រសម្រាប់ការបោះឆ្មោតជ្រើសរើសបេក្ខភាពមេឃុំ និងចៅសង្កាត់មកគឺនៅភូមិសាស្រ្តសង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ ឃើញមានបងប្អូនប្រជាពលរដ្ឋចូលរួមយ៉ាងសកម្មជាមួយគណបក្សប្រជាជនកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកចៅសង្កាត់បានបន្ថែមថា មិនត្រឹមតែចូលរួមដង្ហែក្នុងក្បួនឃោសនារបស់គណបក្សប្រជាជនកម្ពុជាប៉ុណ្ណោះទេគឺពួកគាត់ថែមទាំងសុំខិតបណ្ឌឃោសនារបស់គណបក្សប្រជាជនកម្ពុជាទៅបិទតាមផ្ទះរបស់គាត់ និងតាមទីសាធារណៈទៀតផង។ ហើយតាមការស្ទាបស្ទង់មតិពីបងប្អូនប្រជាពលរដ្ឋលោកបានសម្រេចចិត្តបោះឆ្នោតជូនលោកចៅសង្កាត់មកពីគណបក្សប្រជាជនកម្ពុជាតែម្តង។

ដោយឡែកលោក យ៉ិន វុធ ចៅសង្កាត់ច្បារអំពៅទី២វិញក៏បានអះអាងដូចលោក ចៅសង្កាត់ព្រែកថ្មីផងដែរបន្ទាប់ពីបងប្អូនប្រជាពលរដ្ឋលោកបាននាំគ្នាចូលរួមឃោសនាជាមួយក្បួនគណបក្សប្រជាជនកម្ពុជាបើទោះជាពួកគាត់ជាប់រវល់លក់ ដូរក៏សុខចិត្តផ្អាកការលក់ដូររួចមកចូលរួមដង្ហែក្បួនរហូតដល់ចប់ដោយទឹកមុខរីករាយទៀតផង។

នេះគឺសរបញ្ជាក់ឲ្យឃើញថា បងប្អូនប្រជាពលរដ្ឋលោកស្រឡាញ់ពេញចិត្តនឹងគាំទ្រគណបក្សប្រជាជនកម្ពុជាជារៀងរហូត៕