នយោបាយ
សមាជិក-សមាជិកាគណបក្សប្រជាជនកម្ពុជា នៅខេត្តបាត់ដំបង ជួបជុំបិទយុទ្ធនាការឃោសនាបោះឆ្នោត
នៅថ្ងៃទី ៣ ខែមិថុនា ឆ្នាំ ២០២២ ចាប់តាំងពីម៉ោង ៦ព្រឹកមក សមាជិក-សមាជិកា របស់គណបក្សប្រជាជនកម្ពុជា ដែលមកពីតាមបណ្តាក្រុង-ស្រុក ក្នុងខេត្តបាត់ដំបង បានធ្វើដំណើរប្រកបដោយទឹកមុខរីករាយ ដើម្បីប្រមូលផ្តុំ និងជួបជុំគ្នាក្នុងបរិវេណសួននាគបាញ់ទឹក កណ្តាលក្រុងបាត់ដំបង ដើម្បីបិទយុទ្ធនាការឃោសនាបោះឆ្នោត ជ្រើសរើសក្រុមប្រឹក្សាឃុំ-សង្កាត់អាណត្តិទី ៥។
ប្រជាពលរដ្ឋរាប់ពាន់នាក់ ប្រកបដោយទឹកមុខស្រស់ស្រាយ ដោយនៅដៃមានកាន់ទង់ជាតិ និងទង់បក្ស ហើយម្នាក់ៗមានឯកសណ្ឋានពណ៌ស និងមួកពណ៌ស មានសញ្ញារូបទេវតាបាចផ្កា ដែលតំណាងឲ្យគណបក្សប្រជាជនកម្ពុជា។
គ្រឿងបំពងសំឡេង និងក្រុមតន្ត្រី ក៏បានបន្លឺឡើងនូវបទចម្រៀង ដែលមានអត្ថន័យយ៉ាងជ្រាលជ្រៅ ដែលបានលាតត្រដាងនូវការខិតខំប្រឹងប្រែងស្តារ និងកសាង អភិវឌ្ឍប្រទេសឲ្យបានរីកចម្រើនមកដល់សព្វថ្ងៃនឹះ គឺដោយសារថ្នាក់ដឹកនាំរបស់គណបក្ស ដែលមានសម្តេចតេជោ ហ៊ុន សែន ជាប្រមុខ។
សំឡេងជ័យឃោស ក៏បានលាន់ឮកងរំពង និងសំឡេងបន្ទររបស់ប្រជាពលរដ្ឋ ដែលបានចូលរួមក្នុងយុទ្ធនាការឃោសនាចុងក្រោយ ហើយក៏ជាថ្ងៃបញ្ចប់ នៃការឃោសនារកសំឡេងឆ្នោត សម្រាប់គ្រប់គណបក្សនយោបាយ ផងដែរ។
នៅព្រឹកថ្ងៃដដែលនេះដែរ ក្រោយពីអង្គពិធីត្រូវបានបញ្ចប់ សមាជិក-សមាជិការបស់គណបក្សប្រជាជនកម្ពុជាទាំងអស់ ក៏បានរៀបចំជាក្បួនដង្ហែតាមដងផ្លូវ គ្រប់ច្រកល្ហកក្នុងខេត្ត ជាការបង្ហាញនូវទឹកចិត្ត ដែលពេញទៅដោយការពេញចិត្តពេញថ្លើម ទៅលើគណបក្សប្រជាជនកម្ពុជា៕
អត្ថបទ៖ សោ និយមរ័ត្ន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង