គណបក្សថ្មីមួយទៀតអាចនឹងបញ្ចូលជាសមាជិកនៃបក្សសម្ព័ន្ធភាពជាមួយបក្សប្រជាជន

នៅព្រឹកថ្ងៃទី៣០ ខែឧសភា ឆ្នាំ២០២៥ គណបក្សសម្ព័ន្ធភាពទាំង២៨ បានជួបប្រជុំគ្នានៅវិមាន ៧មករា រាជធានីភ្នំពេញ ក្រោមអធិបតីភាពប្រធានគណបក្សប្រជាជន សម្ដេចតេជោ ហ៊ុន សែន។

ជំនួបនេះចាប់ផ្ដើមដល់ម៉ោង ៨និង៣០នាទីព្រឹកថ្ងៃសុក្រនេះដោយមានរបៀបវារៈមួយចំនួនដូចជាការប្រកាសទទួលស្គាល់យកគណបក្សសន្តិភាពជាតិជាសមាជិកទី២៩ ពិនិត្យលើវឌ្ឍនភាពរបស់គណបក្សសម្ព័ន្ធភាពជាដើម។

ក្រោយចប់កិច្ចប្រជុំនេះអ្នកនាំពាក្យគណបក្សប្រជាជនលោក ជា ធារិទ្ធ ប្រធានគណបក្សសំបុកឃ្មុំសង្គមប្រជាធិបតេយ្យ លោក ម៉ម សូណង់ដូ និងប្រធានគណបក្សខ្មែរតែមួយ លោក គុជ លី នឹងធ្វើសន្និសីទកាសែតរួមគ្នាផងដែរ។

គួរឱ្យដឹងផងដែរថាគណបក្សប្រជាជនកម្ពុជាបានចុះហត្ថលេខាលើកិច្ចព្រមព្រៀងចងសម្ព័ន្ធភាព ជាមួយបណ្ដាគណបក្សនយោបាយនៅកម្ពុជា ចំនួន២៧ផ្សេងទៀត កាលពីព្រឹកថ្ងៃទី២៥ ខែតុលា ឆ្នាំ២០២៣។ កិច្ចព្រមព្រៀងចងសម្ព័ន្ធនោះ៨ចំណុចអំពីការពង្រឹងកិច្ចសហប្រតិតបត្តិការល្អ គោរពការពារបូរណភាពទឹកដី រដ្ឋធម្មនុញ្ញ និងរាជានិយម ចូលរួមសហការទប់ស្កាត់ និងកំចាត់ចោលនយោបាយជ្រុលនិយមជាដើម៕

អត្ថបទដោយ ហ៊ុន សិរីវឌ្ឍន៍