លោកយាយអាយុ ៩២ ឆ្នាំតស៊ូច្រូតស្មៅលក់រកប្រាក់ចិញ្ចឹមជីវិតដោយខ្លួនឯង

លោកយាយ គង់ យីម វ័យ ៩២ ឆ្នាំម្នាក់រស់នៅភូមិឧទ្ទុម្ពរ ឃុំស្វាយជ្រុំ ស្រុករលប្អៀរ នៅល្ងាចថ្ងៃ ទី០៨ ខែធ្នូ ឆ្នាំ ២០២២ បានប្រាប់ថា សព្វថ្ងៃលោកយាយអាចជិះកង់បានជិតៗ ដើរច្រូតស្មៅយកមកលក់ឱ្យអ្នកស្រុកដែលចិញ្ចឹមគោ ដើម្បីយកប្រាក់ទិញម្ហូប និងទិញអង្ករចិញ្ចឹមជីវិតមិនខ្ចីពឹងកូនចៅឡើយដែលនាំឲ្យពិបាកដល់ពួកគេ។

លោកយាយបានបន្តថា ស្មៅដែលលោកយាយទៅច្រូតតាមភូមិឋានរបស់អ្នកស្រុកនោះ គឺមួយថ្ងៃអាចច្រូតស្មៅបានតែ ៣ ការុងប៉ុណ្ណោះដែលអាចលក់ក្នុង១ ការុងបានថ្លៃ ១ ៥០០ រៀល ខណៈលោកយាយអាចរកប្រាក់ចំណូលបានតែ ៤ ៥០០ រៀលប៉ុណ្ណោះសម្រាប់ទិញត្រីសាច់ និងអង្ករចិញ្ចឹមជីវិត។

លោកយាយបានបន្តថា សព្វថ្ងៃលោកយាយមានកូនប្រុសម្នាក់អាយុជាង ៥០ ឆ្នាំទៅហើយ តែក៏ជាអ្នកក្រដែរ និងមានចៅពីរនាក់ទៀត ពួកគេបានឲ្យលោកយាយទៅនៅជាមួយគេដែរតែលោកយាយមិនទៅទេ ព្រោះគិតថានាំឱ្យពិបាកដល់ពួកគេថែទាំលោកយាយ។ សព្វថ្ងៃលោកយាយរស់នៅតែម្នាក់ឯងប៉ុណ្ណោះ និងក៏មានសុខភាពល្អផងដែរមិនសូវឈឺថ្កាត់អ្វីឡើយ។

លោកយាយប្រាប់ទៀតថា កន្លងមកលោកយាយក៏បានទៅបោះឆ្នោតក្រុមប្រឹក្សាឃុំសង្កាត់ និងបោះឆ្នោតតំណាងរាស្ត្រគ្រប់អាណត្តិផងដែរគឺបោះឆ្នោតជូនគណបក្សប្រជាជនកម្ពុជាជារៀងរហូតមក ព្រោះគណបក្សប្រជាជនជាអ្នករំដោះជីវិតលោកយាយ និងកូនចៅឲ្យបានរស់រួចផុ តពីរបបប៉ុលពត។

អត្ថបទ៖ ឈៀង ថារិទ្ធ