សន្តិសុខសង្គម

ចរាចរណ៍តាមដងផ្លូវមានការធូរស្រាល ខណៈប្រេងសាំងឡើងថ្លៃ និងជំងឺកូវីដកំពុងរាតត្បាត

បានផុស

៤ years មុន

នៅ

ថ្ងៃព្រហស្បតិ៍ ២៤ កុម្ភៈ ២០២២

ដោយ

សកម្មភាពនៃការធ្វើដំណើតាមបណ្តាផ្លូវមួយចំនួនមានការធូរស្រាលដោយពុំសូវមានការកកស្ទះចរាចរណ៍ដូចពេលមុនក្នុងពេលដែលគេជឿជាក់ថា ដោយសារតែសាំងឡើងថ្លៃរួមនឹងការឆ្លងជំងឺកូវីដ១៩ក៏កំពុងរីករាលដាលផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្តែងនាថ្ងៃទី២៤ ខែកុម្ភះនេះ ក្នុងមូលដ្ឋានខណ្ឌច្បារអំពៅ ខណ្ឌមានជ័យ និងខណ្ឌចំការមនរាជធានីភ្នំពេញភ្នាក់ងារកម្ពុជាថ្មីបានចុះទៅផ្តឹតរូបភាពនៅតាមដងផ្លូវដែលធ្លាប់តែកកស្ទះចរាចរណ៍រៀងរាល់ថ្ងៃសឹងគ្រប់ម៉ោងនាពេលថ្ងៃ លើកលែងតែពេលយប់រំលងអធ្រាត្រ។ ហើយក្នុងនោះមានលើកំណាត់ស្ពានអាកាសក្បាលថ្នល់ ច្រមុះជ្រូកក្បាលថ្នល់នៅលើកំណាត់ស្ពានព្រះមុនីវង្សថ្មី ចាស់។

បើតាមការអះអាងពីលោក គុយ គឹមហ៊ាង ប្រធានការិយាល័យសាធារណះការសាលាខណ្ឌច្បារអំពៅបានឲ្យដឹងថា នៅប៉ុន្មានថ្ងៃនេះ គិតចាប់ពីថ្ងៃទី២១ ខែកុម្ភះមកគឺចរាចរណ៍នៅក្នុងមូលដ្ឋានខណ្ឌច្បារអំពៅពិសេសលើកំណាត់ផ្លូវជាតិលេខ១ចាប់ពីបុរីប៉េង ហួត បឹងស្នោ រហូតដល់គល់ស្ពានព្រះមុនីវង្ស ចាស់ ថ្មី មិនសូវមានការកកស្ទះចរាចរណ៍ឡើយ ខុសប្លែកដើមខែកុម្ភះកន្លងមកការកកស្ទះចរាចរណ៍ត្រូវកកស្ទះសឹងរាប់ម៉ោងទំរាំតែឆ្លងផុត។

លោក គុយ គឹមហ៊ាង បានបញ្ជាក់ថា លោកទទួលស្គាល់ថា ពិតជាពុំមានការកកស្ទះចរាចរណ៍ដូចពីពេលមុននោះមែន។ ហើយបើនិយាយពីការដាក់ស្រឡាងចម្លងពីកោះនរាឆ្ពោះទៅកោះពេជ្រដែលត្រូវបញ្ចៀសចរាចរណ៍លើកំណាត់ផ្លូវជាតិលេខ១នោះក៏ពុំសូវមានអ្នកដំណើឆ្លងកាត់ទៀតផង។

តាមការពីប្រជាពលរដ្ឋលោក បុន ធាន រស់នៅច្បារអំពៅបានឲ្យដឹងថា គ្រួសាររបស់គាត់គឺនៅក្នុងផ្ទះទាំងអស់ ដោយពុំបានចេញទៅក្រៅព្រោះតែខ្លាចឆ្លងជំងឺកូវីដ១៩។ ម្យ៉ាងទៀតគ្រួសាររបស់ភាគច្រើនជាមនុស្សចាស់ដែលមានជំងឺរ៉ាំរ៉ៃផងនោះ។ ចំពោះតម្លៃសាំងវិញក៏ប្រជាពលរដ្ឋភាគច្រើនលោកមានការត្អូញត្អែដែរប៉ុន្តែការឡើងថ្លៃសាំងនេះដោយសារតែប្រេងសាំងនៅលើពិភពលោកក៏មានតម្លៃខ្ពស់ផងដែរ។

ដូច្នេះការធ្វើចរាចរណ៍មិនការកកស្ទះនេះគឺទី១ប្រជាពលរដ្ឋលោកមិនហ៊ានចេញពីផ្ទះព្រោះខ្លាចឆ្លងជំងឺកូវីដ១៩នឹងទី២ដោយសារតែសាំងឡើងថ្លៃ៕

អត្ថបទ៖ នរា

Related Topics:ចរាចរណ៍

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា