សន្តិសុខសង្គម
ព្រះសង្ឃនិងបរិស័ទវត្តសំរោងលើ ៥០ អង្គ/នាក់ ពុលទឹកជ្រលក់នំបាញ់ហយ
កាលពីវេលាម៉ោង ១០៖៣០ នាទីព្រឹកថ្ងៃទី ៣០ ខែឧសភា ឆ្នាំ២០២២ នៅក្នុងវត្តសំរោងលើ ភូមិសំរោង ឃុំឆ្នាលមាន់ ស្រុកគាស់ក្រឡ ខេត្តបាត់ដំបង មានករណីពុលចំណីអាហារទាំងព្រះសង្ឃ និងបរិស័ទចំណុះជើងវត្ត រហូតជាង៥០ អង្គ/នាក់។
បើតាមការរៀបរាប់ពីអ្នកជំងឺមួយចំនួនដែលកំពុងសម្រាកព្យាបាលក្នុងមន្ទីរពេទ្យបង្អែកស្រុកមោងឫស្សី បាននិយាយថា កាលណោះគឺជាថ្ងៃសីល ដូច្នេះហើយទើបពុទ្ធបរិស័ទចំណុះជើងវត្ត បានមូលមតិគ្នារៀបចំធ្វើបាញ់ហយ ដើម្បីប្រគេនព្រះង្ឃ។
បន្ទាប់ពីព្រះសង្ឃឆាន់រួច ប្រជាពលរដ្ឋទាំងអស់ក៏បានចាប់ផ្តើមនាំគ្នាបរិភោគ ប៉ុន្តែមិនបានប៉ុន្មាននាទីផង ទាំងព្រះសង្ឃ និងពុទ្ធបរិស័ទទាំងអស់ចាប់ផ្តើមមានអការក្អួតចង្អោរ និងរាគរូសឥតឈប់ឈរ ទើបអាជ្ញាធរចាត់រថយន្តដឹកបញ្ជូនទៅកាន់មន្ទីរពេទ្យបង្អែកស្រុកមោងឫស្សី ដើម្បីសង្គ្រោះ ដែលក្នុងនោះសរុបចំនួន ៥២ អង្គ នាក់ គឺព្រះសង្ឃ ៤ អង្គ ប្រជាពលរដ្ខ ស្រីចំនួន៣០នាក់ និងប្រុស ១៨ នាក់។
បើតាមការអះអាងបឋមពីក្រុមគ្រូពេទ្យបានបញ្ជាក់ថា បញ្ហានេះគឺអាចបណ្តាលមកពីបន្លែឆៅ ដែលលាងមិនស្អាត ទើបបណ្តាលអោយមានការឆ្លងបាក់តេរី ប៉ុន្តែបច្ចុប្បន្នក្រុមគ្រូពេទ្យកំពុងធ្វើតេស្តទៅលើឈាមអ្នកជម្ងឺដើម្បីអោយដឹងច្បាស់ថា តើការពុលនះគឺបណ្តាលមកពីអ្វី ។
នៅព្រឹកថ្ងៃទី ៣១ ឧសភា កម្លាំងការិយាល័យបច្ចេកទេស និងកោសល្យវិច្ច័យ បានចុះទៅកាន់កន្លែងកើតហេតុហើយ ដើម្បីស្រាវជ្រាវ និងសិក្សាលើបញ្ហានេះ ដោយបានធ្វើការពិសោធន៍ និងរកឃើញសារធាតុម្យ៉ាងនៅក្នុងទឹកជ្រលក់បាញ់ហយ (ទឹកត្រីផ្អែម) គឺសារធាតុ អាស៊ីតតសាលីស៊ីលិច ដែលជាសារធាតុម៉្យាងនៅ ក្នុងទឹកខ្មេះ ដែលអាចបង្កឱ្យអ្នកបរិភោគមានអការពុលបាន គឺក្អួតចង្អោរ និងរាគរូសជាដើម។
លោក ហាក់ សុខរិន ប្រធានសាខាការពារអ្នកប្រើប្រាស់ កិច្ចការប្រកួតប្រជែង និងបង្ក្រាបកាក្លែងបន្លំខេត្តបាត់ដំបង បានលើកឡើងថា លោកនឹងធ្វើការសាកសួរបន្តទៀតទៅលើអ្នកដែលលាយទឹកត្រីបាញ់ហយ នៅពេលដែលពួកគាត់ចេញពីមន្ទីរពេទ្យ ដើម្បីចង់ដឹងថា តើពួកគាត់យកទឹកខ្មេះម៉ាកអ្វីមកប្រើ ព្រោះកន្លងមកអង្គភាពរបស់លោកធ្លាប់បង្ក្រាបម្តងហើយពាក់ព័ន្ធនឹងទឹកខ្មេះដែលមានសារធាតុពុលខ្ពស់ ដែលអាចធ្វើអោយប៉ះពាល់ដល់សុខភាពអ្នកប្រើប្រាស់ ដោយឡែកទាំងទឹកជ្រលក់ ក៏ដូចជាបន្លែមួយចំនួន លោកបានបញ្ជូនទៅនាយកដ្ឋានហើយដើម្បីធ្វើការពិសោធន៍ឱ្យបានច្បាស់លាស់៕
អត្ថបទៈ សោ និយមរ័ត្ន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត