Connect with us

សន្តិសុខសង្គម

នគរបាលស្រុកគីរីវង់ ឃាត់ខ្លួនស្ត្រីម្នាក់ បន្ទាប់ពីល្បួងដោះយកគ្រឿងអលង្ការពីក្មេងស្រីក្នុងសាលារៀន

បានផុស

នៅ

ស្ត្រីជាជនសង្ស័យម្នាក់ ត្រូវបានកម្លាំងនគរបាលស្រុកគីរីវង់ ខេត្តតាកែវ ធ្វើការចាប់ឃាត់ខ្លួន ក្រោយធ្វើសកម្មភាពល្បួងដោះយកក្រវឹល និងខ្សែក ពីកុមារីម្នាក់ នៅក្នុងសាលារៀនបានសម្រេច រួចរត់គេចខ្លួនបានមួយថ្ងៃ។

ក្នុងសំណុំរឿងល្បួងក្មេងស្រីដោះយកគ្រឿងអលង្កានេះ បានកើតនៅថ្ងៃទី០៨ ខែមិថុនា ឆ្នាំ២០២២ ក្នុងសាលាបឋមសិក្សា សុខអានវត្តអង្គរ ភូមិខ្នល់ ឃុំកំណប់ ស្រុកគីរីវង់ ខេត្តតាកែវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ឯក យុគ សារ៉ាត់ អធិការនគរបាលស្រុកគីរីវង់ នៅព្រឹកថ្ងៃទី០៩ ខែមិថុនា នេះ បានបញ្ញាក់ថា លោកបានបញ្ជាកម្លាំងតាមស្វែងរក និងបានឃាត់ខ្លួនស្ត្រីម្នាក់ ដែលជាជនសង្ស័យក្នុងករណីនេះបានហើយ។

លោកអធិការបន្ថែមថា ស្ត្រីជាជនសង្ស័យមានឈ្មោះ ហេន ហ៊ាង ភេទស្រីអាយុ៣១ឆ្នាំ រស់នៅក្នុងភូមិតាហៀន ឃុំព្រៃយុថ្កា ស្រុកកោះអណ្ដែត ខេត្តតាកែវ បានធ្វើសកម្មភាពទៅលើកុមារីជនរងគ្រោះដែលមានឈ្មោះ កេន ស្រីកែវ អាយុ០៦ឆ្នាំ រស់នៅក្នុងភូមិឃុំកើតហេតុ។

បច្ចុប្បន្នជនសង្ស័យដែលឃាត់ខ្លួន ត្រូវបានសមត្ថកិច្ចជំនាញនៃអធិការដ្ឋាននគរបាលស្រុកកសាងសំណុំរឿងបញ្ជូនទៅសាលាដំបូងខេត្តតាកែវចាត់ការតាមនីតិវិធី៕

អត្ថបទ៖ វីរៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម