សន្តិសុខសង្គម

បញ្ជូនបុរសម្នាក់ទៅតុលាការ ករណីបើកបរល្មើសច្បាប់ចរាចរណ៍ និងវាយសមត្ថកិច្ច

បានផុស

៤ years មុន

នៅ

ថ្ងៃអង្គារ ២៨ មិថុនា ២០២២

ដោយ

បុរសម្នាក់ដែលបានបើកបរល្មើសច្បាប់ចរាចរណ៍ មិនពាក់មួកសុវត្ថិភាព ជេរប្រមាទ និងយកខ្សែក្រវាត់វាយចំសមត្ថកិច្ច ត្រូវបានសមត្ថកិច្ចជំនាញនៃការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ កសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីអនុវត្តបន្តនារសៀលថ្ងៃទី ២៨ ខែមិថុនា ឆ្នាំ ២០២២ នេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមក្រមព្រហ្មទណ្ឌនៃព្រះរាជាណាចក្រកម្ពុជា ត្រង់មាត្រា ៥០៣ បទប្រឆាំងនឹងអ្នករាជការសាធារណៈ មាត្រា ២១៧ បទហិង្សាដោយចេតនា និងមាត្រា ៨០ ច្បាប់ស្តីពីចរាចរណ៍ផ្លូវគោក ។

លោកវរសេនីយ៍ឯក សាន សុខសីហា អ្នកនាំពាក្យនៃស្នងការដ្ឋាននគរបាលរាជធានីភ្នំពេញ ប្រាប់ឲ្យដឹងថា បុរសម្នាក់ត្រូវបានសមត្ថកិច្ចធ្វើការឃាត់ខ្លួន ដោយសារល្មើសច្បាប់ចរាចរណ៍ និងមិនស្តាប់ការណែនាំព្រមទាំងយកខ្សែក្រវាត់វាយចំមកលើសមត្ថកិច្ចថែមទៀតផង កាលពីរសៀលថ្ងៃទី ២៧ ខែមិថុនា ឆ្នាំ ២០២២ វេលាម៉ោង ១៥:០០ រសៀល ។

បុរសម្នាក់នោះឈ្មោះ ប៊ូ សុខមាន មុខរបរកម្មករសំណង់ ជិះម៉ូតូម៉ាកហុងដាសេ ១២៥ ពាក់ស្លាកលេខព្រៃវែង-៥៤០១៣ បានបើកបរល្មើសច្បាប់ចរាចរណ៍ ដោយមិនពាក់មួកសុវត្ថិភាពនៅពេលបើកបរ ខណៈនៅពេលសមត្ថកិច្ចធ្វើការឃាត់ ដើម្បីធ្វើការណែនាំអប់រំ បែរជាបុរសម្នាក់នោះមិនស្តាប់តាមការណែនាំរបស់សមត្ថកិច្ច ហើយថែមទាំងជេរប្រមាទមើលងាយ និងយកខ្សែក្រវាត់វាយចំមកលើសមត្ថកិច្ចថែមទៀតផង ដោយឃើញសកម្មភាពប្រើអំពើហិង្សាមកលើសមត្ថកិច្ចដូច្នេះ មន្ត្រីនៅគោលដៅអនុវត្តច្បាប់ក៏ធ្វើការចាប់ឃាត់ខ្លួន ដើម្បីយកមកធ្វើការសួរនាំនៅការិយាល័យចរាចរណ៍ នៃស្នងការដ្ឋាននគរបាលរាជធានីភ្នំពេញ ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមនីតិវិធី ៕