សន្តិសុខសង្គម
អាជ្ញាធរស្រុកសេសានរៀបចំគម្រោងសាងសង់ស្ពានទ្រុឌទ្រោម
អាជ្ញាធរស្រុកសេសានខេត្តស្ទឹងត្រែងរៀបគម្រោងសាងសង់ស្ពានទ្រុឌទ្រោមមួយកន្លែងហៅថា ស្ពានអូរផ្កាដកពរ នៅរដូវប្រាំងនេះ ដើម្បីងាយស្រួលឱ្យប្រជាពលរដ្ឋ និងសិស្សានុសិស្សធ្វើចរាចរណ៍ទៅមក និងបញ្ចៀសការគ្រោះថ្នាក់ក្នុងពេលដែលស្ពាននេះចាស់ទ្រុឌទ្រោមទៅហើយ។
ក្នុងឱកាសចុះសិក្សាគម្រោងសាងសង់ស្ពានអូរផ្កាដកពរនៅភូមិញើន ឃុំស្តៅស្រុកសេសានខេត្តស្ទឹងត្រែង កាលពីថ្មីៗនេះ លោកសុវណ្ណពិសេដ្ឋអភិបាលស្រុកបានបញ្ជាក់ថា៖ ស្ពាននេះស្ថិតនៅក្នុងភូមិញើន ឃុំស្ដៅ ស្រុកសេសាន្តខេត្តស្ទឹងត្រែង គ្រោងរៀបចំសាងសង់ថ្មីឡើងវិញ ដើម្បីឱ្យប្រជាពលរដ្ឋទាក់ទងគ្នាក្នុងការធ្វើចរាចរណ៍ពីតំបន់មួយទៅតំបន់មួយ ជាពិសេសសិស្សានុសិស្សទៅរៀនបានទាន់ពេលវេលា កសិករដឹកសម្ភារកសិកម្ម ទៅស្រែចំការក៍បានងាយស្រួល និងបានបញ្ចៀសកុំឱ្យមានធ្លាក់មនុស្សស្លាប់ដូចកាលពីកន្លងមកទៀត។
លោកអភិបាលស្រុកបានបន្តថា៖ស្ពានអូរផ្កាដកពរនេះមានស្ថានភាពជ្រៅហើយកន្លងមកប្រជាពលរដ្ឋក្នុងភូមិនាំគ្នាសាងសង់ស្ពានយោង ហើយបន្តកែសម្រួលបន្ថែមទៅជាស្ពានឈើធ្វើសម្រាប់ឆ្លងកាត់ជាបណ្តោះអាសន្នតែប៉ុណ្ណោះមិនមានភាពរឹងម៉ាំទេ ហើយជាជំហានទៅមុខ ដូចដែលអ្វីដែលបងប្អូនប្រជាពលរដ្ឋបានឯកភាពគ្នាថា ក្រោយពីទឹកស្រកបានយើងចាប់ផ្ដើមជួសជុលពង្រីក ស្ពាននេះឲ្យយើងអាចធ្វើដំណើរដោយគោយន្តឬឡានតូចៗបាន ដោយសារស្ពាននេះ អូរជ្រៅជាងគេនៅក្នុងភូមិនេះ អញ្ចឹងយើងពិបាកក្នុងការ បុកគ្រឹះទីមួយ ហើយទីពីរទៀត គម្រោងថវិកា របស់ឃុំក៏ដូចជារបស់ស្រុក យើងមានកម្រិត អញ្ចឹងមានតែកម្លាំងចូលរួមរបស់ បងប្អូនប្រជាពលរដ្ឋ ហើយតាមការប្តេជ្ញាចិត្តអម្បាញ់មិញ បងប្អូនប្រជាពលរដ្ឋយើងនឹងចូលរួមជាមួយគ្នា រដូវនេះ គឺយើងបានដាក់ផែនការគ្នា ឲ្យបងប្អូនយើងជួយផែជាប្រភេទក្តារ ជាប្រភេទនរនូត ឬជាប្រភេទសសរ ដើម្បីត្រៀមជាបង្គំនៅពេលទឹកស្រកទៅនេះ។
លោក យាត ចិន្តា ប្រជាពលរដ្ឋរស់នៅភូមិញើនបានបញ្ចាក់ថា៖ គម្រោងនេះត្រូវតាមគោលបំណងដែលប្រជាពលរដ្ឋចង់បាន ព្រោះប៉ុន្មានឆ្នាំចុងក្រោយនេះបងប្អូនយើងរួមគ្នាគិតចង់ធ្វើដែរ តែគ្មានលទ្ធភាពអាចធ្វើទៅបានទេព្រោះត្រួវការចំណាយថវិកាច្រើន។
លោកបន្តថា៖ នៅឱកាសនេះបានអាជ្ញាធរស្រុកផ្តល់នូវគំនិត និងជួយឧបត្ថម្ភនូវធនធានខ្លះ ៗ ប្រជាពលរដ្ឋយើងនៅក្នុងភូមិទាំងអស់ និងលះបង់ចូលរួមទាំងកម្លាំងកាយកម្លាំងចិត្ត និងថវិកានិងធនធានផ្សេងៗទៀត ដែលអាចធ្វើទៅបាន។
លោក អ៊ិត តាន់ ប្រជាពលរដ្ឋនៅភូមិឃុំស្តៅ និងជាអ្នកដឹកនាំបច្ចេកទេសសាងសង់ស្ពានបានបញ្ជាក់ថា៖ លោកសាទរជាមួយស្មារតីសាមគ្គីរបស់បងប្អូនប្រជាពលរដ្ឋយើង ព្រោះវាជាកម្លាំងចលករមួយជួយឱ្យយើងធ្វើអ្វីៗបានសម្រេចទៅតាមការចង់បាន។
លោកបន្តថា៖ យើងនឹងរួមកម្លាំងគ្នាអនុវត្តទៅកាមការណែនាំរបស់លោកអភិបាលស្រុកនិងអាចរៀបចំធ្វើចាប់ដំណើរការសាសងសង់ស្ពានអូរផ្កាដកពរនេះចាប់ពីខែវិច្ឆិកា២០២២ខាងមុខនេះទៅ ព្រោះឈើចាស់យើងមានមួយចំនួនហើយ និង រកបន្ថែមថ្មីមួយចំនួនទៀត និងដំណើរការសាងសង់បានទៅតាមផែនការតែក៍ត្រូវការជួយពីសប្បុរសជននានាផងដែរ។
សូមបញ្ចាក់ថា៖ ស្ពានអូរផ្កាដកពរនេះមានប្រវែងជាង៧០ម៉ែត្រទទឹង ៤,៥ម៉ែត្រ ជាស្ពានមួយសម្រាប់បម្រើការធ្វើចរាចរណ៍របស់ប្រជាពលរដ្ឋនៅក្នុងភូមិញើនជាង ៤០០គ្រួសារ ឆ្លងការទៅមកទំនាក់ទំនងគ្នាដោះដូរផ្នែកសេដ្ឋកិច្ចជាលក្ខណៈគ្រួសារ ហើយប្រជាពលរដ្ឋអំពាវនាវទៅក្រសួងស្ថាប័នពាក់ព័ន្ធឱ្យជួយបន្ថែម ដើម្បីបានសមិទ្ធិផលមានគុណភាពនៅក្នុងភូមិ៕
អត្ថបទ៖ ងិនលីម
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore