សន្តិសុខសង្គម

ឃាត់ខ្លួនអ្នកលេងបៀរចំនួន ៣ នាក់

បានផុស

៣ years មុន

នៅ

ថ្ងៃចន្ទ ១០ តុលា ២០២២

ដោយ

កម្លាំងព្រហ្មទណ្ឌកម្រិតស្រាល នៃស្នងការនគរបាលខេត្ត ឃាត់ខ្លួនស្ត្រី ៣ នាក់ ពាក់ព័ន្ធករណីលេងល្បែងស៊ីសងដោយខុសច្បាប់(បៀរ) កាលពីវេលាម៉ោង ១៥ និង ៣០ នាទី ថ្ងៃទី ៨ ខែតុលា ឆ្នាំ ២០២២ ត្រង់ចំណុចហាងហេងៗម៉ាស្សា ស្ថិតក្នុងភូមិអូរកន្សែង សង្កាត់បឹងកន្សែង ក្រុងបានលុង ខេត្តរតនគិរី ក្នុងនោះមានការសម្របសម្រួលនីតិវិធីពីលោក កែវ ភក្តី ព្រះរាជអាជ្ញារងអមសាលាដំបូងខេត្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍របស់ការិយាល័យព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្តបានឲ្យដឹងថា ជនសង្ស័យឃាត់ខ្លួនចំនួន ៣ នាក់ រួមមាន ៖

១-ឈ្មោះ អូន ត្តី ភេទស្រី អាយុ ៣០ ឆ្នាំ ជនជាតិខ្មែរ មុខរបរលក់ដូរ នៅភូមិអូរកន្សែង សង្កាត់បឹងកន្សែង ក្រុងបានលុង ខេត្តរតនគិរី(ម្ចាស់ទីតាំង)។

២-ឈ្មោះ ឈន ណារិន ភេទស្រី អាយុ ៣៧ ឆ្នាំ ជនជាតិខ្មែរ មុខរបរលក់ដូរ នៅភូមិឡាប៉ូ សង្កាត់យក្ខឡោម ក្រុងបានលុង ខេត្តរតនគិរី។

៣-ឈ្មោះ ស្រ៊ុន ភឿន ភេទស្រី អាយុ ៣៧ ឆ្នាំ ជនជាតិខ្មែរ មុខរបរកសិករ នៅភូមិអូរកន្សែង សង្កាត់បឹងកន្សែង ក្រុងបានលុង ខេត្តរតនគិរី។

របាយការណ៍បញ្ជាក់ថា ក្រោយឃាត់ខ្លួន សមត្ថកិច្ចបានដកហូតវត្ថុតាងរួមមាន ៖

-ទូរសព្ទដៃ ២ គ្រឿង

-បៀរ ២ ដុំ

-ភួយសម្រាប់លេងបៀរ ១

– លុយខ្មែរមួយចំនួន

– ម៉ូតូ ១ គ្រឿង ម៉ាកធូដេ ពណ៌ស។

បច្ចុប្បន្នជនសង្ស័យទាំង ៣ នាក់ខាងលើ ត្រូវបានឃាត់ខ្លួនបណ្ដោះអាសន្ននៅការិយាល័យជំនាញព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្ត ដើម្បីកសាងសំណុំរឿងចាត់ការបន្តតាមនីតិវិធី។

សូមបញ្ជាក់ថា បន្ទាប់ពីសម្ដេចតេជោ ហ៊ុន សែន នាយករដ្ឋមន្ត្រី នៃកម្ពុជា បានប្រកាសឲ្យល្បែងស៊ីសងទូទាំងប្រទេសបញ្ឈប់លេងជាបន្ទាន់ ហើយបានព្រមានទៅអភិបាលខេត្ត ស្នងការ អធិការ និងមេប៉ុស្តិ៍ បើលេងនៅមូលដ្ឋានណា នឹងទទួលខុសត្រូវដោយខ្លួនឯង៕

អត្ថបទ ៖ វុទ្ធឦសាន