សន្តិសុខសង្គម
ផ្ទះប្រជាពលរដ្ឋចំនួន ៦ ខ្នងបាក់ធ្លាក់ចូលព្រែកនៅក្រុងតាខ្មៅ
ផ្ទះប្រជាពលរដ្ឋចំនួន ៦ ខ្នងស្ថិតនៅភូមិព្រែកថី សង្កាត់រកាខ្ពស់ ក្រុងតាខ្មៅបាក់ធ្លាក់ចូលក្នុងព្រែក និងជាង ២០ ខ្នងទៀតរងផលប៉ះពាល់ដោយសារជំនន់ទឹកភ្លៀងហូរធ្លាក់មកពីខេត្តកំពង់ស្ពឺ។
លោក ឃឹម សំភារ អភិបាលក្រុងតាខ្មៅប្រាប់កម្ពុជាថ្មី នៅព្រឹកថ្ងៃទី ១៧ ខែមករា ឆ្នាំ ២០២៣នេះថា ផលប៉ះពាល់ជាក់ស្ដែងដោយសារទឹកហូរបុកខ្លាំងនៅព្រែកថីគឺផ្ទះប្រជាពលរដ្ឋចំនួន ៦ ខ្នងផ្ទះបាក់ចូលព្រែក និង ២៤ ខ្នងទៀត រងការប៉ះពាល់ធ្ងន់ធ្ងរព្រមទាំងប៉ះពាល់ដល់ដំណាំបន្លែរបស់ប្រជាពលរដ្ឋប្រមាណជិត ៣០ ហិកតា។
ពាក់ព័ន្ធបញ្ហានេះ លោក នូវប៉េង ច័ន្ទតារា អភិបាលរងខេត្តកណ្ដាលនៅរសៀលថ្ងៃទី ១៦ ខែមករា បានចុះចែកអំណោយដល់គ្រួសាររងគ្រោះដោយការបាក់ស្រុតដីតាមសណ្ដព្រែក ដោយជំនន់ទឹកភ្លៀងចំនួន២៧គ្រួសារ ស្ថិតក្នុងភូមិព្រែកសំរោង និងភូមិព្រែកថី សង្កាត់រកាខ្ពស់ ក្រុងតាខ្មៅ ខេត្តកណ្តាល។
លោកអភិបាលរងខេត្តបានឱ្យដឹងថា ជំនន់ទឹកភ្លៀងនេះបណ្ដាលមកពីភ្លៀងធ្លាក់ខ្លាំង ដែលបានវាយប្រហារដល់ក្រុងច្បារមន ស្រុកឱរ៉ាល់ ស្រុកថ្ពង និងស្រុកភ្នំស្រួច ខេត្តកំពង់ស្ពឺ កាលពីថ្ងៃទី ១២ ខែមករា ធ្វើឱ្យអាងស្តុកទឹកមួយចំនួន មានមានទឹកកើនឡើង ទើបអាជ្ញាធរបង្ខំចិត្តបើកទ្វារទឹកទាំង ៥ ដើម្បីរំដោះទឹកបញ្ជៀសពីការហូរច្រោះធ្វើឱ្យបាក់ទំនប់ ជាយថាហេតុ ទើបធ្វើឱ្យភូមិព្រែកថី សង្កាត់រកាខ្ពស់ ក្រុងតាខ្មៅ ខេត្តកណ្តាលរងការប៉ះពាល់ធ្ងន់ធ្ងរ៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ