សន្តិសុខសង្គម
យុវជនម្នាក់ឡាយវីដេអូមុនបំផ្ទុះគ្រាប់បែកធ្វើអត្តឃាត
យុវជនម្នាក់បានបំផ្ទុះគ្រាប់បែកធ្វើអត្តឃាតកាលពីវេលាម៉ោង ៣ រសៀល ថ្ងៃទី ៦ ខែកុម្ភៈ ឆ្នាំ ២០២៣ ស្ថិតក្នុងក្រុមទី ៧ ភូមិបែកចានថ្មី សង្កាត់ ព្រែកព្រះស្តេច ក្រុងបាត់ដំបង ខេត្តបាត់ដំបង។
នៅក្នុងករណីបំផ្ទុះគ្រាប់បែកខាងលើនេះ បុរសជាយុវជនឈ្មោះ ចិន ធូរ៉េន អាយុ ២១ឆ្នាំ មានទីលំនៅ ភូមិប្រគាប ឃុំរូងជ្រៃ ស្រុកថ្មគោល ខេត្តបាត់ដំបង បានស្លាប់បាត់បង់ជីវិត ខណៈសាច់ញាតិបង្ហើបថា សង្ស័យមានវិបត្តិស្នេហារ។
ក្រោយពីសមត្ថកិច្ចជំនាញបានចុះទៅដល់ គឺបានសង្គេតឃើញថា យុវជនរូបនេះ ទំនងជាអង្គុយនៅលើកាណូតស្មាច់ ហើយដកគន្លឹះគ្រាប់បែកកាន់នៅដៃខាងស្តាំ បណ្តាលឱ្យគ្រាប់បែកនោះផ្ទុះឡើង គឺរងរបួសធ្ងន់នៅផ្នែកខាងស្តាំនៃរាងកាយ និងដោយសារតែកាណូតស្មាច់មានការធ្លុះធ្លាយទើបធ្វើឱ្យលិចទៅបាតអាងទឹកដែលមានទំហំ ១៧x៣២ ម៉ែត្រ និងជម្រៅទឹក ៦ តឹក។
ក្រោយការត្រួតពិនិត្យ គឺនៅក្នុងតួកាណូតស្មាច់នោះមានបន្សល់នូវ ស្លាបព្រា និងកន្លះគ្រាប់បែក ដែលសមត្ថកិច្ចបានសន្និដ្ឋានថា អាចជាគ្រាប់បែកប្រភេទផ្លែទៀប ផលិតនៅប្រទេសរុស្សី។
តែបើតាមការលើកឡើងពីបងស្រី ដែលក្រោយពីទទួលដំណឹងនេះរួច ក៏បាននិយាយយ៉ាងខ្លីថា នៅមុនពេលធ្វើអត្តឃាត គាត់បានឃើញប្អូនប្រុសរបស់ខ្លួន មានការឡាយវីដេអូ បង្ហាញគ្រាប់បែកនោះមួយភ្លែតដែរ តែមិនដឹងថា ប្អូនប្រុសបានគ្រាប់បែកមកពីណានោះទេ។ បច្ចុប្បន្នកម្លាំងអធិការដ្ឋាននគរបាលក្រុងបាត់ដំបងបាននាំបងស្រី និងឪពុកទៅសាកសួរហើយដើម្បីរកមូលហេតុ៕
អត្ថបទ៖ សោ និយមរ័ត្ន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង