ព័ត៌មានអន្ដរជាតិ

១ ករណីទៀត ផ្ទុះគ្រាប់បែកនៅខេត្តភាគខាងត្បូងថៃ សង្ស័យស្នាដៃក្រុមបះបោរក្នុងស្រុក

បានផុស

៩ ខែ មុន

នៅ

ថ្ងៃពុធ ៣០ កក្កដា ២០២៥

ដោយ

កាលពីវេលាម៉ោងប្រហែល ៧:១៥ ព្រឹក ថ្ងៃទី៣០ ខែកក្កដា ហេតុការណ៍ដ៏រន្ធត់មួយបានកើតឡើងនៅក្នុងខេត្តភាគខាងត្បូងប្រទេសថៃ ដែលគេសង្ស័យថា ក្រុមក្រុមបះបោរក្នុងស្រុកបានបំផ្ទុះគ្រាប់បែកលើអង្គភាពការពារគ្រូបង្រៀន ដោយបណ្ដាលឲ្យប៉ូលិស ៦នាក់រងរបួស និងអ្នកភូមិម្នាក់។

**រូបភាពបំផ្ទុះគ្រាប់បែក** **រូបភាពnews.ch7.**

មន្រ្តី Ranger ដែលប្រចាំការនៅតំបន់នោះ បានទទួលបានការជូនដំណឹងពីប៉ុស្តិ៍នគរបាល Sakao ថា មានហេតុការណ៍ផ្ទុះគ្រាប់បែកលើមន្ត្រីនគរបាលដែលដើរល្បាត ស្ថិតនៅពីមុខហាងលក់គ្រឿងសំណង់ស្ពាន Chu Rae ស្រុក Su-ngai Padi ខេត្ត Narathiwat បណ្តាលឲ្យមន្ត្រីនគរបាល និងអ្នកភូមិរងរបួសជាច្រើននាក់។

ចំពោះឧប្បត្តិហេតុខាងលើ គឺដោយសារនៅវេលាម៉ោងកើតហេតុខាងលើ សមត្ថកិច្ចនគរបាលជំនាញធ្វើការសាកសួរម៉ូតូ២គ្រឿង និងរថពាសដែក១គ្រឿងយកមកដាក់ប៉ុស្តិ៍ត្រួតពិនិត្យដើម្បីរក្សាសុវត្ថិភាពលោកគ្រូអ្នកគ្រូដែលស្ថិតស្ថិតក្នុងតំបន់។ ពេលមកដល់កន្លែងកើតហេតុក៏មានការផ្ទុះអាវុធឡើងមក ដែលកម្លាំងនៃការផ្ទុះនេះធ្វើអ្នកស្ថិតនៅកៀកនោះរងរបួសធ្ងន់ស្រាលនិងត្រូវបញ្ជូនទៅកាន់មន្ទីរពេទ្យភ្លាមៗ។

បច្ចុប្បន្នមន្ត្រីស្ថាប័នពាក់ព័ន្ធកំពុងចុះពិនិត្យកន្លែងកើតហេតុ ដែលគេសន្និដ្ឋានដំបូងថា អាចជាស្នាដៃររបស់ក្រុមបះបោរក្នុងស្រុក ដែលត្រូវបន្តការស៊ើបអង្កេត និងពន្លឿនការតាមចាប់ជនដៃដល់មកកាត់ទោសឲ្យបានឆាប់។

**រូបភាពជនល្មើសបានបាញ់ប្រហារលើជនរងគ្រោះក្នុងខេត្ត Nakhon Si Thammara (រូបភាព៖thethaiger)**

យ៉ាងណាក៏ដោយ ក្នុងថ្ងៃតែមួយនេះខេត្តភាគខាងត្បូងថៃបានជួបហេតុការណ៍ផ្ទួនៗគ្នា ដោយជនល្មើសបានបាញ់ប្រហារលើជនរងគ្រោះ កាលពីវេលាម៉ោង១រំលងអធ្រាត្រ ឈានចូលថ្ងៃពុធ ទី៣០ ខែកក្កដា ក្នុងពិធីបុណ្យទេសចរ Kiriwong ស្ថិតក្នុងខេត្ត Nakhon Si Thammarat ដែលបណ្តាលឲ្យមនុស្សម្នាក់ស្លាប់ និង៧នាក់ទៀតរងរបួស។

ជាងនេះទៀត កាលពីកាលពីរសៀលថ្ងៃចន្ទទី២៨ ខែកក្កដា ឆ្នាំ២០២៥ ខ្មាន់កាំភ្លើងជាជនជាតិថៃម្នាក់ បានបើកការបាញ់ប្រហារនៅផ្សារ Or Tor Kor ក្នុងទីក្រុងបាងកក ពាកព័ន្ធនឹងជម្លោះបុគ្គល ដោយនាំឲ្យអ្នកស្លាប់ក្នុងហេតុការណ៍សរុបដល់ទៅ៦នាក់ឯណោះ ៕