សមត្ថកិច្ចឃាត់ក្រុមក្មេងស្ទាវមួយក្រុមធ្វេីការអប់រំបន្ទាប់ពីបង្កភាពអណាធិបតេយ្យតាមទីសាធារណៈ

ក្មេងទំនើងមួយក្រុមដែលមានអាយុចន្លោះពី ១៥ ឆ្នាំទៅ ១៨ ឆ្នាំ ប្រហែលជា៣០នាក់ជិះម៉ូតូចំនួន១០គ្រឿង ត្រូវបានកម្លាំងសមត្ថកិច្ចសហការជាមួយកម្លាំងប៉ុស្តិ៍ស្រះចក ធ្វើការឃាត់ខ្លួនកាលពីវេលាម៉ោង ១០ យប់ ថ្ងៃទី២៩ ខែកក្កដា ឆ្នាំ២០២៣ នៅតំបន់បឹងកក់ ស្ថិតក្នុងសង្កាត់ស្រះចក ខណ្ឌដូនពេញ។

បើតាមសមត្ថកិច្ចបានឲ្យដឹងថា មុនពេលឈានដល់ការឃាត់ខ្លួននេះ គេឃើញក្រុមក្មេងទំនើងទាំងនោះនាំគ្នាប្រមូលផ្តុំជិះម៉ូតូប្រសេកប្រសាច និងបង្កភាពអាណាធិបតេយ្យតាមដងផ្លូវ ដែលទង្វើរទាំងអស់នេះធ្វើអោយប៉ះពាល់យ៉ាងខ្លាំងដល់សន្តិសុខ សង្គម និងសណ្តាប់ធ្នាប់ទីសាធារណៈ។

គាប់ជួនកម្លាំងជំនាញសមត្ថកិច្ចខណ្ឌដូនពេញ និងកម្លាំងប៉ុស្តិស្រះចក ដែលតែងតែប្រចាំការក្នុងតំបន់នោះឃើញក៏ធ្វើការប្រដេញចាប់ឃាត់ខ្លួនបានទាំងអស់យកមកធ្វើការអប់រំណែនាំកុំឱ្យប្រព្រឹត្តនូវទង្វើបែបនេះទៀត។

បន្ទាប់ពីទទួលបានការអប់រំណែនាំពីសំណាក់កម្លាំងសមត្ថកិច្ចរួចមក ក្រុមក្មេងទាំងនោះបានសន្យាថា នឹងឈប់ធ្វើទង្វើបែបនេះទៀតហើយ នឹងខិតខំកែប្រែខ្លួនឲ្យទៅជាទំពាំងស្នងប្ញស្សីរបស់ប្រទេសជាតិទៅថ្ងៃអនាគត់។

ក្រោយពេលណែនាំនៅហ្នឹងកន្លែងរួចហើយ សមត្ថកិច្ចយើងក៏បានអនុញ្ញាតឲ្យក្រុមក្មេងទាំងនោះ ត្រឡប់ទៅកាន់គេហដ្ឋានរាងៗខ្លួន៕

ដោយ៖សុខា