ក្ដៅៗ! សមត្ថកិច្ចចាប់ជនដៃដល់សម្លាប់ប្រពន្ធ និងកូន នៅស្រុកកណ្តាលស្ទឹងបានហើយ

សមត្ថកិច្ច ចាប់បានជនដៃដល់ដែលធ្វើសកម្មភាពសម្លាប់ប្រពន្ធ និងកូនបានហើយ ក្រោយកើតហេតុ​បានមួយថ្ងៃ។

សមត្ថកិច្ចមិនទាន់ទម្លាយពីសកម្មភាពនៃប្រតិបត្តិការក្នុងការឃាត់ខ្លួនជនដៃដល់នេះនៅឡើយ ប៉ុន្តែមានការ​បង្ហើបឱ្យដឹងថា ការចាប់ខ្លួនជនដៃដល់បាននេះ ធ្វើឡើងនៅខេត្តបន្ទាយមានជ័យ។  

ទោះយ៉ាងណា សមត្ថកិច្ច បានឱ្យដឹងថា ជនដៃដល់ជាប្ដីមានឈ្មោះ ម៉ែន សំអាត អាយុ៣៦ឆ្នាំ ចំណែកជនរង​គ្រោះជាប្រពន្ធឈ្មោះ ឃឿន ស្រីវលក្ខ័ណ អាយុ៣០ឆ្នាំ និងកូនស្រីឈ្មោះ អឿន ចន្ទសីម៉ា អាយុ២ឆ្នាំ។

បើតាមប្រភពព័ត៌មានពីអ្នកជិតខាងបានឱ្យដឹងថា ជនដៃដល់ជាប្ដី និងប្រពន្ធមានកូនប្រុស២នាក់ ស្រីម្នាក់ជាចំណងដៃ  ហើយមួយរយៈចុងក្រោយនេះប្តីប្រពន្ធខាងលើរស់នៅជាមួយគ្នាមិនចុះសម្រុងចេះតែរកាំរកូសឈ្លោះប្រកែកគ្នាគ្មានលួសថ្ងៃឡើយ។ រហូតមកដល់ថ្ងៃទី៥ ខែតុលាឆ្នាំ២០២៣ ពួកគេទាំងពីរនាក់ បានដឹកដៃគ្នាទៅទៅសាលាស្រុក ដើម្បីផ្តិត​មេដាយ​លែងលះផ្តាច់ចំណងអាពាពិពាហ៍។ លុះដល់ព្រឹកថ្ងៃទី៦ ខែតុលា ឆ្នាំ២០២៣ ខណៈកូនៗប្រុស២​នាក់ទៅសាលារៀនអស់ ប្តីប្រពន្ធខាងលើក៏បានជជែកគ្នាបន្តទៀតហើយក៏កើតមានករណីនេះតែម្ដង។

បើតាមអ្នកជិតខាង ក្រោយពីធ្វើសកម្មភាពរួចជនដៃដល់បានជិះម៉ូតូចេញពីផ្ទះតែមិនបានចាប់អារម្មណ៍នោះទេ ដោយសួរថា ទៅណា ជនដៃដល់ឆ្លើយថា ទៅធ្វើការហើយក៏ជិះចេញទៅបាត់។ បន្ទាប់មកអ្នកជិតខាង​ក៏ដើរចូលទៅ​ក្នុងផ្ទះមើលក៏ឃើញម្តាយកូនដេកស្លាប់ក្នុងថ្លុកឈាមបាត់ទៅហើយទើបរាយការណ៍ទៅសមត្ថកិច្ចចុះមកពិនិត្យជាក់ស្តែង៕