សន្តិសុខសង្គម
នគរបាលក្រុងព្រះសីហនុបង្ក្រាបហាងបញ្ចាំ២កន្លែងដកហូតម៉ូតូ ៤៨ គ្រឿងឃាត់ខ្លួនមនុស្ស៦នាក់
ទីតាំងហាងបញ្ចាំអត់ច្បាប់ចំនួន២កន្លែងត្រូវបានកម្លាំងនគរបាលអធិការដ្ឋានក្រុងព្រះសីហនុស្រាវជ្រាវ និងបង្ក្រាបហើយបានធ្វើការដកហូតម៉ូតូចម្រុះម៉ាកបានចំនួន៤៨គ្រឿង និងឃាត់ខ្លួនមនុស្សបានចំនួន៦នាក់ចិន២នាក់ ជនជាតិខ្មែរចំនួន៤នាក់ ហើយបញ្ជូនយកមករក្សាទុកអធិការនគ្របាលក្រុងព្រះសីហនុ។
ក្នុងប្រតិបត្តិការដែលប្រើប្រាសកងកម្លាំងជាច្រើននាក់នេះ បានធ្វើឡើងនៅថ្ងៃទី៧ខែវិច្ឆិកា ឆ្នាំ២០២៣ ខណៈមន្ត្រីនគរបាលអធិការក្រុងព្រះសីហនុបានទទួលពាក្យបណ្តឹងរបស់ប្រជាពលរដ្ឋជាច្រើនដែលបានប្តឹងអំពីករណីបាត់ម៉ូតូកន្លងមក។
សូមបញ្ជាក់ថាបន្ទាប់ពីសមត្ថកិច្ចនគរបាលក្រុងព្រះសីហនុបង្ក្រាប ចាប់ឃាត់ខ្លួនម្ចាស់ទីតាំងនិងដកហូតម៉ូតូជាច្រើនគ្រឿងទាំងស្របច្បាប់និងមិនស្របច្បាប់ហើយនោះ នៅព្រឹកថ្ងៃទី៩ខែវិច្ឆិការ ឆ្នាំ២០២៣ លោកគួច ចំរើន អភិបាលខេត្តព្រះសីហនុ អញ្ជើញទៅលើកទឹកចិត្តដល់កងកម្លាំងអធិការដ្ឋានគរបាលក្រុងព្រះសីហនុ ក្នុងកិច្ចសហប្រតិបត្តិការបង្ក្រាបករណីអំពើលួច និងទទួលផលចោរកម្មនៅសង្កាត់លេខ៤ ក្រុងព្រះសីហនុ នៅអធិការដ្ឋានគរបាលក្រុងព្រះសីហនុ។
ក្នុងឱកាសនោះ លោក គួច ចំរើន អភិបាលខេត្តព្រះសីហនុ បានធ្វើការកោតសរ សើរ និងវាយតម្លៃខ្ពស់ចំពោះការខិតខំប្រឹងប្រែងបំពេញការងារស្រាវជ្រាវ និងបង្ក្រាបអំពើ លួច និងទទួលផលចោរកម្មកាលពីថ្ងៃទី៧ ខែវិច្ឆកា ឆ្នាំ២០២៣ នៅចំណុចបន្ទប់ជួលក្រុម៣៧ ភូមិ៥ សង្កាត់លេខ៤ ក្រុងព្រះសីហនុ ដោយឃាត់ខ្លួនជនសង្ស័យចំនួន ៦នាក់ ជនជាតិចិន ២នាក់ និងដកហូតម៉ូតូចម្រុះចំនួន ៤៨គ្រឿង។
លោក អភិបាលខេត្ត បានបន្តថា ម៉ូតូទាំងនេះមិនមែនជាផលនៃអំពើចោរកម្មទាំងអស់នោះទេ មានការណីស្ម័គ្រចិត្តយកម៉ូតូទៅបញ្ចាំដោយខ្លួនឯងក្នុងចំណោមម៉ូតូ ៤៨គ្រឿង ក្នុងនោះលោក ក៏បានធ្វើការណែនាំដល់អធិការនគរបាលក្រុងព្រះសីហនុ ទី១.ពិនិត្យមើលឯកសារកាតគ្រីម៉ូតូ ក្នុងករណីអ្នកយកមកបញ្ចាំមានចុងសន្លឹកត្រឹមត្រូវ គឺយើងនឹងធ្វើការប្រគល់ជូនម្ចាស់វិញ ចំណែកបំណុលត្រូវទូទាត់គ្នាផ្សេង ហើយការសងនៅតាមពេលវេលាណាមួយតាមតំណាក់កាល។
២.ម៉ូតូទាំងនេះ ថាតើមានស្លាកលេខត្រឹម ត្រូវ ឬមិនត្រឹមត្រូវ ព្រោះម៉ូតូទាំងនេះខ្លះមានស្លាកលេខ ខ្លះទៀតអត់ស្លាកលេខ ដូច្នេះម្ចាស់ម៉ូតូដែលមានការពាក់ព័ន្ធ ឬអ្នកបាត់បង់ម៉ូតូដោយផលចោរកម្ម សុំមកធ្វើការទំនាក់ទំនងជាមួយអធិការដ្ឋាននគរបាលក្រុងព្រះសីហនុ ដើម្បីយកឯកសារមកផ្ទៀងផ្ទាត់ពិនិត្យមើល ចំពោះអ្នកបាត់ក្នុងរយពេលកន្លងមក សុំអញ្ជើញមកកាន់អធិការដ្ឋាននគរ បាលក្រុងព្រះសីហនុ ដើម្បីពិនិត្យម៉ូតូនៅទីនេះ ថាតើវាជាររបស់យើងមែន ឬមិនមែន ព្រោះម៉ូតូវាអាចមានការដោះដូរមើលលែងស្គាល់ ចំពោះអ្នកដែលយកម៉ូតូមកបញ្ចាំសូមចូលមកបំភ្លឺ ព្រោះម៉ូតូទាំងនេះមិនមែនជាការដកហូតនោះទេ គឺយើងយកមករក្សាទុក ដើម្បីស្វែងរកយុត្តិធម៌ផ្តល់ឪ្យម្ចាស់វិញដែលបានបាត់បង់ យើងមិនអាចវាយតម្លៃបានទេ ត្រូវទៀមទារឪ្យម្ចាស់ចូលរួមបង្ហាញឯកសារម៉ូតូ ដើម្បីរួមគ្នាធ្វើការដោះស្រាយ ហើយអ្នកដែលមានឯកសារត្រឹមត្រូវ យើងនឹងផ្តល់ម៉ូតូជូនទៅម្ចាស់ដើមវិញ អ្នកដែលមិនមានសាវ តាច្បាស់លាស់ ត្រូវទុកធ្វើការពិនិត្យស្រាវជ្រាវបន្ត ចៀសវាងការភន្តច្រលំ។
៣.សុំឱ្យអធិការស្នើឲ្យប៉ុស្តិ៍ជួយសម្របសម្រួលបង្កលក្ខណងាយស្រួលឪ្យបងប្អូនដែលគាត់មកពិនិត្យម៉ូតូដែលបានបាត់។ ហើយមកដល់ថ្ងៃនេះមានមនុស្ស ១០នាក់ បញ្ជាក់ថាជាម្ចាស់ ក្រៅពីនោះមិនដឹងថា អ្នកណាជាម្ចាស់នៅឡើយនោះទេ សូមអ្នកដែលមានការពាក់ព័ន្ធយកឯកសារម៉ូតូមកបញ្ចាក់ ដើម្បីឱ្យសមត្ថកិច្ចរបស់យើងធ្វើការប្រមូលផ្តុំពត៌មានដោះស្រាយឪ្យបាន លឿនឆាប់ជូនបងប្អូន ដើម្បីយកម៉ូតូទៅប្រើប្រាស់នៅពេលខាងមុខ។ ទន្ទឹមនោះលោក អភិបាលបាលខេត្ត ក៏បានធ្វើការអំពាវនាវដល់ម្ចាស់កម្មសិទ្ធករទាំងឡាយសូមចូលរួមប្រុងប្រយ័ត្នពីទ្រព្យសម្បត្តិរបស់ខ្លួនឪ្យបានល្អ កុំឌឺជាមួយនិងបងចោរ ដោយទុកម៉ូតូចោល មិនព្រមដកសោរចេញ៕
អត្ថបទ៖ ស៊ុយ ចាន់ធា
-
ព័ត៌មានជាតិ១ សប្តាហ៍ ago
ត្រីតុកកែមានតម្លៃថ្លៃតាមហាងចិន កំពុងបង្កាត់ពូជនៅមជ្ឈមណ្ឌលវារីវប្បកម្មនៅខេត្តព្រះសីហនុ
-
ព័ត៌មានជាតិ៧ ថ្ងៃ ago
ក្រុងបាត់ដំបង កំពុងប្រឈមនឹងភក់ជ្រាំ មិនខុសពីទសវត្សរ៍ទី ៨០
-
ព័ត៌មានអន្ដរជាតិ៥ ថ្ងៃ ago
ស្លាប់១១នាក់ បាត់ខ្លួន៣០នាក់ ក្នុងហេតុការណ៍បាក់ស្ពាននៅចិនព្រោះភ្លៀងធ្លាក់ខ្លាំង
-
ព័ត៌មានជាតិ៥ ថ្ងៃ ago
អស់រយៈពេល៨ថ្ងៃហើយ ឧទ្ធម្ភាគចក្រដែលបាត់ដាន ពុំទាន់មានតម្រុយនៅឡើយទេ
-
ព័ត៌មានអន្ដរជាតិ៧ ថ្ងៃ ago
កំណើនកម្តៅផែនដីធ្វើឲ្យពេលថ្ងៃ អូសបន្លាយពេលយូរជាងពេលយប់
-
កីឡា៣ ថ្ងៃ ago
ភរិយាលោកគ្រូ អេ ភូថង ចេញសារសុំទោសរឿងតវ៉ាម្សិលមិញ
-
ព័ត៌មានជាតិ១ សប្តាហ៍ ago
UPDATE៖ ជំនន់ទឹកភ្លៀងនៅខេត្តព្រះវិហារ បានស្រកបណ្តើរៗ តែស្ពាននិងថ្នល់មួយចំនួនរងការខូចខាត
-
ព័ត៌មានអន្ដរជាតិ២ ថ្ងៃ ago
មនុស្ស១៤៦នាក់ កប់ស្លាប់ក្រោមបំណាក់ដីភក់ នៅប្រទេស អេត្យូពី