Connect with us

សន្តិសុខសង្គម

ដើមខែមេសាខេត្តសៀមរាប មានករណីអគ្គិភ័យជិត១០លើក ខូចខាតទ្រព្យសម្បត្តិពលរដ្ឋជាង១០ម៉ឺនដុល្លារ

បានផុស

នៅ

រដូវក្តៅឈានមកដល់នៅឯខេត្តសៀមរាប មានករណីអគ្គិភ័យជិត១០លើក បណ្តាលឲ្យខូចខាតទ្រព្យសម្បត្តិប្រជាពលរដ្ឋអស់មួយចំនួនធំ ដោយសារតែការធ្វេសប្រហែស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

 នគរបាលជាន់ខ្ពស់នៃស្នងការដ្ឋាននគរបាលខេត្តសៀមរាប បានឲ្យដឹងថាគិតត្រឹមថ្ងៃទី១ខែមេសាឆ្នាំ២០២៤នេះនៅក្នុងខេត្តសៀមរាប មានករណីអគ្គិភ័យជិត១០លើកដែលភាគច្រើនកើតឡើងដោយសារភ្លើងឆេះព្រៃ និងមួយករណីទៀតឆេះដេប៉ូលក់សាំងនៅក្រោយផ្សារពួក។

 មន្ត្រីរូបនោះបន្តថា ករណីភ្លើងឆេះព្រៃភាគច្រើនគឺបណ្ដាលមកពីពលរដ្ឋដុតខ្សែភ្លើងឬក៏ដុតព្រៃយកឃ្មុំ និងដុតសំរាមជាដើម ដែលពួកគាត់មានការធ្វេសប្រហែស បណ្ដាលឲ្យឆាបឆេះសំរាមរាលទៅដីឡូតិ៍ផ្សេងៗរីក៏ផ្ទះអ្នកជិតខាង។

ចំណែកករណីឆេះដេប៉ូលក់សាំងនៅក្រោយផ្សារពួក យីហោ ចិនខ្មៅ ស្ថិតនៅក្នុងភូមិចំបក់ហែ ឃុំពួក ស្រុកពួក ខេត្តសៀមរាប ដែលមានម្ចាស់ទីតាំងមានឈ្មោះ ឈិន ពណ្ណារាយ និងឈ្មោះ ជាល សុខ គឺបណ្ដាលមកពីអ្នកបើករថយន្តបញ្ចូលសាំងខុសបច្ចេកទេស (ព្រោះអាកាសធាតុខែនេះក្តៅខ្លាំង ទុយោបញ្ចូលប្រេងមានកំដៅខ្លាំង ប្រញាប់បញ្ជូលប្រេងសាំងពេកបណ្តាលឲ្យឆេះ)។ករណីឆេះដេប៉ូលក់ព្រៃនោះបណ្ដាលឲ្យខូចខាតទ្រព្យសម្បត្តិអស់ប្រមាណជាង១០ម៉ឺនដុល្លារនិងរបួសមនុស្សម្នាក់។ចំណែកអ្នកបើកបររថយន្តក្រុមហ៊ុនសាវីមិច ត្រូវបានកម្លាំងនគរបាលជំនាញនាំយកមកសួរនាំនៅស្នងការដ្ឋាននគរបាលខេត្តសៀមរាប ដើម្បីចាត់ការទៅតាមផ្លូវច្បាប់។

ដោយឡែក ករណីភ្លើងឆេះព្រៃនាប៉ុន្មានថ្ងៃនេះគឺ ភាគច្រើននៅដីឡូតិ៍ទុកចោល ម្តុំទំនប់អញ្ចាញ សង្កាត់នគរធំ ក្រុងសៀមរាប និងមួយកន្លែងទៀតនៅក្បែរមន្ទីរឧត្តុនិយម ចាស់ ក្នុងភូមិកសិកម្ម សង្កាត់ស្រង៉ែ និងនៅថ្ងៃទី៣ខែមេសានេះមានភ្លើងឆេះព្រៃចំនួន២ទីតាំងទៀត។

ជាមួយគ្នានេះ   គេសង្កេតឃើញថា អាជ្ញាធរពាក់ព័ន្ធនៅខេត្តសៀមរាប តែងតែចុះអប់រំ ណែនាំ ដល់ពលរដ្ឋឲ្យបានយល់ដឹងនិងបង្កើននូវការប្រុងប្រយ័ត្នចំពោះករណីអគ្គិភ័យនេះដែរ។ប៉ុន្តែនៅតែមានពលរដ្ឋមួយចំនួនតូចមិនធ្វើតាមការអប់រំណែនាំរបស់អាជ្ញាធរ ទើបបណ្ដាលឲ្យមានករណីអគ្គិភ័យឆាបឆេះជាបន្តបន្ទាប់យ៉ាងដូច្នេះ។

 អាជ្ញាធរខេត្តសៀមរាប សំណូមពរឲ្យប្រជាពលរដ្ឋចូលរួមទប់ស្កាត់ករណីគ្រោះអគ្គិភ័យឲ្យបានម៉ត់ចត់ថែមទៀត ព្រោះរដូវកាលនេះជារដូវក្តៅ អាចបណ្ដាលឲ្យមានអគ្គិភ័យយ៉ាងឆាបចេះយ៉ាងឆាប់រហ័ស៕

ដោយ៖ជុន កុសល

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៧ ម៉ោង មុន

មី​យ៉ាន់​ម៉ា​សហការ​ជាមួយ​ចិន​ ចាប់ខ្លួន​ក្រុម​ឆបោក​តាម​អន​ឡាញ​បាន​ជាង​៨០០​នាក់​ក្នុង​រដ្ឋ​ឆាន

ព័ត៌មានជាតិ១១ ម៉ោង មុន

នាយកដ្ឋានបច្ចេកវិទ្យាព័ត៌មាន ត្រួតពិនិត្យវឌ្ឍនភាពគម្រោងអក្ខរកម្មឌីជីថលខ្មែរ

សន្តិសុខសង្គម១២ ម៉ោង មុន

នគរបាលសម្រេចបញ្ជូនលោក ដែន សូនី ទៅតុលាការ

ព័ត៌មានជាតិ១២ ម៉ោង មុន

នាយករដ្ឋមន្ត្រី៖ អភិក្រមទាំង៥របស់សម្ដេចតេជោ ជាសារដាស់តឿនឱ្យមន្ត្រីធ្វើខ្លួនឱ្យសមជាអ្នកបម្រើរាស្ត្រ

សេចក្ដីជូនដំណឹង១២ ម៉ោង មុន

សេចក្ដីជូនដំណឹង ស្ដីពីកិច្ចសហការណ៍រវាង CIRD ជាមួយក្រុមហ៊ុន Kosher Climate India Pvt. Ltd. “គម្រោងកែលម្អបច្ចេកទេសផលិតស្រូវ តាមរយៈឥណទានកាបូនសម្រាប់កសិករ”

Sokha Hotels

ព័ត៌មានពេញនិយម