សន្តិសុខសង្គម

កងកម្លាំងជលផលកំពង់ចាម ចុះបង្ក្រាបបទល្មើសជលផលក្នុងភូមិសាស្ត្រស្រុកបាធាយនិងស្រុកកងមាស

បានផុស

២ years មុន

នៅ

ថ្ងៃចន្ទ ២៩ កក្កដា ២០២៤

ដោយ

កំពង់ចាម ៖ មន្ត្រីជំនាញនៃខណ្ឌរដ្ឋបាលជលផលកំពង់ចាម បានសហការជាមួយអាជ្ញាធរមូលដ្ឋានចុះបង្ក្រាបបទល្មើសជលផលក្នុងភូមិសាស្ត្រស្រុកបាធាយនិងស្រុកកងមាស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយមានការអនុញ្ញាតពីលោក វង្ស ប៊ុនវិសុទ្ធ ព្រះរាជអាជ្ញានៃអយ្យការអមសាលាដំបូងខេត្តកំពង់ចាម នៅថ្ងៃទី២៩ខែកក្កដា ឆ្នាំ២០២៤ មន្ត្រីជំនាញនៃខណ្ឌរដ្ឋបាលជលផលកំពង់ចាម ដឹកនាំដោយលោកលី ស្រ៊ី នាយខណ្ឌស្តីទីជលផលកំពង់ចាម បានសហការជាមួយ អធិការដ្ឋានរដ្ឋបាលជលផលមេគង្គ អាជ្ញាធរមូលដ្ឋានពីរស្រុកមានស្រុកកងមាស ស្រុកបាធាយ បានបន្តចុះប្រតិបត្តិការ និងបង្ក្រាបបទល្មើសជលផល នៅតាមព្រែក និងបឹងមួយចំនួនក្នុងភូមិសាស្ត្រស្រុកចំនួន២។

លោកលី ស្រ៊ី នាយខណ្ឌស្តីទីជលផលកំពង់ចាម បានបញ្ជាក់ប្រាប់ថា ជាលទ្ធផលក្រុមការងារបានបង្ក្រាបបានបួនករណី ក្នុងនោះរុះរើកាប់បំផ្លាញចោលវត្ថុតាងនៃបទល្មើសជលផលមាន ឧបករណ៍ដាយស្បៃមុងចំនួន២៦មាត់, របាំងស្បៃមុងប្រវែង២៦០ម៉ែត្រ,បង្គោលចម្រឹងចំនួន២៧០ដើមនិងចាក់លែងកូនត្រីចម្រុះទម្ងន់៩គីឡូក្រាម។

ទន្ទឹមនឹងនេះដែរ កងកម្លាំងជំនាញជលផលកំពង់ចាម បានធ្វើកសាងសំណុំរឿងតាមនីតិវិធីច្បាប់ស្តីពីជលផល និងចុះរុះរើកាប់បំផ្លាញចោលវត្ថុតាងនៃបទល្មើសជលផលនៅនឹងកន្លែងកើតហេតុផងដែរ៕

អត្ថបទនិងរូបភាព ៖ ឡេក ចាន់ពេជ្រ