សន្តិសុខសង្គម

ចាប់ខ្លួនជនសង្ស័យ ៤ នាក់ ក្រោយគប់ដុំថ្មលើជនរងគ្រោះសន្លប់

បានផុស

២ years មុន

នៅ

ថ្ងៃអាទិត្យ ២៥ សីហា ២០២៤

ដោយ

ជនសង្ស័យ ៤ នាក់ ត្រូវបានសមត្ថកិច្ចស្រុកត្រាំកក់តាមស្រាវជ្រាវរហូតកំណត់មុខសញ្ញាឈានដល់ការឃាត់ខ្លួនបញ្ជូនទៅតុលាការ កាលពីថ្ងៃទី ២៤ ខែសីហា ឆ្នាំ ២០២៤ ករណីគប់ដុំថ្មបណ្តាលឱ្យជនរងគ្រោះម្នាក់រងរបួសធ្ងន់ធ្ងរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការបញ្ជាក់ពីលោកវរសេនីយ៍ឯក ឌុក ធីយ៉ា អធិការនគរបាលស្រុកត្រាំកក់ថា កាលពីយប់ថ្ងៃទី ២២ ខែសីហា ឆ្នាំ ២០២៤ វេលាម៉ោង ២២ និង ៥៥ នាទី នៅចំណុចភូមិតាសួន ឃុំត្រពាំងធំខាងជើង ស្រុកត្រាំកក់ មានករណីហិង្សាដោយចេតនា មានស្ថានទម្ងន់ទោសមួយ បង្កឡើងដោយជនសង្ស័យមិនស្គាល់អត្តសញ្ញាណចំនួន ៤ នាក់ ជិះម៉ូតូ ២ គ្រឿង ប្រដាប់ដោយដុំថ្ម បានធ្វើសកម្មភាពគប់ទៅលើជនរងគ្រោះឈ្មោះ នេត ក្រឹម ភេទប្រុស អាយុ ៣៥ ឆ្នាំ រស់នៅភូមិតាសួន ឃុំត្រពាំងធំខាងជើង ស្រុកត្រាំកក់ បណ្ដាលឱ្យរងរបួសធ្ងន់(សន្លប់) បញ្ជូនទៅមន្ទីរពេទ្យបង្អែកខេត្តតាកែវ។ ក្រោយធ្វើសកម្មភាពជនសង្ស័យទាំង ៤ នាក់ខាងលើ បានជិះម៉ូតូទៅទិសខាងជើងគេចខ្លួនបាត់។

លោកអធិការបន្តថា ក្រោយកើតហេតុ និងទទួលបានពាក្យបណ្តឹងពីជនរងគ្រោះផងនោះ កម្លាំងជំនាញលោកបានចុះធ្វើការស្រាវជ្រាវរហូតកំណត់មុខសញ្ញាឃាត់ខ្លួនជនសង្ស័យបាន ៤ នាក់ រួមមាន ៖ ១.ឈ្មោះ ស៊ន ចន្ធូ ភេទប្រុស អាយុ ២០ ឆ្នាំ រស់នៅភូមិអង្គបក្សី ឃុំជាងទង ស្រុកត្រាំកក់។ ២.ឈ្មោះ សំ បូរ ភេទប្រុស អាយុ ២១ ឆ្នាំ នៅភូមិដំណាក់រវៀង ឃុំពពេល ស្រុកត្រាំកក់។ ៣.ឈ្មោះ សិត សង ភេទប្រុស អាយុ ២២ ឆ្នាំ នៅភូមិតាមុច ឃុំតាភេម ស្រុកត្រាំកក់។ ទី៤.ឈ្មោះ តឿ បិណ ហៅសាន ភេទប្រុស អាយុ ២០ ឆ្នាំ នៅភូមិត្រពាំងអំពិល ឃុំតាភេម ស្រុកត្រាំកក់។