Update៖ ករណីប្រទះឃើញសពស្ត្រីម្នាក់នៅឃុំចំបក់ សមត្ថកិច្ចសន្និដ្ឋានថាអាចមកពីប្រតិកម្មថ្នាំ ខណៈឃាត់ខ្លួនម្ចាស់គ្លីនិកមួយកន្លែងមកសួរនាំ

ស្ត្រីម្នាក់ត្រូវបានសាច់ញាតិប្រទះឃេីញដេកស្លាប់ក្រោមដេីមសង្កែ​ ក្បែរភូមិ​បង្កការភ្ញាក់ផ្អេីលទាំងព្រឹកនៅភូមិម្រះព្រៅខាងកេីត​ ឃុំចំបក់​ ស្រុកបាទី​ ខេត្តតាកែវ។ ករណី​នេះ​ តាមការសន្និដ្ឋានបឋមរបស់សមត្ថកិច្ចជំនាញបង្ហេីបថា​ ស្ត្រីដែលស្លាប់ គឺដោយសារប្រតិកម្មថ្នាំ ក្រោយទៅចាក់ថ្នាំនៅគ្លីនិច​ឯកជន​ ហេីយត្រូវបានគេដឹកយកមកប្លុងចោលនៅទីតាំងខាងលេី។

បេីតាមការរៀបរាប់ពីសាច់ញាតិឱ្យដឹងថា​ មុនកេីតហេតុល្ងាចថ្ងៃទី១៨​ វិច្ឆិកា​ ស្ត្រីរងគ្រោះ​ឈ្មោះ​ ណាំ​ ចន្ធូ​ និងកូនតូចអាយុ៣ឆ្នាំ​ បានជិះម៉ូតូចេញពីផ្ទះទៅពេទ្យចាក់ថ្នាំ​ ហេីយក៏មិនឃេីញត្រឡប់មកផ្ទះវិញ​ ទេីបនាំគ្នីគ្នា​តាមរកក៏ឃេីញតែម៉ូតូ​ និងកូនតូច​ មិនឃេីញស្ត្រីជាម្តាយ។​ រហូតព្រឹកថ្ងៃទី១៩​ ខែវិច្ឆិកា​ ឆ្នាំ២០២៤​ ទេីបប្រទះឃេីញសពស្ត្រីរងគ្រោះដេកស្លាប់ក្រោមដេីមសង្កែចំណុចភូមិ​ ឃុំខាងលេី​ បង្កការភ្ញាក់ផ្អេីលពលរដ្ឋ​ និងរាយការណ៍ជូនសមត្ថកិច្ចចុះមកពិនិ្យ។

ជុំវិញករណីនេះ លោកវរសេនីយ៍ឯក ឆាយ កែវមុន្នី អធិការនៃអធិការដ្ឋាននគរបាលស្រុកបាទី បានប្រាប់ឲ្យដឹងនៅរសៀលថ្ងៃទី១៩វិច្ឆិកា នេះថា ពិតជាមានការឃាត់ខ្លួនម្ចាស់គ្លីនិកឯកជនមួយពិតមែនដើម្បីយកមកសួរនាំបន្ថែម តែទោះយ៉ាងណា លោកមិនទាន់ប្រាប់លំអិតនៅឡើយ៕

​អត្ថបទ៖ វីរៈ