សន្តិសុខសង្គម

ឆេះហាងកាហ្វេ ១ កន្លែង ដែលម្ចាស់បិទទ្វារចោលប្រមាណ ៣ ឆ្នាំ ដោយមិនដឹងមូលហេតុ

បានផុស

១ year មុន

នៅ

ថ្ងៃសៅរ៍ ១ កុម្ភៈ ២០២៥

ដោយ

ហាងកាហ្វេ ១ កន្លែង ដែលម្ចាស់ហាងបានបិទទ្វារចោលអស់រយៈពេលប្រមាណ ៣ ឆ្នាំ មកហើយនោះ ត្រូវបានអណ្ដាតភ្លើងឆាបឆេះបំផ្លាញគ្មានសល់ ដោយរហូតមកទល់នឹងពេលនេះសមត្ថកិច្ចកំពុងធ្វើការស្រាវជ្រាវនៅឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍ដ៏រន្ធត់នេះបានកើតឡើងកាលពីវេលាម៉ោងប្រហែល ១២ និង ១០ នាទី ថ្ងៃត្រង់ ថ្ងៃទី ៣១ ខែមករា ឆ្នាំ ២០២៥ ស្ថិតនៅត្រង់ចំណុចភូមិឡឥដ្ឋ សង្កាត់ព្រែកព្រះស្តេច ក្រុងបាត់ដំបង។

ករណីអគ្គិភ័យខាងលើនេះ បណ្ដាលឲ្យឆេះហាងលក់កាហ្វេ ១ កន្លែង នៅជាន់ខាងលើ យីហោ ” california coffee ” របស់ជនរងគ្រោះឈ្មោះ យ៉ាន ចាន់ម៉ាប់ ភេទប្រុស អាយុ ៥៦ ឆ្នាំ។

បើតាមការរៀបរាប់ពីប្រជាពលរដ្ឋដែលនៅជិតខាងបាននិយាយថា ហាងនេះត្រូវបានម្ចាស់បិទទ្វារចោលប្រមាណ ៣ ឆ្នាំ មកហើយ។ លុះនៅពេលកើតហេតុនោះក៏មិនមានឮស្នូរសំឡេងផ្ទុះអ្វីឡើយ ដោយស្ងាត់ៗ ស្រាប់តែមានអណ្ដាតភ្លើងចាប់ផ្ដើមឆាបឆេះយ៉ាងសន្ធោសន្ធៅតែម្ដង ហើយអ្នកជិតខាងក៏បានរាយការណ៍ទៅសមត្ថកិច្ចពន្លត់អគ្គិភ័យ ដើម្បីជួយអន្តរាគមន៍។

ក្រោយពេលប្រតិបត្តិការសមត្ថកិច្ចបានពិនិត្យទៅលើសម្ភារៈខូចខាត រួមមាន ៖ ហាងកាហ្វេចំនួន ១ ខ្នង ទំហំ ៤ ម × ២០ ម សង់អំពីបេតុងក្រោម កញ្ចក់លើ ដំបូលស័ង្កសី (ឆេះជាន់ទី ១) និងសម្ភារៈប្រើប្រាស់នៅជាន់ទី ១ ត្រូវភ្លើងឆេះអស់ទាំងស្រុង។ ចំណែកមូលហេតុសមត្ថកិច្ចជំនាញបានបញ្ជាក់ថា ស្ថិតក្នុងការស្រាវជ្រាវ។

ហេតុការណ៍គ្រោះអគ្គិភ័យនេះ ការិយាល័យនគរបាលបង្ការពន្លត់អគ្គីភ័យ និង សង្គ្រោះ បានចេញរថយន្តពន្លត់អគ្គិភ័យចំនួន ៣ គ្រឿង ដើម្បីជួយអន្តរាគមន៍។ ចំពោះករណីនេះមិនបានបង្កគ្រោះថ្នាក់ដល់អាយុជីវិតមនុស្ស ឬ ឆ្លងរាលដាលទៅផ្ទះអ្នកជិតខាងឡើយ៕

អត្ថបទ ៖ សោ និយមរ័ត្ន

Related Topics:ក្រុងបាត់ដំបង អគ្គិភ័យ

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា