កីឡា

កីឡាករ ចាន់ រតនា ចេញឈ្មោះប្រកួត MMA ជាថ្មីក្រោយខកខានជាយូរឆ្នាំ

បានផុស

៩ ខែ មុន

នៅ

ថ្ងៃសុក្រ ២៤ តុលា ២០២៥

ដោយ

កីឡាករចាស់វស្សា និងជាជើងខ្លាំងជំនាន់សង្វៀន ONE ចាន់ រតនា នឹងប្រកួតគុនចម្រុះជាថ្មីក្រោយខកខានប្រកួតបែបនេះជាយូរឆ្នាំហើយ ខណៈរូបគេត្រូវប៉ះអ្នកលេងក្បាច់គុនមកពីប្រទេសចិន Buhuo Gupu នៅថ្ងៃទី៤ ខែវិច្ឆិកា ឆ្នាំ២០២៥ ខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ ចាន់ រតនា

ការប្រកួតនៅថ្ងៃទី៤ វិច្ឆិកា ខាងមុខនេះគឺប្រជុំដោយជើងខ្លាំងខាង MMA របស់កម្ពុជាហើយដែលសុទ្ធសឹងជាអ្នកមានថ្វីដៃល្អ និងធ្លាប់មានកេរ្តិ៍ឈ្មោះលើសង្វៀនអន្តរជាតិ ONE Championship។ ចាន់ រតនា រិន សារ័ត្ន ឡុង ឡា ចាន់ សំអាត ជាកីឡាករដែលបានហ្វឹកហាត់គុនចម្រុះ និងធ្លាប់បានបង្ហាញមុខលើសង្វៀន ONE ជាច្រើនដង។

កីឡាករ ចាន់ រតនា

ចំពោះកីឡាករ ចាន់ រតនា វ័យជ្រេបន្តិចហើយ និងខកខានឡើងសង្វៀនបែបគុនចម្រុះក៏យូរដូចគ្នា ដូច្នេះការវិលមកកាន់ការប្រកួតមួយនេះហាក់មិនស្រួលប៉ុន្មានទេសម្រាប់រូបគេ។ គេឃើញ រតនា ប្រកួតគុនខ្មែរបានមួយរយៈពេលដែរតែក្រោយមកក៏បាត់មុខទៅវិញ។

រតនា ពេលហ្វឹកហាត់ជាមួយគ្រូប្រដាល់សកល

អ្នកគាំទ្រក្បាច់គុនចម្រុះ (MMA) ជឿជាក់ថានឹងពេញចិត្តចំពោះការរៀបចំមួយប្រកួតនេះ និងរង់ចាំការប្រកួតឲ្យឆាប់មកដល់។ រង់ចាំមើលទាំងអស់គ្នាថាក្រុមកីឡាករ ចាន់ រតនា រិន សារ័ត្ន ឡុង ឡា ស៊ឹម ប៊ុនស្រ៊ន់ ចាន់ សំអាត សែន ច័ន្ទរិទ្ធីស័ក្ក ហុងកន គុនខ្មែរ អាចដណ្ដើមយកជ័យជម្នះបានទេលើកីឡាករចិន។ ចាន់ រតនា នឹងត្រូវប៉ះជើងខ្លាំងចិន ប៊ូហួ ជូពូ (Buhuo Gupu) លើប្រភេទទម្ងន់ ៦៣,៥គីឡូក្រាម។ ការប្រកួតនេះរៀនចំឡើងដោយសង្វៀនថោន ចាប់ពីម៉ោង ៨យប់តទៅនៅខណ្ឌកំបូល រាជធានីភ្នំពេញ៕

អត្ថបទដោយ៖ នួន ស៊ីណា