Connect with us

កីឡា

ក្លឹប​ប្រដាល់​ KKIF ប្ដូរទីតាំង​ពី​ជ្រោយចង្វា​ទៅ​ 9NG​ ស្រុក​ខ្សាច់​កណ្ដាល​វិញ​ហើយ​

បានផុស

នៅ

ក្លឹប​ប្រដាល់​គុន​ខ្មែរ​អន្តរជាតិ​ (KKIF)​ របស់​លោក​ ស្រី​ ចាន់ថន​ បាន​ផ្លាស់​ប្ដូរ​ទីតាំង​ពី​ជ្រោយចង្វា​ រាជធានីភ្នំពេញ​ទៅ​កាន់​ 9NG​ ឃុំ​វិហារសួគ៏ ស្រុក​ខ្សាច់​កណ្ដាល​ ខេត្ត​កណ្ដាល ​វិញ​ហើយ​ចាប់​ពី​ថ្ងៃទី២​ ខែ​កក្ដដា​ ឆ្នាំ​២០២៦​ នេះ​តទៅ។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករក្លឹប KKIF

នេះ​បើ​តាម​សេចក្ដី​ប្រកាស​របស់​ក្លឹប​ KKIF​ បាន​បញ្ជាក់​ថា​ ដើម្បី​លើកកម្ពស់​គុណភាព​នៃ​ការ​ហ្វឹកហាត់​ ការ​បណ្ដុះបណ្ដាល​ និង​ពង្រឹង​សមត្ថភាព​របស់​ក្លឹប​ឲ្យ​កាន់​តែ​មាន​ប្រសិទ្ធភាព​ក្លឹប​បាន​សម្រេច​ផ្លាស់ប្ដូរ​ទីតាំង​ថ្មី​ទៅ​កាន់​តំបន់​អភិវឌ្ឍន៍​ពិសេស​ 9NG​ ក្នុង​ឃុំ​វិហារសួគ៏ ស្រុក​ខ្សាច់​កណ្ដាល​ ខេត្ត​កណ្ដាល​វិញ។​

ការ​ផ្លាស់ប្ដូរ​ទីតាំង​នេះ​ផង​ដែរ​គឺ​ជា​ផ្នែក​មួយ​នៃ​យុទ្ធសាស្ត្រ​អភិវឌ្ឍន៍​របស់​ក្លឹប​ក្នុង​គោលបំណង​បង្កើន​គុណភាព​ បណ្ដុះបណ្ដាល​ បង្កើត​បរិយាកាស​ហ្វឹកហាត់​ប្រកប​ដោយ​ស្ដង់ដា​ និង​ពង្រឹង​កិច្ចសហប្រតិបត្តិការ​ជាមួយ​ដៃគូ​ជាតិ​ និង​អន្តរជាតិ ​សំដៅ​រួម​ចំណែក​លើកស្ទួយ​ និង​អភិវឌ្ឍន៍​វិស័យ​ប្រដាល់​គុន​ខ្មែរ​ឲ្យ​កាន់​តែ​រីកចម្រើន។​

ទីតាំងក្លឹប​ចាស់​នៅ​ជ្រោយចង្វា

បញ្ជាក់​ដែរ​ថា​ ក្លឹប​ប្រដាល់​គុន​ខ្មែរ​អន្តរជាតិ​ (KKIF)​ ជា​របស់​លោក​ ស្រី​ ចាន់ថន​ ដែល​មាន​កីឡាករ​រួម​រស់​ជា​មួយ​ដូច​ជា​ សុខ​​ ធី​ ឌឹម​ សារុំ​ ចាន់​ វិច្ឆិកា។​ ក្លឹប​នេះ​ផង​ដែរ​មួយ​រយៈ​ចុងក្រោយ​នេះ​ហាក់​ដូច​ជា​ស្ងៀមស្ងាត់​បន្តិចក្នុង​វិស័យ​គុន​ខ្មែរ៕

ទីតាំងក្លឹប​ចាស់​នៅ​ជ្រោយចង្វា

អត្ថបទដោយ៖ នួន ស៊ីណា​

Helistar Cambodia - Helicopter Charter Services
Sokimex Investment Group
Sokha Hotels

ព័ត៌មានពេញនិយម