កីឡា

ក្រោយចាញ់ បឺត សង្ឃឹម មែនតែកីឡាករ ធន់ ស៊ីហុង បែរជាមានទីផ្សារកាន់តែខ្លាំង

បានផុស

៩ វិនាទី មុន

នៅ

ថ្ងៃចន្ទ ៦ កក្កដា ២០២៦

ដោយ

អ្នកលេងគុនខ្មែរ ធន់ ស៊ីហុង ក្រោយចាញ់ពិន្ទុរៀមច្បង បឺត សង្ឃឹម ក្នុងកម្មវិធីធំកន្លងទៅនេះមែន ប៉ុន្តែឥលូវនេះរូបគេបែរជាមានទីផ្សារប្រកួតកាន់តែខ្លាំង និងសំបូរអ្នកគាំទ្រទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស៊ីហុង កាលឈ្នះនៅសង្វៀន TVK

កីឡាករ ធន់ ស៊ីហុង បើទោះជាប្រកួតចាញ់ពិន្ទុរៀចម្បង បឺត សង្ឃឹម ប្រហែលមួយកន្លងទៅនេះមែន តែសន្ទុះនៃការស្រឡាញ់គាំទ្រមកកាន់រូបគេមានកាន់តែច្រើនផងដែរ។ នេះដោយសារតែការចាញ់-ឈ្នះ ជាមួយជើងខ្លាំង បឺត សង្ឃឹម បានធ្វើឲ្យរូបគេបង្ហាញសមត្ថភាពដ៏ល្អ ភាពក្លាហាន និងស្នៀតប្រយុទ្ធដែលមានប្រសិទ្ធភាពខ្ពស់។

ដូច្នេះហើយចាប់តាំងពីការចាញ់នោះមករូបគេហាក់ទទួលបានការចាប់អារម្មណ៍ខ្លាំងពីបណ្ដាស្ថានីយទូរទ្សន៍ និងម្ចាស់កម្មវិធីធំៗ។ ការទុកចិត្ត និងការផ្ដល់ឱកាសឲ្យរូបគេថ្មីៗនេះបានធ្វើឲ្យ ធន់ ស៊ីហុង រឹតតែមានកម្លាំងចិត្តប្រកួតដណ្ដើមជ័យជម្នះលើសង្វៀនតែម្ដង។ ឥលូវនេះរូបគេចាត់ទុកជាកីឡាករកំពូលម្នាក់លើប្រភេទទម្ងន់ ៦០គីឡូក្រាមនៅកម្ពុជាហើយ។

ស៊ីហុង និង បឺត សង្ឃឹម កន្លងទៅ

បញ្ជាក់ដែរថា ធន់ ស៊ីហុង កាលពីថ្ងៃទី៣១ ខែឧសភា ឆ្នាំ២០២៦ រូបគេបានប្រកួតចាញ់ពិន្ទុកីឡាករ បឺត សង្ឃឹមក្នុងកម្មវិធី The Battle of Three Kingdoms។ ក្រោយចាញ់ចាប់ពីពេលនោះមក ធន់ ស៊ីហុង បានឱកាសប្រកួតកម្មវិធីនៅសង្វៀនហង្សមាស បានប្រកួតនៅសង្វៀន TVK ៕

អត្ថបទដោយ៖ នួន ស៊ីណា