កីឡា

កីឡាករ ពេជ្រ សម្បត្តិ បង្ហាញមុខជាថ្មីនៅអូស្ត្រាលីក្នុងនាមជាគូឯកប្រចាំកម្មវិធី

បានផុស

៣ នាទី មុន

នៅ

ថ្ងៃព្រហស្បតិ៍ ៩ កក្កដា ២០២៦

ដោយ

ជើងខ្លាំងប្រចាំទម្ងន់ ៦០គីឡូក្រាមរបស់កម្ពុជា ពេជ្រ សម្បត្តិ នឹងត្រូវបង្ហាញមុខជាថ្មីនៅឯប្រទេសអូស្ត្រាលីនៅថ្ងៃទី១៧ ខែកក្កដា ឆ្នាំ២០២៦ ក្នុងតំណែងជាគូឯកទៀតផង ខណៈមានកីឡាករ កីឡាការិនី ៥នាក់ទៀតចូលរួមផ្សព្វផ្សាយគុនខ្មែរផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ ពេជ្រ សម្បត្តិ

បើតាមការបង្ហោះផ្សព្វផ្សាយលើហ្វេសបុកផេកសហព័ន្ធប្រដាល់គុនខ្មែរគឺបញ្ជាក់ថាក្រុមគុនខ្មែររហូតដល់ទៅ ៦នាក់គឺបុរស ៥ និង នារី ១នាក់នឹងធ្វើដំណើរទៅប្រទេសអូស្ត្រាលីដើម្បីធ្វើការប្រកួតនៅថ្ងៃទី១៧ ខែកក្កដា ឆ្នាំ២០២៦ នេះ។

កីឡាករ កីឡាការិនីទាំង ៦នាក់នោះរួមមាន ពេជ្រ សម្បត្តិ បឺត សង្ឃឺម ពេជ្រ អាទិទេព ទូច ចាន់វត្តី ឡុង សំណាង និង គឹម វាសនា។ ដោយឡែកសម្រាប់កីឡាករ ពេជ្រ សម្បត្តិ ដែលជាជើងខ្លាំង និងមានកេរ្តិ៍ឈ្មោះល្បីរបស់កម្ពុជានោះនឹងប្រកួតក្នុងតំណែងជាគូឯកប្រចាំកម្មវិធីទៀតផង។ កុំភ្លេចរង់ចាំទស្សនាការប្រកួតតាមការឡាយលើហ្វេសបុកផេក BTV NEWS វេលាម៉ោង ៥ល្ងាចនៅកម្ពុជាថ្ងៃទី១៧ ខែកក្កដា ឆ្នាំ២០២៦៕