កីឡា

តើ ភ្នំពេញក្រោន អាចវាយកបកយកឈ្នះ ព្រះខ័នរាជស្វាយរៀង បានទេល្ងាចនេះ?

បានផុស

៣ ខែ មុន

នៅ

ថ្ងៃព្រហស្បតិ៍ ១២ មីនា ២០២៦

ដោយ

ភ្នំពេញក្រោន ត្រូវប្រឹងប្រែងខ្លាំងមែនទែន ដើម្បីវាយបកយកលើ ព្រះខ័នរាជស្វាយរៀង វេលាម៉ោង ៧ យប់ ថ្ងៃទី១២ ខែមីនា ឆ្នាំ ២០២៦ នៅពហុកីឡដ្ឋានជាតិមរតកតេជោ ក្នុងជើងទី២ បន្ទាប់ពីជើងទី១ បានចាញ់ ១-៤ វគ្គ ៨ ក្រុមចុងក្រោយ ពានរង្វាន់ AFC Challenge League។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅទឹកដីពហុកីឡដ្ឋានជាតិអូឡាំពិក ភ្នំពេញក្រោន បានដាក់កីឡាករបរទេស ៩ នាក់ និងកីឡាករកម្ពុជា ២ នាក់ ខណៈ ព្រះខ័នរាជស្វាយរៀង ដាក់កីឡាករបរទេស ៨ នាក់ និងកីឡាករកម្ពុជា ៣ នាក់។ ភ្នំពេញក្រោន ធ្វើបានយ៉ាងល្អដោយរកបាន ១ គ្រាប់ភ្លាមត្រឹមតែ ៣ នាទី ប៉ុន្តែ ព្រះខ័នរាជស្វាយរៀង បានកែប្រែកំហុស រហូតដល់វាយបករកបាន ១ គ្រាប់តាមស្មើនៅ ១-១ ក្នុងវគ្គទី១ និង រកបាន ៣ គ្រាប់ទៀតក្នុងវគ្គទី២។

គម្លាត ៣ គ្រាប់នេះពិតជាឆ្ងាយសម្រាប់ ភ្នំពេញក្រោន ក្នុងការវាយបក។ ពួកគេត្រូវការឈ្នះយ៉ាងហោចណាស់ ៤-០ ក្នុងជើងទី២នេះ ទើបអាចឡើងទៅកាន់វគ្គពាក់កណ្តាលផ្តាច់ព្រ័ត្រ។ បាល់មូល អ្វីៗអាចកើតឡើងបានដែរ។

ជួបគ្នា ២ លើកចុងក្រោយ នៅទឹកដីពហុកីឡដ្ឋានជាតិមរតកតេជោ គឺ ភ្នំពេញក្រោន បានឈ្នះទាំង ២ លើក។ ក្នុងនោះ ភ្នំពេញក្រោន បានឈ្នះ ព្រះខ័នរាជស្វាយរៀង ២-១ ក្នុងវគ្គផ្តាច់ព្រ័ត្រ ពានសម្តេចតេជោ រដូវកាលមុន និង ឈ្នះ ៣-២ ក្នុងជើងទី១ នៃលីគកំពូលកម្ពុជា រដូវកាលនេះ។

ប្រធានក្រុម Andres Neito បានជឿជាក់លើក្រុមរបស់ខ្លួនក្នុងការវាយបក។ កីឡាករបានលើកឡើងថា ៖«ខ្ញុំជឿជាក់លើក្រុមរបស់ខ្ញុំទាំងស្រុង។ ក្រុមមានស្មារតីងើបឡើងវិញដែលនឹងទទួលបានលទ្ធផលល្អ»។

ជាមួយគ្នានេះ លោក Oleg Starynskyi គ្រូបង្វឹកភ្នំពេញក្រោន បានលើកឡើងថា លោកមិនអាចយកលទ្ធផលកាលពីជើងទី១ មកប្រៀបធៀបនឹងជើងទី២បានឡើយ។ ទោះបីជាយ៉ាងណា ក្រុមរបស់លោកនឹងខិតខំប្រឹងប្រែងឲ្យអស់ពីលទ្ធផលសម្រាប់ការប្រកួតដ៏សំខាន់។

ចំណែកលោក Pep Munoz អតីតគ្រូបង្វឹកព្រះខ័នរាជស្វាយរៀង បានយល់ឃើញថា គម្លាត ៣ គ្រាប់ បន្សល់ទុកកាលពីជើងទី១គឺ វាឆ្ងាយពេកសម្រាប់ភ្នំពេញក្រោន ប៉ុន្តែពួកគេអាចមានលទ្ធភាពក្នុងការវាយបក។ ជាពិសេសស្មៅទីលានពហុកីឡដ្ឋានជាតិមរតកតេជោរឹតតែធ្វើឲ្យពួកគេលេងបានល្អ។

ប៉ុន្មានថ្ងៃចុងក្រោយនេះ អ្នកគាំទ្ររបស់ ភ្នំពេញក្រោន សុទ្ធតែមានជំនឿចិត្តលើក្រុមរបស់ខ្លួនអាចធ្វើបានដើម្បីបង្កើតកំណត់ត្រាល្អទៀតនៅទឹកដីពហុកីឡដ្ឋានជាតិមរតកតេជោ។ កាលពីជើងទី១ អ្នកគាំទ្រជាង ២ ម៉ឺននាក់បានចូលទស្សនាផ្ទាល់ ហើយជើងទី២ នឹងឃើញអ្នកគាំទ្រយ៉ាងច្រើនកុះករទៀតដើម្បីលើកទឹកចិត្តដល់ក្រុមរបស់ខ្លួន។

សូមបញ្ជាក់ថា ការប្រកួតនារាត្រីថ្ងៃព្រហស្បតិ៍នេះ ក្រៅពីជក់ចិត្តនឹងសកម្មភាពបាល់ទាត់នៅលើទីលាន អ្នកគាំទ្រនឹងទទួលបានអារម្មណ៍សប្បាយរីករាយតាមរយៈការបកស្រាយបទចម្រៀង និងការដុតកាំជ្រួចដើម្បីអបអរសាទរដល់ក្រុមដែលឡើងទៅកាន់វគ្គពាក់កណ្តាលផ្តាច់ព្រ័ត្រ៕

អត្ថបទ៖ វិរបុត្រ

Related Topics:AFC Challenge League

ព័ត៌មានអន្ដរជាតិ១៤ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

ព័ត៌មានអន្ដរជាតិ៦ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

កីឡា៤ ថ្ងៃ ago

មូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា