កីឡា

លោក អ៊ូ តារា ទម្លាយថាក្រុមល្បុក្កតោក៏បានចេញប្រយុទ្ធតទល់ជាមួយសៀមអំឡុងការឈ្លានពាន២លើកនេះដែរ

បានផុស

២ ខែ មុន

នៅ

ថ្ងៃព្រហស្បតិ៍ ៣០ មេសា ២០២៦

ដោយ

លោក អ៊ូ តារា ថាកន្លងមកសហព័ន្ធកីឡាល្បុក្កតោបានផ្សារភ្ជាប់ជាមួយខាងផ្នែកកងយោធពលខេមរភូមិន្ទ និងមានសកម្មភាពផ្សេងៗជាច្រើនរហូតមក ស្របពេលអំឡុងផ្ទុះសង្គ្រាមឈ្លានពានរបស់សៀមទាំង ២លើកនេះក៏មានក្រុមកីឡាករចូលរួមប្រយុទ្ធតទល់ជាមួយផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមល្បុក្កតោ

លោក អ៊ូ តារា អគ្គលេខាធិការសហព័ន្ធបានឲ្យដឹងថា ជាច្រើនឆ្នាំមកនេះក្រុមល្បុក្កតោមានសកម្មភាព និងការពង្រីកផ្សព្វផ្សាយច្រើនពិសេសលើការជួយពង្រឹងសមត្ថភាពផ្នែកកងយោធពលខេមរភូមិន្ទ។ លើសពីនេះមានការសហការរួមគ្នាលើការសម្ដែងផ្សេងៗផង និងការចងក្រងសៀវភៅក្បាច់គុនរួមទាំងការបង្ហាត់បង្រៀនគ្រូៗទៀតផង។

ក្រុមល្បុក្កតោ

អគ្គលេខាធិការរូបនេះបន្ថែមទៀតថា លើសពីការពង្រីងសមត្ថភាពដល់កងទ័ពហើយនោះអំឡុងផ្ទុះសង្គ្រាមឈ្លានពានពីសំណាក់សៀមទាំង ២លើកមកលើកម្ពុជានេះក៏មានការចូលរួមប្រយុទ្ធនៃក្រុមកីឡាករល្បុក្កតោផងដែរ។ បន្ទាប់ពីការហ្វឹកហាត់ហើយនោះក្រុមល្បុក្កតោមួយចំនួនធំដែលជាទាហានក៏បានបន្តបេសកកម្មចូលសមរភូមិរហូតមកដល់ពេលនេះអ្នកមួយចំនួនមិនទាន់អាចវិលត្រឡប់មកវិញផង។

ក្រុមល្បុក្កតោ

បញ្ជាក់ដែរថា ល្បុក្កតោជាក្បាច់គុនបុរាណរបស់ខ្មែរ និងមានប្រវត្តិជាយូរលង់មកហើយ។ បច្ចុប្បន្នកីឡាមួយនេះមានសន្ទុះនៃការគាំទ្រ និងរីកសាយភាយគ្រប់ខេត្តក្រុងនៅកម្ពុជា។ ប្រមុខថ្នាក់ដឹកនាំកម្ពុជាជ្រើសរើសយកគុនល្បុក្កតោបញ្ចូលជាក្បាច់គុនសម្រាប់កងទ័ពផងដែរ។ កន្លងមកការសម្ដែងឈុតឆាកធំៗដែលមានមនុស្សរាប់រយរាប់ពាន់នាក់ដូចជាព្រឹត្តិការណ៍ស៊ីហ្គេម លើកទី៣២ ឆ្នាំ២០២៣ នៅកម្ពុជា និងព្រឹត្តិការណ៍កីឡាជាតិតែងតែមានកម្លាំងកងទ័ពមកសម្ដែងជាទស្សនីយភាពផ្សេងៗដោយរលូន និងទទួលបានជោគជ័យជាខ្លាំង៕