កីឡា

ខេន សិរីវឌ្ឍនា មកហ្វឹកហាត់គុនល្បក្កតោយល់ឃើញថាជាក្បាច់គុនដូនតាខ្មែរ និងធ្វើឲ្យខ្លួនមានភាពក្លាហាន

បានផុស

១ ខែ មុន

នៅ

ថ្ងៃចន្ទ ១៨ ឧសភា ២០២៦

ដោយ

កុមារាវ័យ ១២ឆ្នាំ ខេន សិរីវឌ្ឍនា ថាបានជារូបគេចូលមកហ្វឹកហាត់ល្បុក្កតោនេះដោយសារតែយល់ឃើញថាជាក្បាច់គុនបុរាណរបស់ដូនតាខ្មែរ និងហ្វឹកហាត់ដើម្បីឲ្យមានភាពក្លាហានមានកេរ្តិ៍ឈ្មោះល្បីចង់ចេញប្រកួតនៅកម្មវិធីធំៗនៅថ្ងៃអនាគត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កុមារា ខេន សិរីវឌ្ឍនា

ខេន សិរីវឌ្ឍនា បានឲ្យដឹងថា រូបគេហ្វឹកហាត់កីឡាល្បុក្កតោនេះបានរយៈពេលប្រហែល ៣ឆ្នាំមកហើយនៅក្នុងសាលាគុនស្រីជ័យដំរីសាមពាន់ ឯខេត្តសៀមរាប។ បានជារូបគេជ្រើសរើសមកហ្វឹកហាត់កីឡាមួយនេះគឺល្បុក្កតោជាក្បាច់គុនដូនតាខ្មែរ និងចង់ជួយអភិរៈឲ្យគង់វង្សតទៅមុខទៀត។

កុមារា ខេន សិរីវឌ្ឍនា

កុមារារៀនថ្នាក់ទី៥ ខាងលើនេះបន្ថែមទៀតថា ក្បាច់គុនល្បុក្កតោនេះបានជួយឲ្យអ្នកហ្វឹកហាត់មានសុជីវធម៌ល្អ មានភាពក្លាហាន និងមានសុខភាពល្អកម្លាំងក្លាផងដែរ។ រូបគេហ្វឹកហាត់នេះក៏ចង់ក្លាយជាអ្នកល្បីឈ្មោះនៅក្នុងពិភពល្បក្កតោ និងចង់ក្លាយជាទាហានបានចេញទៅប្រកួតក្នុងកម្មវិធីធំៗនៅថ្ងៃអនាគតផងដែរ។

កុមារា ខេន សិរីវឌ្ឍនា

បញ្ជាក់ដែរថា កុមារា ខេន សិរីវឌ្ឍនា ជាសិស្សគុនសាលាស្រីជ័យដំរីសាមពាន់ដែលមានទីតាំងនៅភូមិតាចេក សង្កាត់ជ្រាវ ក្រុងសៀមរាប ខេត្តសៀមរាប។ សិរីវឌ្ឍនា ទើបឈ្នះមេដាយសរុប ៣គ្រឿង មាស១ ប្រាក់២ ក្នុងការប្រកួតកីឡាសិស្សបឋមសិក្សាថ្នាក់ជាតិ ឆ្នាំ២០២៦ ដែលទើបបញ្ចប់កាលពីពេលថ្មីៗនេះ៕