កីឡា

អាជ្ញាកណ្តាលព័រទុយហ្គាល់ Joao Pinheiro ដឹកនាំការប្រកួត អាហ្សង់ទីន ប៉ះ ស្វីស ព្រឹកថ្ងៃអាទិត្យ

បានផុស

២២ វិនាទី មុន

នៅ

ថ្ងៃសុក្រ ១០ កក្កដា ២០២៦

ដោយ

លោក Joao Pinheiro ជាអាជ្ញាកណ្តាលជនជាតិព័រទុយហ្គាល់ ត្រូវបានចាត់តាំងជាផ្លូវការឲ្យដឹកនាំការប្រកួតរវាង ក្រុមជម្រើសជាតិ អាហ្សង់ទីន ជាមួយ ក្រុមជម្រើសជាតិ ស្វីស នៅវគ្គ ៨ ក្រុមចុងក្រោយ ក្នុងព្រឹត្តិការណ៍បាល់ទាត់ពិភពលោក World Cup 2026។

លោក Joao Pinheiro ពិន័យកាតលឿនលើកីឡាករស្វី Nico Elvedi

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតវគ្គ ៨ ក្រុមចុងក្រោយ រវាង អាហ្សង់ទីន និង ស្វីស ត្រូវធ្វើប្រហែលជាម៉ោង ៨ ព្រឹកថ្ងៃអាទិត្យ ថ្ងៃទី១២ ខែកក្កដា ឆ្នាំ ២០២៦ នៅកីឡដ្ឋាន Arrowhead ដែលអាចផ្ទុកអ្នកទស្សនាជាង ៧ ម៉ឺននាក់ នៅទីក្រុង Kansas City ក្នុងរដ្ឋ Missouri សហរដ្ឋអាមេរិក។ ការប្រកួតនេះ ត្រូវដឹកនាំដោយបុរសអាយុ ៣៨ ឆ្នាំ គឺលោក Joao Pinheiro ដែលមានសញ្ជាតិព័រទុយហ្គាល់។

នៅក្នុងព្រឹត្តិការណ៍បាល់ទាត់ពិភពលោក World Cup ឆ្នាំ ២០២៦ លោក Joao Pinheiro បានធ្វើជាអាជ្ញាកណ្តាលចំនួន ២ ប្រកួតហើយ។ លោកបានដឹកនាំការប្រកួតរវាង ស្វីស និង បូស្នៀ នៅវគ្គសន្សំពិន្ទុក្នុងពូលកាលពីថ្ងៃទី១៨ ខែមិថុនា ឆ្នាំ ២០២៦។ ពេលនោះលោកបានចាយកាតលឿងចំនួន ៣ សន្លឹក និងពិន័យកាតក្រហម ១ សន្លឹក លើកីឡាករ Tarik Muharemovic របស់ បូស្នៀ ។

លោក Joao Pinheiro ពិន័យកាតក្រហមលើកីឡាករស្នៀ Tarik Muharemovic

បន្ទាប់មក លោកបានដឹកនាំការប្រកួតដែលជម្រើសជាតិ កាណាដា បានឈ្នះ អាហ្វ្រិកខាងត្បូង ដោយលទ្ធផល ១-០ នៅវគ្គ ៣២ ក្រុមចុងក្រោយ កាលពីថ្ងៃទី២៨ ខែមិថុនា ឆ្នាំ ២០២៦។ ការប្រកួតនោះលោកបានពិន័យកាតលឿនចំនួន ២ សន្លឹក។

ឥឡូវនេះឈានដល់ការប្រកួតទី៣ ដែលលោក Joao Pinheiro ត្រូវដឹកនាំនៅវគ្គ ៨ ក្រុមចុងក្រោយ រវាង អាហ្សង់ទីន និង ស្វីស ដែលនឹងក្លាយជាការប្រកួតលើកទី២របស់ ស្វីស ក្រោមការរកាត់សេចក្តីរបស់អាជ្ញាកណ្តាលជនជាតិព័រទុយហ្គាល់រូបនេះ។ បន្ថែមលើនេះ នៅមានបុរសជនជាតិព័រទុយហ្គាល់ ២ នាក់ទៀតគឺលោក Bruno Jesus និង Luciano Maia ជាអាជ្ញាកណ្តាលខ្សែបន្ទាត់ទី១ និងទី២ ព្រមទាំងបុរសជនជាតិកាណាដាលោក Drew Fischer ជាអាជ្ញាកណ្តាលទី៤៕