កីឡា

រឿងកាតក្រហមមួយ ធ្វើឲ្យកៅអីប្រធាន FIFA លោក 𝐆𝐢𝐚𝐧𝐧𝐢 កំពុងក្តៅខ្លាំង

បានផុស

៩ នាទី មុន

នៅ

ថ្ងៃព្រហស្បតិ៍ ៩ កក្កដា ២០២៦

ដោយ

តួនាទីជាប្រធានសហព័ន្ធកីឡាបាល់ទាត់អន្តរជាតិ (FIFA) របស់លោក 𝐆𝐢𝐚𝐧𝐧𝐢 𝐈𝐧𝐟𝐚𝐧𝐭𝐢𝐧𝐨 កំពុងតែក្តៅ បន្ទាប់ពីបញ្ហាជាច្រើនបានកើតមានឡើងនៅក្នុងព្រឹត្តិការណ៍ប្រកួតបាល់ទាត់ពិភពលោក World Cup ឆ្នាំ ២០២៦ ជាពិសេសករណីកាតក្រហមលើកីឡាករអាមេរិក។

លោក Gianni Infantino កាន់ទង់ជាតិ អេហ្ស៊ីប

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករអាមេរិក Folarin Balogun បានទទួលការពិន័យកាតក្រហម ក្នុងការប្រកួត វគ្គ ៣២ ក្រុមចុងក្រោយ ហើយត្រូវព្យួរការប្រកួតបន្ទាប់ ប៉ុន្តែ FIFA បានដកបំរាមចេញ ធ្វើឲ្យរូបគេអាចលេងទល់នឹង បែលហ្សិក នៅវគ្គ ១៦ ក្រុមចុងក្រោយ។ ករណីនេះដោយសារតែប្រធានាធិបតីអាមេរិក ដូណាល់ ត្រាំ លូកដៃអន្តរាគមន៍ ដោយហៅទូរសព្ទទៅលោកប្រធាន FIFA។

លោក ដូណាល់ ត្រាំ កាន់កាតក្រហម ពេលជួបលោក Gianni Infantino

សហព័ន្ធកីឡាបាល់ទាត់អឺរ៉ុប (UEFA) បានផ្កោលទោសយ៉ាងខ្លាំងលើករណីនេះ។ ពួកគាត់បានចាត់ទុកទង្វើរបស់លោក Infantino បំពានច្បាប់ FIFA គឺជាការសម្រេចចិត្តមិនធ្លាប់មានពីមុន មិនយល់ និងមិនសមហេតុផល។

ប្រធាន FIFA រូបនេះត្រូវដឹងពីមានទំនាក់ទំនងជិតស្និទ្ធជាមួយប្រធានាធិបតីអាមេរិក និងបានផ្តល់ពាន FIFA សន្តិភាពដល់លោក ដូណាល់ ត្រាំ ថែមទៀត។

លោក ដូណាល់ ត្រាំ ទទួលបានពាន FIFA Peace Prize

UEFA បានអំពាវនាវឲ្យមានការស៊ើបអង្កេត។ សមាជិកសភាអឺរ៉ុបជាច្រើនបានចុះហត្ថលេខាលើលិខិតមួយដើម្បីទាមទារឲ្យ គណៈកម្មការសីធម៌របស់ FIFA ធ្វើការស៊ើបអង្កេតលើលោក Infantino។ ជាមួយគ្នានេះ អង្គការក្រៅរដ្ឋាភិបាលមួយក៏បានដាក់ពាក្យបណ្តឹងទៅ គណៈកម្មាធិការអូឡាំពិកអន្តរជាតិ (IOC)។ គណៈកម្មាធិការអូឡាំពិកអន្តរជាតិមានយុត្តាធិការលើលោក Infantino ពីព្រោះលោកក៏ជាសមាជិកអញ្ជើញម្នាក់របស់ IOC។

កីឡាករអាមេរិក Folarin Balogun ទទូលបានកាតក្រហម

ទោះបីជាយ៉ាងណា តួនាទីរបស់ លោក Infantino ជាប្រធាន FIFA ទំនងជារឹងមាំ ពីព្រោះលោកបានជួយឲ្យ FIFA រកចំណូលបានច្រើន និងបានបែងចែកប្រាក់ចំណូលទាំងនោះទៅសហព័ន្ធជាសមាជិកទូទាំងពិភពលោក ហើយលោកក៏ទទួលបានការគាំទ្រដោយស្មោះស្ម័គ្រ ពីសមាជិកទ្វីបអាហ្វ្រិក អាស៊ី និងអាមេរិកខាងត្បូង សម្រាប់ការបោះឆ្នោតអាណត្តិថ្មីនៅឆ្នាំ ២០២៧៕