កីឡា

ពេជ្រ សម្បត្តិ ផ្តាំទៅ ធន់ ផានិត«វ៉ៃឲ្យអស់សមត្ថភាពដើម្បីអ្នកគាំទ្រ»

បានផុស

២ years មុន

នៅ

ថ្ងៃអង្គារ ៦ កញ្ញា ២០២២

ដោយ

អ្នកលេងគុនខ្មែរ ធន់ ផានិត ត្រូវប្រកួតជាមួយកីឡាករថៃ រ៉ាថែ នាថ្ងៃអាទិត្យ ទី១១ ខែកញ្ញានេះដើម្បីសម្រេចថាតើរូបគេត្រូវឡើងទៅជួប ពេជ្រ សម្បត្តិ ឬយ៉ាងណា នៅវគ្គពាក់កណ្តាលផ្តាច់ព្រ័ត្រខ្សែក្រវាត់ខារ៉ាបាវ សង្វៀនទូរទស្សន៍បាយ័ន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរូបមន្តនៃការប្រកួតវគ្គពាក់កណ្តាលផ្តាច់ព្រ័ត្រគឺលេខ១ និងលេខ២ ក្នុងពូល A ត្រូវប៉ះគ្នា ហើយលេខ១ និងលេខ២ក្នុងពូល B ត្រូវប៉ះគ្នា។ ដូច្នេះភាគច្រើនបំផុត ធន់ ផានិត ត្រូវជួប ពេជ្រ សម្បត្តិ ដែលកំពុងឈរលេខ១ក្នុងពូល A ដោយសារ ធន់ ផានិត ជួបដៃគូមិនលំបាកខ្លាំងប៉ុន្មានទេថ្ងៃអាទិត្យនេះ។ ប្រសិនបើ ផានិត ឈ្នះ គឺរូបគេនឹងស្ថិតនៅចំណាត់ថ្នាក់លេខ២។

លោក នាង ស៊ីវុត្ថា ប្រធានគ្រប់គ្រងការប្រកួតប្រដាល់នៅទូរទស្សន៍បាយ័នបានប្រាប់«កម្ពុជាថ្មី»ថា អ្នកលេងគុនខ្មែរនៅពេល A គឺលេខ១ និងលេខ២ត្រូវប្រកួតគ្នាវគ្គពាក់កណ្តាលផ្តាច់ព្រ័ត្រ ហើយកីឡាករថៃនៅពូល B គឺលេខ១ និងលេខ២ ត្រូវប្រកួតគ្នានៅវគ្គពាក់កណ្តាលផ្តាច់ព្រ័ត្រ។ អ្នកឈ្នះក្នុងការប្រកួតវគ្គពាក់កណ្តាលផ្តាច់ព្រ័ត្រនៃពូលនីមួយៗគឺឡើងទៅវគ្គផ្តាច់ព្រ័ត្រ ដូច្នេះ១០០%គឺខ្មែរប៉ះថៃនៅវគ្គផ្តាច់ព្រ័ត្រ។

ដោយភាគរយជួបគ្នាខ្ពស់បំផុត ពេជ្រ សម្បត្តិ បានផ្តាំទៅ ធន់ ផានិត ថា ៖«ពេលវ៉ៃគឺត្រូវធ្វើឲ្យអស់ពីសមត្ថភាពដូចគ្នា ទោះចាញ់ ឬឈ្នះគឺត្រូវធ្វើឲ្យអ្នកគាំទ្រសប្បាយចិត្ត ហើយនឹងគាំទ្រយើងបន្តទៀត»៕

អត្ថបទ៖ វីរបុត្រ

Related Topics:កីឡាប្រដាល់គុនខ្មែរ