កីឡា
វិភាគ ព្យាករ លទ្ធផល និង១១នាក់ដំបូង កូរ៉េខាងត្បូង ប៉ះ ហ្គាណា យប់នេះ
វេលាម៉ោង៨យប់នេះ ក្រុមបាល់ទាត់ជម្រើសជាតិកូរ៉េខាងត្បូង នឹងប៉ះជម្រើសជាតិហ្គាណាសម្រាប់ការប្រកួតទី២ក្នុងពូល H នៃព្រឹត្តិការណ៍បាល់ទាត់ពិភពលោក World Cup 2022 នៅប្រទេសកាតា។
បើកឆាកក្នុងពូល កូរ៉េខាងត្បូងទទួលបាន១ពិន្ទុពីលទ្ធផលស្មើគ្នា ០-០ ជាមួយជម្រើសជាតិ អ៊ូយរូហ្គាយ កាលពីថ្ងៃទី២៤ ខែវិច្ឆិកា ខណៈ ហ្គាណា បរាជ័យក្រោមថ្វីជើង ព័រទុយហ្គាល់ ដោយលទ្ធផល ៣-២។
យប់នេះ ហ្គាណា នឹងអស់ឱកាសឡើងវគ្គ១៦ក្រុមចុងក្រោយ ប្រសិនបើចាញ់កូរ៉េខាងត្បូង។ ផ្ទុយទៅវិញ បើស្មើ ត្រូវចាំអ៊ុតលទ្ធផលក្នុងការប្រកួតសន្សំពិន្ទុចុងក្រោយក្នុងពូល។
៥ប្រកួតចុងក្រោយ
ស្ថិតិ៥ប្រកួតចុងក្រោយរបស់កូរ៉េខាងត្បូងល្អគឺមិនទាន់បរាជ័យម្តងឡើយពោលគឺឈ្នះ៣ និងស្មើ២ ខណៈហ្គាណាឈ្នះ៣ ចាញ់២។
កីឡាករគួរឲ្យចាប់អារម្មណ៍
- Andre Ayew ជាសមាជិកវ័យចំណាស់ម្នាក់របស់ហ្គាណា ប៉ុន្តែបច្ចេកទេស និងល្បឿននៅតែគ្រោះថ្នាក់។ រូបគេរកបាន១គ្រាប់នៅពេលចាញ់ព័រទុយហ្គាល់។
- Son Heung-Min ជាបម្រើប្រយុទ្ធលេចធ្លោជាងគេដែលគួរឲ្យចាប់អារម្មណ៍សម្រាប់កូរ៉េខាងត្បូង។ រូបគេបានផ្តល់ការខកចិត្តដល់អាល្លឺម៉ង់ក្នុង World Cup កាលពីឆ្នាំ២០១៨ ដូច្នេះហ្គាណាអាចនឹងខកចិត្តដែរយប់នេះ។
ព័ត៌មានក្រុម
ក្តីបារម្ភចម្បងរបស់លោកគ្រូ Bento គឺសុខភាពរបស់ខ្សែបម្រើឆ្នើមអាស៊ី Son ប៉ុន្តែរូបគេបានចូលលេងកាលប្រកួតដំបូង ទោះបីជាពាក់ម៉ាស់ខ្មៅ។ ខ្សែការពាររបស់កូរ៉េខាតត្បូង Kim Min-jae បានរបួសពេលស្មើអ៊ុយរូហ្គាយ។ យ៉ាងណារូបគេមិនធ្ងន់ធ្ងរទេ។
កូនក្រុមរបស់លោក Otto Addo ហាក់មិនមានអ្វីគួរឲ្យព្រួយបារម្ភឡើយ ហើយការប្រកួតថ្ងៃនេះអាចនឹងមានការប្រែប្រួលខ្លះទៅនឹងជម្រើស១១នាក់ដែលលេងទល់នឹងព័រទុយហ្គាល់។
ប្រវត្តិជួបគ្នា
ក្រុមទាំងពីរមានប្រវត្តិជួបគ្នាគ្រប់កម្មវិធីប្រកួត៨លើក ក្នុងនោះ កូរ៉េខាងត្បូងឈ្នះ៤ដង ហើយហ្គាណា៤ដងដែរ និងមិនធ្លាប់ស្មើគ្នាឡើយ។
ព្យាករជម្រើស១១នាក់
- កូរ៉េខាងត្បូងអាចប្រើទម្រង់ ៤-២-៣-១ ជាមួយជម្រើស១១នាក់ដំបូង Kim S G; Kim M, Kim M J, Kim Y G, Kim J S; Hwang I B, Jung; Na, Lee J S, Son H M និង Hwang U J។
- ហ្គាណា អាចប្រើទម្រង់ ៥-៣-២ ជាមួយជម្រើស១១នាក់ដំបូង Ati-Zigi; Seidu, Amartey, Djiku, Salisu, Rahman; Partey, Kudus, Samed; A Ayew និង Williams។
លទ្ធផល
ជម្រើសជាតិទាំងពីរនេះល្អមិនលើសខ្វះគ្នាប៉ុន្មានឡើយទាំងតំបន់ការពារ បម្រើ និងប្រយុទ្ធ។ គូនេះច្បាស់ជាផ្តោតលើការពារខ្លាំង និងរង់ចាំឱកាសវាយបកដែលអាចមុតស្រួចដូចគ្នា។ គ្រាប់បាល់អាចកើតមាន ប៉ុន្តែមិនច្រើនឡើយ។ យ៉ាងហោចណាស់ កូរ៉េខាងត្បូង ២-១ ហ្គាណា៕
ប្រែសម្រួល៖ វីរបុត្រ
-
សេចក្ដីជូនដំណឹង១ សប្តាហ៍ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៦ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ១៦ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoកម្ពុជា ថោ្កលទោសយោធាថៃយ៉ាងខ្លាំងក្លាដែលដុតបំផ្លាញជណ្តើរឡើងប្រាសាទខ្នារ ទីតាំងបេតិកភណ្ឌវប្បធម៌
-
សន្តិសុខសង្គម៧ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»