ទស្សនាវីដេអូ Ronaldo បង្ហាញខ្លួនជាផ្លូវការនៅក្លិប Al Nassr 

កាលពីយប់ថ្ងៃអង្គារទី០៣ខែមករា កំពូលខ្សែប្រយុទ្ធ Cristiano Ronaldo បានបង្ហាញខ្លួនជាកីឡាកររបស់ក្លិប Al Nassr ជាផ្លូវការហើយ។

Ronaldo បានទទួលការស្វាគមន៍យ៉ាងកក់ក្តៅ​ និងអស្ចារ្យជាទីបំផុត ពីសំណាក់អ្នកគាំទ្រ និងថ្នាក់ដឹកនាំរបស់ក្លិបអារ៉ាប៊ីសាអូឌីត។

កីឡាករសញ្ជាតិព័រទុយហ្គាល់វ័យ ៣៧ឆ្នាំរូបនេះ ត្រូវបានស្វាគមន៍ដោយអ្នកគាំទ្រប្រមាណ ២៥,០០០នាក់ នៅកីឡដ្ឋាន Mrsool Park ក្នុងទីក្រុង រីយ៉ាដ។

Ronaldo បានចុះកុងត្រារយៈពេល២ឆ្នាំ ធ្វើឲ្យរូបគេក្លាយជាកីឡាករបាល់ទាត់មានប្រាក់ខែខ្ពស់បំផុតលើពិភពលោក។

ថ្លែងនៅក្នុងសន្និសីទសារព័ត៌មាន មុនពេលដើរចេញទៅកាន់ទីលាននៅចំពោះមុខអ្នកគាំទ្រ Ronaldo និយាយថា “ខ្ញុំមានអារម្មណ៍ថា មានមោទកភាពណាស់ ដែលបានធ្វើការសម្រេចចិត្តដ៏ធំនៅក្នុងជីវិតរបស់ខ្ញុំ។ នៅអឺរ៉ុប ការងាររបស់ខ្ញុំរួចរាល់អស់ហើយ។ ខ្ញុំបានឈ្នះអ្វីៗគ្រប់យ៉ាង ហើយឥឡូវ គឺជាការប្រកួតប្រជែងថ្មីមួយ។ ខ្ញុំអរគុណដែល Al Nassr ផ្តល់ឱកាសនេះដល់ខ្ញុំ មិនត្រឹមតែសម្រាប់បាល់ទាត់ប៉ុណ្ណោះទេ ប៉ុន្តែសម្រាប់យុវជន ​និងយុវនារីផងដែរ”៕

តស់ទៅទស្សនាវីដេអូទាំងអស់គ្នា!

អត្ថបទ៖ Vann Vann

ចុចអាន៖ Ronaldo ថាខ្លួនឈ្នះអ្វីៗគ្រប់យ៉ាងនៅអឺរ៉ុបហើយ ឥលូវដល់ពេលប្រកួតប្រជែងថ្មី