កីឡា
មន្ត្រីសហព័ន្ធបាល់ទាត់បារាំង អំពាវនាវឲ្យប្រធានរបស់ខ្លួនលាលែងពីតំណែង
ប្រធានគណៈកម្មាធិការសីលធម៌របស់សហព័ន្ធបាល់ទាត់បារាំង (FFF) បានអំពាវនាវឱ្យប្រធានស្ថាប័នគ្រប់គ្រង លោក Noel Le Graet លាលែងពីតួនាទី។
លោក Patrick Anton បានធ្វើការអត្ថាធិប្បាយកាលពីពេលថ្មីៗថា មួយថ្ងៃបន្ទាប់ពី Le Graet បានសុំទោស លោក Zinedine Zidane ដែលជាកីឡាករដ៏អស្ចារ្យរបស់ប្រទេសបារាំង ចំពោះការលើកឡើងអំពីអតីតគ្រូបង្វឹកក្រុម Real Madrid ដែលបានបញ្ចេញកំហឹងលើកីឡាករ អ្នកនយោបាយ និងក្លិបអេស្ប៉ាញ។
Zidane គឺជាបេក្ខភាពម្នាក់ក្នុងការចូលកាន់តំណែងជាគ្រូបង្វឹករបស់បារាំង ប្រសិនបើ Didier Deschamps ចាកចេញពីការងារ ប៉ុន្តែចុងក្រោយនេះលោក Deschamps បានបន្តកិច្ចសន្យា បន្ទាប់ពីលោកបានដឹកនាំក្រុមជម្រើសជាតិដល់វគ្គផ្តាច់ព្រ័ត្រ World Cup ដែលពួកគេបានចាញ់អាហ្សង់ទីន កាលពីខែមុន។
នៅពេលសួរថាតើ Zidane ដែលធ្លាប់ឈ្នះជើងឯក World Cup ជាមួយបារាំង ក្នុងឆ្នាំ១៩៩៨ និងជានិមិត្តរូបជាតិ ពេលនេះនឹងគ្រប់គ្រងក្រុមជម្រើសជាតិប្រេស៊ីលជំនួសវិញទេនោះ លោក Le Graet បានប្រាប់ RMC ថា “ខ្ញុំមិនខ្វល់ទេ គាត់អាចទៅកន្លែងណាដែលគាត់ចង់បាន”។
លោក Anton បានប្រាប់កាសែតបារាំង L’Equipe ថា “Le Graet បានបញ្ចេញមតិដែលបង្ហាញថាគាត់បានបាត់បង់ភាពម្ចាស់ការមួយចំនួនរបស់គាត់។ គាត់គឺជាបុរសដែលហត់នឿយ ដែលត្រូវការសម្រាក។”
“យើងត្រូវការអ្នកគ្របគ្រងដ៏រឹងមាំ និងស្ងប់ស្ងាត់ ដែលជាអកុសលមិនមានទៀតទេ។ ពេញមួយរដូវកាល យើងត្រូវអនុវត្តច្បាប់ក្រមសីលធម៌ដល់អ្នកដឹកនាំ ជាពិសេសប្រធានលីគ ហើយបញ្ជូនករណីទៅគណៈកម្មាធិការវិន័យ ព្រោះពួកគេបានឆ្លងផុតបន្ទាត់។”
“បើតាមប្រធានសហព័ន្ធបារម្ភ ខណៈយើងច្បាស់ជាមិនចង់បញ្ជូនរឿងនេះទៅគណៈកម្មាធិការវិន័យទេ យើងអាចសុំគាត់ចុះចេញពីតំណែងដើម្បីផលប្រយោជន៍បាល់ទាត់។”
L’Equipe បានរាយការណ៍ថាកិច្ចប្រជុំរបស់គណៈកម្មាធិការប្រតិបត្តិ FFF នឹងប្រព្រឹត្តទៅនៅថ្ងៃពុធ។ FFF មិនអាចធ្វើអត្ថាធិប្បាយបានភ្លាមៗទេ។
មុននេះ ខ្សែប្រយុទ្ធបារាំង Kylian Mbappe ក៏បានសម្តែងការមិនពេញចិត្តចំពោះការលើកឡើងរបស់លោក Le Graet ដោយបាននិយាយនៅលើ Twitter ថា “Zidane គឺជាជនជាតិបារាំង យើងមិនគោរពវីរៈបុរសបែបនេះទេ” ។
រដ្ឋមន្ត្រីកីឡារបស់ប្រទេសបារាំង Amelie Oudea-Castera គឺជាអ្នកនយោបាយម្នាក់ក្នុងចំណោមអ្នកនយោបាយជាច្រើនដែលបានប្រតិកម្មទៅនឹងការលើកឡើងរបស់ Le Graet ដោយនិយាយថា ប្រធានសហព័ន្ធកីឡាដ៏ធំបំផុតរបស់ប្រទេសនេះបានឆ្លងហួសបន្ទាត់ខណ្ឌ៕
ប្រភព ៖ reuters.com
អត្ថបទ ៖ មន្នីរ័ត្ន
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១៨ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ