កីឡា
ដៃគូ ព្រំ សំណាង នៅ Thai Fight ថ្ងៃទី៥កុម្ភៈនេះជាម្ចាស់ខ្សែក្រវាត់២គ្រឿង
កីឡាករគុនខ្មែរ ព្រំ សំណាង បានធ្វើដំណើរទៅប្រទេសថៃថ្ងៃទី៣ ខែកុម្ភៈនេះ ដើម្បីប្រកួតជាមួយកីឡាករអង់គ្លេស Thomas Carpenter ក្នុងទម្ងន់៧៥គីឡូក្រាម នៅសង្វៀនល្បី Thai Fight នាថ្ងៃអាទិត្យ ទី៥ ខែកុម្ភៈនេះ។
កីឡាករអង់គ្លេសរូបនេះធ្លាប់មានបទពិសោធច្រើនក្នុងការប្រកួតចន្លោះឆ្នាំ២០១៥ ដល់ ២០២១ ប៉ុន្តែនៅក្នុងអន្តរកាលកូវីដ-១៩ ចាប់ពីឆ្នាំ២០២១ ដល់២០២៣នេះ រូបគេហាក់ដូចជាមិនឃើញបានឡើងសង្វៀនញឹកញាប់ទេ ដូច្នេះអាចជាឱកាសរបស់ ព្រំ សំណាង ក្នុងការស្វែងរកជ័យជម្នះ និងបង្កើតកំណត់ត្រាជ័យជម្នះសម្រាប់វត្តមានលើកដំបូងនៅកម្មវិធី Thai Fight។
កីឡាករ Thomas Carpenter បច្ចុប្បន្ននេះអាយុប្រហែលជា៣២ឆ្នាំ ដែលមានកម្ពស់១.៨៦ម៉ែត្រ និងធ្លាប់មានបទពិសោធឡើងស្វៀនប្រហែល១០០ដង។ តាមព័ត៌មានដែលបានចេញផ្សាយ រូបគេធ្លាប់ឈ្នះខ្សែក្រវាត់លក្ខណៈអន្តរជាតិ៣គ្រឿង ប៉ុន្តែខ្សែក្រវាត់ដែលគួរឲ្យកត់សំគាល់គឺ ខ្សែក្រវាត់មួយថៃអន្តរជាតិ (IBF) និងខ្សែក្រវាត់ MAX MUAY THAI។
នៅថ្ងៃទី៨ ខែធ្នូ ឆ្នាំ២០១៨ Thomas Carpenter បានប្រកួតឈ្នះកីឡាករចិន Li Baoming ដោយពិន្ទុ ដើម្បីឈ្នះខ្សែក្រវាត់មួយថៃអន្តរជាតិ International Boxing Federation (IBF) នៅស្រុកហ៊ួហ៊ីន ប្រទេសថៃ។
នៅថ្ងៃទី២០ ខែមីនា ឆ្នាំ២០១៦ រូបគេបានប្រកួតឈ្នះកីឡាករថៃ Inseetong Soonkeelapantaynorrasing នៅសង្វៀន Max Muay Thai ដើម្បីឈ្នះខ្សែក្រវាត់មួយថៃអន្តរជាតិ MAX។
យ៉ាងណា ក្នុងរយៈពេលថ្មីៗកន្លងទៅនេះ Thomas Carpenter មិនបានឡើងសង្វៀនទេ។ កាលពីឆ្នាំ២០២១ រូបគេបានចាញ់សន្លប់ដោយកណ្តាប់ដៃរបស់កីឡាករថៃ Tengnueng Sitjesairoong ២ដងគឺលើកទី១ សន្លប់ក្នុងទឹកទី២ និងលើកទី២ សន្លប់ទី១ ដូច្នេះអាចមើលឃើញថា ចំណុចខ្សោយរបស់គេគឺពោះ។
ប្រៀបធៀបជាមួយ ព្រំ ណាង ដែលមានអាយុជាង៣០ឆ្នាំ កម្ពស់១.៨៣ និងធ្លាប់ប្រកួតបានជាង១០០ដងដូចគ្នា។ អ្វីដែលពិសេសនោះ កីឡាករកម្ពុជារូបនេះមិនដែលចាញ់សោះប៉ុន្មានប្រកួតចុងក្រោយ បន្ទាប់ពីស៊ីហ្គេម នៅប្រទេសវៀតណាម៕
អត្ថបទ៖ វីរបុត្រ
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»