កីឡា
លំអិតពីចំនួនវិញ្ញាសាឯកត្តជន និងចម្រុះសម្រាប់ស៊ីហ្គេមនៅកម្ពុជា
កម្ពុជាក្នុងនាមជាម្ចាស់ផ្ទះដែលមានគណៈកម្មាធិការជាតិរៀបចំការប្រកួតកីឡាស៊ីហ្គេម លើកទី៣២ ឆ្នាំ២០២៣ (CAMSOC) ជាសេនាធិការរៀបចំការប្រកួតបានសម្រេចដាក់កីឡាចំនួន៣៦ប្រភេទ និងកីឡាសម្តែង១ប្រភេទដែលមានវិញ្ញាសាជិត៦០០។
លោក អ៊ុក សិទ្ធិជាតិ អគ្គនាយកនៃអគ្គនាយកដ្ឋានកីឡារបស់ក្រសួងអប់រំ យុវជន និងកីឡា ក្នុងកិច្ចប្រជុំពិសេសស្តីពីការត្រៀមខ្លួន និងបែងចែកតួនាទី ភារកិច្ច រវាងគណៈកម្មាធិការជាតិ CAMSOC និងសហព័ន្ធកីឡាជាតិទាំងអស់នៅពហុកីឡដ្ឋានជាតិមរតកតេជោ កាលពីថ្ងៃទី៨ ខែកុម្ភៈនេះបានឲ្យដឹងថា រហូតមកដល់ពេលនេះ វិញ្ញាសាជាក់លាក់គឺចំនួន៥៨១ (មេដាយមាស៥៨១ មេដាយប្រាក់៥៨១ និងមេដាយសំរឹទ្ធ ៥៨១ ក្នុងនោះកីឡាខ្លះមានមេដាយសំរឹទ្ធស្ទួន)។
លោកអគ្គនាយកនៃអគ្គនាយកដ្ឋានកីឡាបញ្ជាក់ថា ក្នុងចំណោមចំនួនវិញ្ញាសាសរុបនេះគឺមានឯកត្តជនចំនួន៥៤០ (បុរសមាន៣១២វិញ្ញាសា និងនារីមាន២២៨វិញ្ញាសា) និងវិញ្ញាសាចម្រុះចំនួន៤១វិញ្ញាសា។
ក្នុងកិច្ចប្រជុំនេះដែរ គណៈកម្មាធិការជាតិ CAMSOC ក៏ដូចជាអគ្គនាយកដ្ឋានកីឡាបានបកស្រាយ និងរៀបរាប់ពីភារកិច្ចរបស់សហ័ន្ធកីឡាជាតិ ដែលមាន នាយកបច្ចេកទេស និងជំនួយការរបស់សហព័ន្ធកីឡានីមួយៗត្រូវយល់ច្បាស់ពីការងាររបស់ខ្លួនមានដូចជា គោលការណ៍ បទបញ្ជា ពិធីដង្ហែការប្រកួត និងពិធីបំពាក់មេដាយជាដើម។ និយាយរួមសហព័ន្ធកីឡាជាតិនីមួយៗត្រូវតែជាម្ចាស់ការខ្លួនឯងក្នុងការរៀបចំការប្រកួត ប៉ុន្តែត្រូវសហការជាមួយ CAMSOC និងសហព័ន្ធកីឡាអន្តរជាតិដើម្បីអនុវត្តគោលការណ៍រួម។
ជាពិសេសទៀតនោះ នាយកបច្ចេកទេស និងជំនួយការរបស់សហព័ន្ធកីឡាជាតិនីមួយៗត្រូវទៅប្រចាំការនៅមជ្ឈមណ្ឌលប្រតិបត្តិការនៅពហុកីឡដ្ឋានជាតិមរតកតេជោដើម្បីធ្វើការងារចាប់ពីពេលនេះទៅ។
សូមបញ្ជាក់ថា កីឡាស៊ីហ្គេម លើកទី៣២ ឆ្នាំ២០២៣ លើកដំបូងនៅប្រទេសកម្ពុជានឹងបើកជាផ្លូវការនាថ្ងៃទី៥ ខែឧសភា និងបទបញ្ចប់នៅថ្ងៃទី១៧ ខែឧសភា ប៉ុន្តែការប្រកួតកីឡាខ្លះចាប់ផ្តើមពីថ្ងៃទី២៩ ខែមេសាទៅ ហើយគ្រប់ប្រភេទកីឡាទាំងអស់នឹងបញ្ចប់ជាស្ថាពរនៅថ្ងៃទី១៦ ខែឧសភា៕
អត្ថបទ៖ វិរបុត្រ
-
សេចក្ដីជូនដំណឹង១ សប្តាហ៍ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៦ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ១៦ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoកម្ពុជា ថោ្កលទោសយោធាថៃយ៉ាងខ្លាំងក្លាដែលដុតបំផ្លាញជណ្តើរឡើងប្រាសាទខ្នារ ទីតាំងបេតិកភណ្ឌវប្បធម៌
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
សន្តិសុខសង្គម៧ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម