កីឡា
គ្រាន់តែស្មើក្លឹបក្នុងស្រុក U22 ឥណ្ឌូណេស៊ី កាត់ចេញកីឡាករ១១នាក់ រើសថ្មីត្រៀមស៊ីហ្គេម
សហព័ន្ធកីឡាបាល់ទាត់ឥណ្ឌូណេស៊ី (PSSI) ទើបតែកាត់ចេញកីឡាករ១១រូបនៃក្រុមជម្រើសជាតិអាយុក្រោម២២ឆ្នាំ (U22) ដែលត្រៀមប្រកួតកីឡាស៊ីហ្គេម លើកទី៣២ ឆ្នាំ២០២៣ នៅកម្ពុជា ប៉ុន្តែជ្រើសរើសកីឡាករថ្មីដាក់បញ្ចូល។
ក្នុងសេចក្តីប្រកាសលើវេបសាយ PSSI ថ្មីបំផុត លោក Indra Sjafri គ្រូបង្វឹក U22 ឥណ្ឌូណេស៊ី បាននិយាយថា កីឡាករ១១រូបដែលត្រូវបានកាត់ចេញមានដូចជា Ramai Rumakiek, Komang Tri Arta Wiguna, Tito Wiratama, Tri Setiawan និងអ្នកចាំទី Muhammad Darmawan ជាដើម។ យ៉ាងណា លោកត្រូវបានគេរំពឹងថា នឹងកោះហៅសមាជិកថ្មីចូលបន្ថែមដើម្បីត្រៀមខ្លួនមុនពេលធ្វើដំណើរមកកម្ពុជា។
ការជម្រុះចេញកីឡាករច្រើនរូបនេះកើតមានឡើង បន្ទាប់ពីក្រុម U22 ឥណ្ឌូណេស៊ី បានប្រកួតមិត្តភាពកម្តៅសាច់ដុំជាមួយក្លឹប Bhayangkara បានត្រឹមលទ្ធផល ១-១ នៅកីឡដ្ឋាន Bung Karno។ ពួកគេនឹងប្រកួតមិត្តភាពអន្តរជាតិជាមួយជម្រើសជាតិលីបង់អាយុក្រោម២៣ឆ្នាំ ថ្ងៃទី១២ ខែមេសា និងប្រកួតម្តងទៀត ថ្ងៃទី១៦ ខែមេសានេះ ហើយក៏មានការប្រកួតមិត្តភាពមួយទៀតជាមួយក្លឹបក្នុងស្រុក។
លោក Indra Sjafri បាននិយាយថា ៖«យើងកំពុងឈានដល់ដំណាក់កាលនៃការកសាងផែនការការងារ និងការប្រកួតជាក់លាក់សម្រាប់ស៊ីហ្គេម នៅកម្ពុជា។ បន្ទាប់ពីស្មើជាមួយក្លឹប Bhayangkara កីឡាករ១១នាក់ត្រូវបានកាត់ចេញ ហើយខ្ញុំនឹងកោះហៅអ្នកថ្មីចូល»។
លោកបានបញ្ជាក់ថា កីឡាករ៧រូបនឹងត្រូវកោះហៅពីក្រុមយុវជនឥណ្ឌូណេស៊ីអាយុក្រោម២០ឆ្នាំដល់អាយុ២៣ឆ្នាំ។
ក្រុមឥណ្ឌូណេស៊ី ស្ថិតនៅពូល A ជាមួយម្ចាស់ផ្ទះកម្ពុជា មីយ៉ាន់ម៉ា ហ្វីលីពីន និងទីម័រខាងកើត។
កម្មវិធីប្រកួតរបស់ឥណ្ឌូណេស៊ីក្នុងស៊ីហ្គេម
- ឥណ្ឌូណេស៊ី vs ហ្វីលីពីន ថ្ងៃទី២៩ ខែមេសា
- ឥណ្ឌូណេស៊ី vs មីយ៉ាន់ម៉ា ថ្ងៃទី៤ ខែឧសភា
- ឥណ្ឌូណេស៊ី vs ទីម័រខាងកើត ថ្ងៃទី៧ ខែឧសភា
- ឥណ្ឌូណេស៊ី vs កម្ពុជា ថ្ងៃទី១០ ខែឧសភា
ប្រែសម្រួល៖ វីរបុត្រ
ប្រភព៖ postsen
-
សេចក្ដីជូនដំណឹង១ សប្តាហ៍ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៦ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ១៦ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoកម្ពុជា ថោ្កលទោសយោធាថៃយ៉ាងខ្លាំងក្លាដែលដុតបំផ្លាញជណ្តើរឡើងប្រាសាទខ្នារ ទីតាំងបេតិកភណ្ឌវប្បធម៌
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
សន្តិសុខសង្គម៧ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម