កីឡា
ធន់ ផានិត បកស្រាយក្បាច់វ៉ៃរបស់ខ្លួនដែលមិនមែនជាការវ៉ៃខ្វះបច្ចេកទេស
អ្នកប្រដាល់គុនខ្មែរ ធន់ ផានិត ត្រូវបានអ្នកគាំទ្រខ្លះបានលើកឡើងពីការវ៉ៃនៅលើសង្វៀនខ្វះបច្ចេកទេស ដោយមើលឃើញកីឡាកររូបនេះសម្រុកដើរចូលវ៉ៃដៃគូប្រើកម្លាំងបាយច្រើនជាង។
ជុំវិញការលើកឡើងបែបនេះ ធន់ ផានិត ពិតជាអរគុណណាស់ដែលអ្នកគាំទ្រតាមដាន និងចាប់អារម្មណ៍នឹងក្បាច់វ៉ៃរបស់ខ្លួន ហើយអរគុណដែលបានជួយប្រាប់ពីចំណុចខ្វះខាត។ ទោះបីជាយ៉ាងណា កីឡាកររូបនេះបានលើកឡើងថា របៀបវ៉ៃរបស់ខ្លួននៅលើសង្វៀនជាក្បាច់ផ្ទាល់ខ្លួន ប៉ុន្តែមិនមែនជាការប្រើកម្លាំងបាយខ្វះបច្ចេកទេសនោះឡើយ។
ធន់ ផានិតបាននិយាយថា ៖«ខ្ញុំវ៉ៃតាមបច្ចេកទេស តាមនិចនិករបស់ខ្ញុំ។ យើងមិនអាចវ៉ៃតាមអ្វីដែលអ្នកគាំទ្រចង់បានទេ។ យើងគិតថា យើងវ៉ៃតាមបច្ចេកទេសហ្នឹងទៅស៊ីគេ។ យើងល្អចំណុចហ្នឹង យើងវ៉ៃខ្លួនឯង យើងដឹងខ្លួនឯង»។
រហូតមកដល់ពេលនេះ ធន់ ផានិត មិនទាន់មានខ្សែក្រវាត់ពាក់លើចង្កេះនៅឡើយទេ បើទោះជាបានក្លាយជាកីឡាករលំដាប់ជួរមុខមួយរូបទទួលបានការគាំទ្រច្រើនពីមហាជន។ កាលប្រកួតខ្សែក្រវាត់ខារ៉ាបាវ លើកមុន រូបគេទទួលបានត្រឹមចំណាត់ថ្នាក់លេខ៣ ប៉ុន្តែសម្រាប់ខ្សែក្រវាត់រដូវខារ៉ាបាវរដូវកាលថ្មីឆ្នាំ២០២៣នេះ រូបគេសង្ឃឹមឡើងវគ្គផ្តាច់ព្រ័ត្រ។
ធន់ ផានិត កំពុងឈរលើនៅលើគេក្នុងចំណោមបេក្ខភាពទាំង៨នាក់ខ្សែក្រវាត់រដូវកាលថ្មី បន្ទាប់ពីឆ្លងកាត់២ប្រកួត ឈ្នះទាំង២ប្រកួត ដោយទទួលបាន៦ពិន្ទុពេញ។ នៅថ្ងៃអាទិត្យ ទី២៣ ខែមេសានេះ រូបគេត្រូវប្រកួតទី៣ទល់នឹង កីឡាករថៃ ថៈឡេកងើន។ កីឡាករថៃរូបនេះទើបមាន២ពិន្ទុប៉ុណ្ណោះ បន្ទាប់ពីចាញ២២ប្រកួតជាប់គ្នា។
រូបមន្តនៃការប្រកួតខ្សែក្រវាត់នេះ បន្ទាប់ពីចប់ការប្រកួតវគ្គសន្សំពិន្ទុ នឹងរកឃើញកីឡាករខ្មែរ២រូប និងកីឡាថៃ២រូបដែលមានពិន្ទុខ្ពស់ជាងគេឡើងទៅកាន់វគ្គពាក់កណ្តាលផ្តាច់ព្រ័ត្រ។ នៅវគ្គពាក់កណ្តាលផ្តាច់ព្រ័ត្រកីឡាករខ្មែរត្រូវប៉ះកីឡាករខ្មែរ ហើយកីឡាករថៃត្រូវប៉ះកីឡាករថៃ ដូច្នេះកីឡាករថៃម្នាក់ និងកីឡាករកម្ពុជាឡើងទៅកាន់វគ្គផ្តាច់ព្រ័ត្រ ហើយក៏មានកីឡាករខ្មែរម្នាក់ និងកីឡាករថៃម្នាក់ប្រកួតគ្នាដណ្តើមចំណាត់ថ្នាក់លេខ៣៕
អត្ថបទ៖ វីរបុត្រ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានអន្ដរជាតិ៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ