កីឡា

U19 នារីកម្ពុជា ប៉ះ នារីទីម័រខាងកើត រសៀលថ្ងៃនេះ

បានផុស

៣ years មុន

នៅ

ថ្ងៃសុក្រ ៧ កក្កដា ២០២៣

ដោយ

ក្រុមបាល់ទាត់នារីជម្រើសជាតិកម្ពុជាអាយុក្រោម១៩ឆ្នាំ (U19) ត្រូវប្រកួតជាមួយក្រុម U19 នារីទីម័រខាងកើត វេលាម៉ោង៣:៣០នាទីរសៀល ថ្ងៃសុក្រ ទី៧ ខែកក្កដានេះក្នុងពានរង្វាន់ AFF U19 Women’s Championship លើកទី៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះជាការប្រកួតលើកទី២ បន្ទាប់ពីការប្រកួតបើកឆាក ក្រុមនារីកម្ពុជាបានឈ្នះក្រុមនារីឡាវដោយលទ្ធផល ២-១។ ចំពោះក្រុមនារីទីម័រខាងកើតប្រកួតបើកឆាកបានចាញ់នារីឥណ្ឌូណេស៊ី ដោយលទ្ធផលធ្ងន់ធ្ងរ ០-៧។

សម្រាប់ជើងឯក AFF U19 Women’s Championship ឆ្នាំ២០២៣ នេះត្រូវបានបែងចែកជា៣ពូល ក្នុងនោះពូល A មាន៤ក្រុមគឺ ឥណ្ឌូណេស៊ី កម្ពុជា ឡាវ និងទីម័រខាងកើត ខណៈ២ពូលផ្សេងទៀតមានតែ៣ក្រុមដូចគ្នា។ ក្រុមលេខ១ក្នុងពូលទាំង៣ឡើងទៅវគ្គពាក់កណ្តាលផ្តាច់ព្រ័ត្រ និង១ក្រុមទៀត ត្រូវជ្រើសរើសក្រុមលេខ២ល្អបំផុតក្នុងចំណោមពូលទាំង៣។

ក្រុមនារីកម្ពុជាពិបាកនឹងប្រជែងយកចំណាត់ថ្នាក់លេខ១ជាមួយម្ចាស់ផ្ទះឥណ្ឌូណេស៊ីណាស់នៅក្នុងពូល A ដូច្នេះត្រូវតែធ្វើយ៉ាងណាត្រូវធ្វើឲ្យបានល្អសម្រាប់ចំណាត់ថ្នាក់លេខ២។ ដោយសារពូលផ្សេងមានតែ៣ក្រុមដូចគ្នា ពួកគេប្រកួតតែពីរដងប៉ុណ្ណោះ ប្រៀបធៀបនឹងពូល A មាន៤ក្រុមត្រូវប្រកួត៣ដង។

បច្ចុប្បន្ននេះ តារាងពិន្ទុពូល A លេខ១ ឥណ្ឌូណេស៊ី លេខ២ កម្ពុជា លេខ៣ឡាវ និងលេខ៤ ទីម័រខាងកើត។ តាមលក្ខខណ្ឌបានចែងគឺ លទ្ធផលនៃការការប្រកួតជាមួយក្រុមដែលស្ថិតនៅចំណាត់ថ្នាក់លេខ៤នៅក្នុងពូល មិនត្រូវបានចាត់ជាលទ្ធផលសម្រាប់ធ្វើការពិចារណាដើម្បីចំណាត់ថ្នាក់លេខ២ល្អបំផុតនោះទេ។

ការប្រកួតចុងក្រោយជាមួយក្រុមនារីឥណ្ឌូណេស៊ី ថ្ងៃអាទិត្យ ទី៩ ខែកក្កដា ទើបសំខាន់បំផុត៕

អត្ថបទ៖ វីរបុត្រ

Related Topics:កីឡាបាល់ទាត់នារី

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា