កីឡា

ក្រុមបាល់ទាត់ Wild Cats ក្លាយជាជើងឯក CamEd Women’s Futsal 2025

បានផុស

២ ខែ មុន

នៅ

ថ្ងៃអង្គារ ៣ មិថុនា ២០២៥

ដោយ

ក្រោយចំណាយពេលប្រហែលមួយខែមកនេះពានរង្វាន់បាល់ទាត់ក្នុងសាល CamEd Women’s Futsal Tournament 2025 រកឃើញម្ចាស់ជើងឯកហើយគឺលើក្រុម Wild Cats បន្ទាប់ពីយកឈ្នះវគ្គផ្ដាច់ព្រ័ត្រលើក្រុម Xiongmei FT។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិដ្ឋភាពប្រកួតវគ្គផ្ដាច់ព្រ័ត្រ

តំណាងក្រុម Wild Cats និស្សិត ឃុន ចន្ទរ៉ូសិកា បានឲ្យដឹងថា ពិតជារីករាយដែលបានចូលរួមប្រកួតពានរង្វាន់Futsal តាំងពីប្រកួតដំបូងរហូតវគ្គផ្ដាច់ព្រ័ត្រនេះ។ ចំណុចដែលខ្លួនចាប់អារម្មណ៍ការលេងពានមួយនេះគឺការយល់ចិត្ត និងភាពសហការគ្នាបើទោះជាសមាជិកក្រុមខ្លះមិនដែលបានលេងកីឡានោះក៏ដោយ ប៉ុន្តែពួកគេខំប្រឹងព្យាយាមរហូតអាចឈ្នះពាន។

ទិដ្ឋភាពបញ្ចប់ការប្រកួត

ចំណែកសមាជិកក្រុមផ្សេងទៀតលើកឡើងដែរថា ការប្រកួតពានរង្វាន់មួយនេះបានធ្វើឲ្យរូបគេបានជម្នះចំពោះខ្លួនឯងផង និងជាមួយអ្នកដទៃផង។ លើសពីនេះបានបង្កើនមិត្តភាព និងស្គាល់មិត្តភ័ក្ដិថ្មីៗដែលរៀននៅសាលាជាមួយគ្នាថែមទៀត។

ក្រុម Wild Cats

បញ្ជាក់ដែរថា ពានរង្វាន់ CamEd Women’s Futsal Tournament 2025 ផ្នែកនារីដែលរៀបចំឡើងដោយវិទ្យាស្ថានខេមអេដ បានបិទបញ្ចប់ហើយកាលពីល្ងាចថ្ងៃទី១ ខែមិថុនា ឆ្នាំ២០២៥ នៅសាលមជ្ឈមណ្ឌលហ្វឹកហ្វឺនកីឡានៃពហុកីឡដ្ឋានជាតិ។ ក្រុមឈ្នះជើងឯកបានទៅលើ Wild Cats ចំណាត់ថ្នាក់លេខ២ បានលើក្រុម Xiongmei FT លេខ៣ បានលើក្រុម Powerpuff Girls និងលេខ៤ បានលើក្រុម Supernova៕