កីឡា

និស្សិតឆ្នាំទី២ កែវ ជីងអ៊ី កីឡារួមចំណែកក្នុងការកាត់បន្ថយភាពតានតឹង និងធ្វើឲ្យមានសុខភាពមាំមួន

បានផុស

១ year មុន

នៅ

ថ្ងៃអង្គារ ២៩ មេសា ២០២៥

ដោយ

កែវ ជីងអ៊ី និស្សិតឆ្នាំទី២ នៃវិទ្យាស្ថានខេមអេដ ថាកីឡាបានរួមចំណែកក្នុងការកាត់បន្ថយភាពតានតឹង ធ្វើឲ្យម្នាក់ៗមានសុខភាពមាំមួន និងបានជួបជុំផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

និស្សិត កែវ ជីងអ៊ី

ថ្លែងក្នុងក្រោយបើកការប្រកួតបាល់ទាត់ CamEd Women’s Futsal Tournament 2025 យុវតី កែវ ជីងអ៊ី នេះជាលើកទី១ ដែលបានប្រកួតលើទីលានហ្វូតសាល និងជាលើកទី១ ដែលចូលប្រកួតប្រជែងបាល់ទាត់ជាផ្លូវការបែបនេះ។

ក្រុម Supernova

និស្សិតឆ្នាំទី២ ខាងលើនេះបន្ថែមទៀតថា សាលាបានរៀបចំកម្មវិធីបាល់ទាត់នេះឡើងគឺមានសារប្រយោជន៍ច្រើនដល់សិស្សទាំងផ្នែកស្មារតី និងរាងកាយ។ ខាងផ្នែកស្មារតីគឺម្នាក់ៗមានភាពរឹងមាំ និងកាត់បន្ថយភាពតានតឹងពីការសិក្សាកន្លងទៅ។ ចំណែកផ្នែករាងកាយវិញធ្វើឲ្យគ្រប់គ្នាមានសុខភាពល្អមាំមួន ចេះសាមគ្គីគ្នា និងចេះរៀបចំខ្លួនក៏ដូចជាក្រុមត្រៀមជួបរាលបញ្ហាចំពោះមុខចេះរកដំណោះស្រាយ និងឆ្ពោះទៅរកភាពជោគជ័យ។ ទាំងនេះជាឱកាសមួយដល់សិស្សនិស្សិតស្វែងយល់បានជាបទពិសោធសម្រាប់ពេលចេញធ្វើការនៅពេលបញ្ចប់ការសិក្សាជាដើម។

ទិដ្ឋភាពប្រជុំគ្នា

បញ្ជាក់ដែរថា វិទ្យាស្ថានខេមអេដ កាលពីរសៀលថ្ងៃទី២៦ ខែមេសា ឆ្នាំ២០២៥ នេះបានបើកការប្រកួតបាល់ទាត់នារី CamEd Women’s Futsal Tournament 2025 នៅក្នុងសាលមជ្ឈមណ្ឌលហ្វឹកហ្វឺនកីឡា។ ព្រឹត្តិការណ៍នេះមានកីឡាការិនីដែលជានិស្សិតរបស់ខ្លួនសរុប ១០៤នាក់ និងត្រូវជា ១០ក្រុមប្រកួតប្រជែងរៀងរាល់ចុងសប្ដាហ៍រហូតដល់ថ្ងៃទី៤ ខែឧសភា ទើបបិទបញ្ចប់។ យុវតី កែវ ជីងអ៊ី គឺតំណាងក្រុម Supernova ដែលត្រូវប្រជែងពាន ខេមអេដ នេះ៕