កីឡា

លោក Pep ប្តេជ្ញាធ្វើឲ្យបានល្អប៉ះភ្នំពេញក្រោនដើម្បីអ្នកគាំទ្រក្នុងដីថ្ងៃសុក្រនេះ

បានផុស

៣ years មុន

នៅ

ថ្ងៃអង្គារ ៨ សីហា ២០២៣

ដោយ

ព្រះខ័នរាជស្វាយរៀងនឹងបើកទ្វារកីឡដ្ឋានស្វាយរៀងទទួលក្រុមភ្ញៀវល្អ ភ្នំពេញក្រោន វេលាម៉ោង៦ល្ងាច ថ្ងៃសុក្រ ទី១១ ខែសីហា ឆ្នាំ២០២៣ សម្រាប់ការប្រកួតសប្តាហ៍ទី២ ខេមបូឌានព្រីមៀរលីគ។

វានឹងក្លាយជាជំនួបធំប្រចាំសប្តាហ៍គួរឲ្យចាប់អារម្មណ៍សម្រាប់អ្នកគាំទ្រ។ នៅសប្តាហ៍ទី១ ភ្នំពេញក្រោនរកបាន៣ពិន្ទុពីជ័យជម្នះលើក្រុមបឹងកេតដោយលទ្ធផល ២-១ ខណៈព្រះខ័នរាជស្វាយរៀងបានឈ្នះម្ចាស់ផ្ទះក្រសួងការពារជាតិដោយលទ្ធផល ០-២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Pep Muñoz គ្រូបង្វឹកព្រះខ័នរាជស្វាយរៀងបានលើកឡើងពីការប្រកួតសំខាន់ជាមួយភ្នំពេញក្រោនថា ៖«ពិតណាស់ គោលដៅរបស់យើងត្រៀមខ្លួនពីមួយប្រកួតទៅមួយប្រកួត។ បន្ទាប់ពីប្រកួតជាមួយក្រសួងការពារជាតិរួច យើងនឹងចាប់ផ្តើមបន្តការហ្វឹកហាត់ពីថ្ងៃស្អែកតែម្តង ពីព្រោះយើងត្រូវជួបភ្នំពេញក្រោនដែលជាក្រុមល្អបំផុតនាពេលបច្ចុប្បន្ន»។

«កីឡាកររបស់ភ្នំពេញក្រោនមានបទពិសោធច្រើន យល់ពីបច្ចេកទេសលេងច្បាស់លាស់ ពួកគេមានគុណភាព ដូច្នេះក្រុមរបស់ខ្ញុំត្រូវតែប្រឹងប្រែង និងជំរុញទឹកចិត្តដើម្បីបង្ហាញសមត្ថភាពឲ្យបានល្អក្នុងនាមជាម្ចាស់ផ្ទះសម្រាប់អ្នកគាំទ្រនៅខេត្តស្វាយរៀង។ យើងត្រូវតែបន្តប្រឹងប្រែងហ្វឹកហាត់ បន្តគំនិតវិជ្ជមាន ហើយចាប់ផ្តើមត្រៀមខ្លួនពីថ្ងៃស្អែកទៅដើម្បីស្វែងរកជ័យជម្នះជូនអ្នកគាំទ្ររបស់យើងនៅក្នុងដី»។

ស្របពេលមានកម្មវិធីប្រកួតដ៏មមាញឹក ក្លិបភ្នំពេញក្រោនបានត្រៀមកីឡាករសម្រាប់ការប្រកួតនីមួយៗ។ ជាក់ស្តែងខ្សែការពារមួយចំនួនមិនត្រូវបានដាក់ឲ្យលេងទេនៅពេលប្រកួតជាមួយបឹងកេត ពីព្រោះទុកជើងប្រកួតជាមួយព្រះខ័នរាជស្វាយរៀងដែលលើកពីថ្ងៃសៅរ៍មកប្រកួតនៅថ្ងៃសុក្រ ហើយបន្ទាប់មកពួកគេត្រូវប្រកួតជាមួយ Young Elephant របស់ឡាវក្នុងវគ្គជម្រើសជើងឯក AFC Cup ជុំទី១នៅថ្ងៃទី១៦ ខែសីហានេះ។

កីឡាករសំខាន់ៗមួយចំនួនរបស់ព្រះខ័នរាជស្វាយរៀងត្រូវបានកោះហៅចូលរួមក្នុងក្រុមជម្រើសជាតិអាយុក្រោម២៣ឆ្នាំដូចជាខ្សែបម្រើ មិន រតនៈនិង ជូ ស៊ិនទិ ខណៈយុវជនរបស់ភ្នំពេញក្រោនមាន សំអុល ទីណា, កើត ពេជ្រ និង ឈុំ សុខហៃ។

សំបុត្រសម្រាប់ទស្សនាការប្រកួតរវាង ព្រះខ័នរាជស្វាយរៀង និង ភ្នំពេញក្រោន ថ្ងៃសុក្រ ទី១១ ខែសីហា ឆ្នាំ២០២៣ នៅកីឡដ្ឋាស្វាយរៀងគឺជម្រើសទីមួយ ៦ ០០០រៀល និងជម្រើសទីពី ៤ ០០០រៀល៕

អត្ថបទ៖ វីរបុត្រ

ព័ត៌មានជាតិ៦ ថ្ងៃ ago

ថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ

សន្តិសុខសង្គម១ សប្តាហ៍ ago

ត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា

ព័ត៌មានអន្ដរជាតិ៥ ថ្ងៃ ago

អង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ

ព័ត៌មានអន្ដរជាតិ១ សប្តាហ៍ ago

យន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់

សេដ្ឋកិច្ច១ សប្តាហ៍ ago

កម្ពុជា មានក្រុមហ៊ុននាំចូលសាច់បង្កកចំនួន ៥៧

ព័ត៌មានជាតិ១ សប្តាហ៍ ago

ក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា