Connect with us

កីឡា

សមិទ្ធផលសំខាន់ៗរបស់លោក Satoshi Saito ក្នុងនាមជា CEO ជាង២ឆ្នាំរបស់ CPL

បានផុស

នៅ

កុងត្រា​​របស់​លោក Satoshi Saito ​ជា​នាយក​ប្រតិបត្តិ (CEO) របស់​ក្រុម​ហ៊ុន​ខេមបូឌានព្រីមៀរលីគ (CPL) នឹង​ចប់​នៅ​បំណាច់​ឆ្នាំ​២០២៣​ បន្ទាប់​ពី​លោក​បាន​កាន់អស់​រយៈ​ពេល​ជាង២​ឆ្នាំ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Satoshi Saito ត្រូវ​បាន​​ក្រុម​ហ៊ុន​លីគ​បាល់ទាត់​កម្ពុជាតែង​តាំង​ជា​នាយក​ប្រតិបត្តិ​​កាល​ពី​ថ្ងៃ​ទី​១៤ ខែ​តុលា ឆ្នាំ​២០២១ ដើម្បី​ដឹក​នាំ​ ​​កែ​លំអ និង​អភិវឌ្ឍ​លីគ​បាល់ទាត់​កំពូល​កម្ពុជា​ឲ្យ​មាន​វិជ្ជាជីវៈ និង​ស្តង់ដា ស្រប​តាម​កម្រិត​​​អាស៊ី (AFC) និង​អន្តរជាតិ (FIFA)។

​លោក​បាន​រួម​ចំណែក​ជួយ​ធ្វើ​ឲ្យ​ការ​ប្រកួត​លីគ​បាល់ទាត់​កំពូល​​កម្ពុជា​កាន់​តែ​មាន​គុណភាព និង​ប្រជែង​ប្រជែង​ខ្លាំង​តាម​រយៈ​ការ​ប្រកួត​មាន៣​ជើង​គឺ​ជើង​ទី១ ជើង​ទី​២ និង​ជើង​ទី​៣ មុន​ពេល​​ជ្រើស​រើស​យក​៤​ក្រុម​កំពូល (Top 4) ដើម្បី​ប្រកួត​ជើង​ទី​៤​ទៀត​ទើប​រក​ឃើញ​ក្រុម​ជើង​ឯក។

លោក Satoshi Saito បាន​រួម​ចំណែក​ជួយ​កែ​ប្រែគោលការណ៍​ប្រកួត​បន្ថែម​ទៀត​​ដូច​ជា តម្រូវ​ឲ្យ​គ្រប់​ក្លិប​​ចុះ​បញ្ជី​កូតា​កីឡាករ​អាស៊ាន​១​នាក់​ដែល​​បាន​ក្លាយ​​ជា​ផ្នែក​មួយ​​ធ្វើ​ឲ្យ​ប្រទេស​​ក្នុង​តំបន់​អាស៊ាន​ចាប់​អារម្មណ៍​​លើ​វិស័យ​កីឡា​បាល់ទាត់​កម្ពុជា។ លោក​បាន​ផ្លាស់​ប្តូរ​ពេល​វេលា​ប្រកួត​ពី​មួយ​រដូវ​កាល​​ក្នុង​​ឆ្នាំ ​​ទៅជា​មួយ​រដូវ​កាល​ឆ្លង​ឆ្នាំ ពោល​គឺ​​ចាប់​ផ្តើម​​ពាក់​កណ្តាល​ឆ្នាំ និង​​ឆ្លង​ចូល​ឆ្នាំ​ថ្មី​មួយ​ទៀត​ទើបចប់។ គោលការណ៍​ប្រកួត​​នេះ​ស្រប​តាម​លីគរបស់​ប្រទេស​ជា​ច្រើន​ទូទាំង​ពិភព​លោក និង​ស្រប​តាម​របៀប​វារៈ​​របស់​សហព័ន្ធ​កីឡា​បាល់ទាត់​ពិភព​លោក​។

នៅ​ក្នុង​រយៈ​ពេល​ពីរ​ឆ្នាំ​ចុង​ក្រោយ​នេះ CPL បង្កើត​​ពាន​រង្វាន់​មួយ​ចំនួន​​មាន​ដូច​ជា ​​កីឡាករល្អ​ប្រចាំ​ការ​ប្រកួត​នីមួយៗ និង​កីឡាករ​ល្អ​ប្រចាំ​ខែ​ដែល​ទទួល​បាន​រង្វាន់ដូច​ជាម៉ូតូ និង​ឧបករណ៍​ប្រើ​ប្រាស់​ជា​ដើម។

ជា​ពិសេស​ទៀត​នោះ លោក​​បាន​បង្កើត​ពាន​រង្វាន់​​សំខាន់​២​​គឺ ខេមបូឌានលីគ​ខាប់ (Cambodian League Cup) និង ខេមបូឌានស៊ុបភើខាប់ (Cambodian Super Cup) ដែល​ជា​ពាន​រង្វាន់​បើក​រដូវ​កាល​ថ្មី។

ក្នុង​នាម​ជា​នាយក​ប្រតិបត្តិ​របស់ CLP លោក Satoshi Saito បាន​បង្កើត​ការ​ទំនាក់​ទំនងជិតស្និទ្ធ​ជា​មួយ​អ្នក​សារព័ត៌មានជា​ប្រចាំ រៀបចំ​ពិធី​បើក-បិទនៃ​ការ​ប្រកួត​លីគ​ទី១ និង​លីគ​ទី​២​ មាន​សន្និសីទ​សារព័ត៌មានមុនការ​ប្រកួត ក៏​ដូច​ជា​ចុះ​វាយ​តម្លៃ​ហេដ្ឋារចនា​សម្ព័ន្ធ​តាម​ក្លិប​នានា​ដើម្បី​​ឲ្យ​កាន់​តែ​មាន​កម្រិត​ស្តង់ដា​​អន្តរជាតិ។

សមិទ្ធផល​មួយចំនួន​​ខាង​លើ​​របស់​លោក Saito ​បាន​​ត្រួយ​ត្រាយផ្លូវ​ឲ្យ​​ថ្នាក់​ដឹក​នាំ​ក្រោយ​បន្ត​អនុវត្ត និង​​អភិវឌ្ឍ​បន្ថែម។

មុន​ពេលចូល​មក​ដឹក​នាំ​ក្រុម​ហ៊ុន CPL លោក​មាន​បទពិសោធ​ច្រើន​​ដូច​ជា​ ​អ្នក​គ្រប់​គ្រង​ផ្នែកទី​ផ្សារ​នៅ​ក្លិប​បាល់ទាត់ FC Barcelona របស់​ប្រទេស​អេស្ប៉ាញ ជា​អនុប្រធាន​ការិយាល័យបេសកកម្ម​ពិសេស​របស់សមាគម​កីឡា​បាល់ទាត់​ជប៉ុន (JFA) ជានាយក​ទីផ្សារ​នៅ​សហព័ន្ធ​កីឡា​បាល់ទាត់​អាស៊ី (AFC) និង​ជា​ទី​ប្រឹក្សា​របស់​សហព័ន្ធ​កីឡា​បាល់ទាត់​ពិភព​លោក (FIFA)៕

អត្ថបទ៖ វីរបុត្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២១ នាទី មុន

តើវិបត្តិនៅសមុទ្រក្រហម បង្កឱ្យមានផលប៉ះពាល់អ្វីខ្លះដល់សហភាពអ៊ឺរ៉ុប?

ព័ត៌មានជាតិ២ ម៉ោង មុន

លោក ហេង សួរ ដឹកនាំ​កិច្ចប្រជុំ​អន្តរក្រសួង​ស្តីពី​វិធាន​ការរួម​ដើម្បី​ទប់ស្កាត់​អគ្គិភ័យ​ក្នុង​វិស័យ​កម្ម​មន្ត​សាល និង​ឧស្សាហកម្ម​ទេសចរណ៍

ចរាចរណ៍២ ម៉ោង មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ៥ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ៥ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម