កីឡា
ឪពុកម្តាយកីឡាការិនី អប្សរាកា នឹងចេញពីអាមេរិកទៅគាំទ្រដល់បារាំង
កីឡាការិនីហែលទឹកជម្រើសជាតិកម្ពុជា សាក់ប៊ុន អប្សរាកា តារីណា ស្ថិតក្នុងចំណោមអត្តពលិកខ្មែរ៣រូបដែលត្រូវចូលរួមប្រកួតកីឡាអូឡាំពិក ឆ្នាំ២០២៤ នៅទីក្រុងបារីស ប្រទេសបារាំង។
កីឡាការិនីវ័យក្មេង អប្សរាកា រំភើបរីករាយនៅពេលកញ្ញាត្រូវបានគណៈកម្មការជំនាញអន្តរជាតិជ្រើសរើសសម្រាប់ការចូលរួមប្រកួតកីឡាអូឡាំពិក ឆ្នាំ២០២៤។ តាមពិតទៅកញ្ញាទើបតែដឹងពីខ្លួនមានឈ្មោះប៉ុន្មានថ្ងៃមុនប៉ុណ្ណោះ ពីព្រោះកម្ពុជាមិនមែនជាអ្នកកំណត់ជ្រើសរើសម្នាក់ឯងនោះទេ។ វាអាស្រ័យលើគណៈកម្មការជំនាញអន្តរជាតិពិនិត្យមើលពីសមត្ថភាពដិតដល់ទើបគេសម្រេចចិត្តជ្រើសរើសយក បើទោះបីជាការចូលរួមរបស់កម្ពុជាក្នុងនាមជាសមាជិកអនុគ្រោះនៃចលនាជំរុញកីឡាអូឡាំពិក។
អប្សរាកា បាននិយាយថា ៖«ខ្ញុំមិនធ្លាប់រំពឹងថា ទទួលបានឱកាសចេញទៅប្រកួតអូឡាំពិកទេ។ ខ្ញុំមានការភ្ញាក់ផ្អើលនៅពេលទទួលបានឱកាសនេះ។ ខ្ញុំសង្ឃឹមថា ខ្ញុំនឹងធ្វើបានកំណត់ត្រាល្អបំផុតសម្រាប់ការចូលរួមប្រកួតលើកដំបូងនេះ។ ខ្ញុំពិតជារំភើបរីករាយដែលតំណាងឲ្យកម្ពុជាដើម្បីចូលរួមប្រកួតកីឡាអូឡាំពិក បន្ទាប់ពីខ្ញុំធ្វើបានល្អកាលស៊ីហ្គេម ឆ្នាំ២០២៣។ លើកនេះខ្ញុំនឹងធ្វើឲ្យបានល្អបំផុត»។
ក្រោយពីបញ្ចប់ព្រឹត្តិការណ៍កីឡាស៊ីហ្គេម លើកទី៣២ ឆ្នាំ២០២៣ ដែលកម្ពុជាធ្វើជាម្ចាស់ផ្ទះ កីឡាការិនីខ្មែរ-អាមេរិករូបនេះបានត្រឡប់ទៅសហរដ្ឋអាមេរិក និងបានហ្វឹកហាត់នៅទីនោះដោយមិនសូវបានសម្រាកទេ។
កញ្ញាបានប្រាប់ថា ៖«ក្រោយចប់ស៊ីហ្គេម ខ្ញុំមិនបានសម្រាកច្រើនទេ គឺខ្ញុំបន្តហ្វឹកហាត់នៅអាមេរិក។ ខ្ញុំហ្វឹកហាត់៦ថ្ងៃក្នុងមួយសប្តាហ៍ រយៈពេលមួយឆ្នាំចុងក្រោយនេះ»។
កីឡាការិនីវ័យក្មេងរូបនេះទទួលបានការគាំទ្រ និងលើកទឹកចិត្តយ៉ាងខ្លាំងសម្រាប់ការចូលរួមក្នុងក្រុមជម្រើសជាតិហែលទឹក។ ជាពិសេសទៀតនោះ ក្រុមគ្រួសារនឹងចាកចេញពីសហរដ្ឋអាមេរិកដើម្បីទៅលើកទឹកចិត្តកញ្ញាផ្ទាល់ដល់ទីក្រុងបារីសថែមទៀត។
កីឡាការិនី អប្សរាកា បានប្រាប់ថា ៖«ក្រុមគ្រួសាររបស់ខ្ញុំមានការគាំទ្រយ៉ាងខ្លាំងដែលឃើញខ្ញុំទទួលបានឱកាសដ៏កម្រនេះ។ ពួកគាត់សប្បាយរីករាយ។ ឪពុកម្តាយរបស់ខ្ញុំ និងបងប្រុសរបស់ខ្ញុំនឹងទៅគាំទ្រខ្ញុំដល់ទីក្រុងបារីសតែម្តង»។
កីឡាការិនី សាក់ប៊ុន អប្សរាកា តារីណា នឹងប្រកួតវិញ្ញាសាហែលសេរីចម្ងាយ៥០ម៉ែត្រ។ ថិរវេលារបស់កញ្ញាដែលធ្វើបានកាលពីស៊ីហ្គេម ឆ្នាំ២០២៣គឺ ២៦.២៤វិនាទី។ កញ្ញាបានចាប់ផ្តើមហែលទឹកតាំងពីអាយុ៤ឆ្នាំនៅសហរដ្ឋអាមេរិក និងត្រូវបានកោះហៅចូលជម្រើសជាតិកម្ពុជា បន្ទាប់ពីកញ្ញាធ្លាប់បានចូលរួមប្រកួតជាច្រើននៅទីនោះ។
បើក្រឡេកមើលបេក្ខនារីសម្រាប់ការចូលរួមប្រកួតវិញ្ញាសាហែលសេរីចម្ងាយ៥០ម៉ែត្រនៅកីឡាអូឡាំពិក ឆ្នាំ២០២៤ គឺមានចំនួន៧៩នាក់ដែលសុទ្ធតែកីឡាការិនីឆ្នើមជម្រើសជាតិទូទាំងពិភពលោក។
ក្រៅពីកីឡាការិនីហែលទឹក សាក់ប៊ុន អប្សរាកា តារីណា ក៏មានកីឡាករហែលទឹកខ្មែរ-បារាំង អង់ត្វ័ន ម៉ាតាំង ក្លូឌ ព្រមទាំងកីឡាករអត្តពលកម្ម ឈុន ប៊ុនថន ជាម្ចាស់មេដាយមាសស៊ីហ្គេមដែលនឹងធ្វើដំណើរទៅប្រទេសបារាំង ថ្ងៃអាទិត្យ ទី២១ ខែកក្កដា ឆ្នាំ២០២៤៕
អត្ថបទ៖ វីរបុត្រ
ពលរដ្ឋខ្មែរនៅជប៉ុនគាំទ្រចំពោះដំណើរទស្សនកិច្ចសម្តេចធិបតីទៅជប៉ុននៅចុងខែនេះ
សពបុរសដែលលោតទឹកនៅលើស្ពានជ្រោយចង្វារ ត្រូវបានប្រទះឃេីញហេីយ
ស្មាត់មកពី អាស៊ី Ishikawa ជួយឱ្យក្លិបអ៊ីតាលី Perugia ឈ្នះជើងឯក CEV Champions League
លោក នេត្រ ភក្ត្រា ៖ ការដាក់ចេញផែនការបណ្តុះបណ្តាលធនធានមនុស្សជំនាញក្នុងវិស័យព័ត៌មាន ស្របតាមការវិវឌ្ឍនៃបច្ចេកវិទ្យា
រថយន្តបុកម៉ូតូសណ្តោង រួចទៅបុករថយន្តមួយទៀត បណ្តាលឱ្យស្លាប់២នាក់និងរបួសធ្ងន់ ស្រាល១១នាក់
ស្នងការរាជធានី ប្រកាសតែងតាំងលោកវរសេនីយ៍ទោ ប៉ាង សាវឿន ឲ្យគ្រប់គ្រងការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ
រថយន្តបុកម៉ូតូសណ្តោង រួចទៅបុករថយន្តមួយទៀត បណ្តាលឱ្យស្លាប់២នាក់និងរបួសធ្ងន់ ស្រាល១១នាក់
Update ៖ ករណីនារីម្នាក់ ធ្លាក់ពីលើអគារនៅខណ្ឌចំការមន
អាមេរិក បញ្ជូនដ្រូនឈ្លបយកការណ៍ទៅសមុទ្រខ្មៅជាថ្មី ក្រោយកិច្ចប្រជុំរុស្ស៊ី-អ៊ុយក្រែន គ្មានបានផល
អតីតប្រធានាធិបតីអាមេរិក ចូ បៃដិន កើតជំងឺមហារីកធ្ងន់ធ្ងរ
-
ចរាចរណ៍២ ថ្ងៃ agoស្នងការខេត្តប៉ៃលិន បំភ្លឺជុំវិញករណីគ្រោះថ្នាក់ចរាចណ៍បណ្តាលឱ្យស្លាប់ភាគីជិះម៉ូតូ
-
សន្តិសុខសង្គម៧ ម៉ោង agoស្នងការរាជធានី ប្រកាសតែងតាំងលោកវរសេនីយ៍ទោ ប៉ាង សាវឿន ឲ្យគ្រប់គ្រងការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ
-
ចរាចរណ៍៤ ថ្ងៃ agoUpdate៖ អ្នកបង្កគ្រោះថ្នាក់បុករះនៅមុខក្រសួងមហាផ្ទៃ ជានាយការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ នៃស្នងការដ្ឋាននគរបាលរាជធានីភ្នំពេញ
-
ចរាចរណ៍៤ ថ្ងៃ agoUpdate៖ អ្នកបើករថយន្ដបុករះនៅមុខក្រសួងមហាផ្ទៃ ស្ថិតក្រោមជាតិអាល់កុល 0,35mg/L
-
សន្តិសុខសង្គម៦ ថ្ងៃ agoឃាត់ខ្លួនប្រធានផ្សារទួលពង្រ និងបក្ខពួក ពាក់ព័ន្ធករណីដើរយកភាស៊ីពីអាជីវករលក់ដូរតាមរ៉ឺម៉កម៉ូតូ
-
ព័ត៌មានជាតិ១ សប្តាហ៍ agoរតនគិរី៖ ជនជាតិដើមភាគតិច ស្នើរដ្ឋាភិបាលសាងសង់ស្ពានឆ្លងកាត់ទន្លេសម្រួលដល់ការធ្វើដំណើរ
-
ព័ត៌មានជាតិ១ ថ្ងៃ agoមន្ត្រីសុខាភិបាល អំពាវនាវឱ្យពលរដ្ឋចាក់វ៉ាក់សាំង Pfizer ដើម្បីការពារវីរុសបំប្លែងថ្មី JN.1
-
កីឡា៣ ថ្ងៃ agoលោក អេ ភូថង ប្រាប់ថា មិនដឹងរឿងផ្ទាល់ខ្លួនរបស់ ធឿន ធារ៉ា ខណៈបែកធ្លាយវីដេអូជក់បារីអេឡិចត្រូនិក