កីឡា

ហែមថុន វិទិនី៖ អាងទឹកខេត្តបាត់ដំបងអាចហាត់បែបអាជីពក៏បានចូលហែលលេងក៏បានតម្លៃ ១ម៉ឺនរៀលប៉ុណ្ណោះ

បានផុស

១ ខែ មុន

នៅ

ថ្ងៃអង្គារ ២៦ ឧសភា ២០២៦

ដោយ

គ្រូបង្វឹកកីឡាហែលទឹក កញ្ញា ហែមថុន វិទិនី ប្រកាសដល់សាធារណៈជនពិសេសអ្នកខេត្តបាត់ដំបង ឬអាណាព្យាបាលដែលមានបំណងចង់ឲ្យកូនៗក្លាយជាកីឡាករហែលទឹកអាជីពអាចចូលហ្វឹកហាត់នៅអាងទឹកក្នុងសកលវិទ្យាល័យបាត់ខេត្តដំបងបាន ខណៈអ្នកចង់ចូលហែលកម្សាន្តក៏បានដូចគ្នាតម្លៃ ១ម៉ឺនរៀលប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្រូហែលទឹក ហែមថុន វិទិនី

កញ្ញា ហែមថុន វិទិនី គ្រូបង្វឹកហែលទឹកជម្រើសជាតិបានលើកឡើងថា អាងទឹកក្នុងសកលវិទ្យាល័យខេត្តបាត់ដំបងជាអាងទឹកបែបស្ដង់ដាអន្តរជាតិ និងមានទេសភាពព័ន្ធជុំវិញយ៉ាងស្រស់ស្អាតដែលអំណោយផលដល់អ្នកមកហែលលេងតែម្ដង។

គ្រូបង្វឹកដែលមានបទពិសោធជោកជាំខាងលើនេះបន្ថែមទៀតថា អាងទឹកនេះក៏បើកបង្រៀនដល់សិស្សផងដែរដែលមានបំណងចង់ហ្វឹកហាត់តាមបែបស្ដង់ដា។ ដូច្នេះប្រសិនបើអាណាព្យាបាលដែលចង់ឲ្យកូនៗក្លាយជាកីឡាករអាជីពនៅថ្ងៃខាងមុខ និងចង់ឲ្យកូនក្លាយជាកីឡាករតំណាងខេត្តបាត់ដំបង តំណាងឲ្យប្រទេសកម្ពុជា អាចទំនាក់ទំនងមកកាន់កញ្ញាផ្ទាល់ដើម្បីហ្វឹកហាត់ក៏បាន ឬទៅកាន់ទីតាំងអាងទឹកផ្ទាល់ក៏បានដើម្បីសាកសួរព័ត៌មាន។

អាងទឹកនៅខេត្តបាត់ដំបង

ចំពោះអ្នកដែលចង់ទៅហ្វឹកហាត់លេងមួយពេលៗ ឬហែលកម្សាន្តសប្បាយនោះក៏អាចចូលបានដែរដោយគ្រាន់តែទិញសំបុត្រ ១ម៉ឺនរៀលសម្រាប់មនុស្សពេញវ័យ និង ៦,០០០រៀលសម្រាប់ក្មេងៗតែប៉ុណ្ណោះ។ បញ្ជាក់ដែរថា អាងទឹកនៅឯខេត្តបាត់ដំបងនេះគឺស្ថិតនៅក្នុងទីតាំងសកលវិទ្យាល័យខេត្តបាត់ដំបងតែម្ដង។ អាងទឹកនេះផងដែរមានអាងសម្រាប់ហែលធំ-តូច ចំនួន ២ និងអាងសម្រាប់លោតទឹកចំនួន ១៕